ਚੰਡੀਗੜ: ਸੌਦਾ ਸਾਧ ਦੇ ਵੱਲੋਂ ਪਿਛਲੇ ਸਮੇਂ ਲੰਮੇ ਤੋਂ ਕੀਤੀਆਂ ਜਾ ਰਹੀਆਂ ਧਰਮ ਅਤੇ ਲੋਕ ਵਿਰੋਧੀ ਕਾਰਵਾਈਆਂ ਦੇ ਖਿਲਾਫ ਪੰਜਾਬ ਅਤੇ ਦੇਸ਼ਾ ਵਿਦੇਸ਼ਾ ਦੇ ਲੋਕਾਂ ਵਿਚ ਕਾਫੀ ਵਿਰੋਧ ਪਾਇਆ ਜਾ ਰਿਹਾ ਹੈ। ਡੇਰਾ ਸਾਧ ਦੇ ਖਿਲਾਫ ਅਜਿਹੇ ਕਈ ਦੋਸ਼ ਸਾਹਮਣੇ ਆਏ ਹਨ ਜਿਨਾਂ ਵਿਚ ਸੋਦਾ ਸਾਧ ਨੇ ਆਪਣੇ ਵਿਰੋਧੀ ਹੋਏ ਚੇਲਿਆ ਦੇ ਕਤਲ ਕਰਨ ਅਤੇ ਚੇਲੀਆਂ ਦੇ ਨਾਲ ਬਲਤਕਾਰ ਆਦਿ ਕੀਤੇ ਹਨ। ਅਜਿਹਾ ਹੀ ਅੱਜ ਇੱਕ ਹੋਰ ਮਾਮਲਾ ਸਾਹਮਣੇ ਆਇਆ ਹੈ । ਜਿਸ ਵਿਚ ਇੱਕ ਵਿਅਕਤੀ ਨੇ ਆਪਣੇ ਆਪ ਨੂੰ ਡੇਰਾ ਸਿਰਸਾ ਮੁਖੀ ਦਾ ਜਵਾਈ ਦੱਸਦਿਆਂ ਡੇਰਾ ਮੁਖੀ ਕੋਲੋਂ ਅਪਣੀ ਜਾਨ ਨੂੰ ਖ਼ਤਰੇ ਦਾ ਖ਼ਦਸਾ ਪ੍ਰਗਟ ਕਰਦੀ ਇਕ ਪਟੀਸ਼ਨ ਦਾਖ਼ਲ ਕਰਕੇ ਪੰਜਾਬ ਅਤੇ ਹਰਿਆਣਾ ਹਾਈਕੋਰਟ ਨੂੰ ਅਪੀਲ ਕੀਤੀ ਹੈ ਕਿ ਉਸ ਨੂੰ ਹਰਿਆਣਾ ਸਰਕਾਰ ਕੋਲੋਂ ਸੁਰਖਿਆ ਮੁਹੱਈਆ ਕਰਵਾਉਣ ਲਈ ਆਦੇਸ਼ ਦਿੱਤੇ ਜਾਣ। ਜਿਸ ਨੂੰ ਮੁੱਖ ਰੱਖਦਿਆ ਮਾਨਯੋਗ ਹਾਈਕੋਰਟ ਨੇ ਹਰਿਆਣਾ ਸਰਕਾਰ ਤੇ ਪੰਚਕੁਲਾ ਦੇ ਐਸ.ਪੀ ਨੂੰ ਨੋਟਿਸ ਜਾਰੀ ਕਰਕੇ ਜਵਾਬ ਤਲਬੀ ਕੀਤੀ ਹੈ।