Main News Page

ਕਾਨਪੁਰ ਸਿੱਖ ਵੇਲਫੇਯਰ ਸੋਸਾਇਟੀ ਦੇ ਪ੍ਰਬੰਧਕਾਂ ਅਤੇ ਡਾ. ਸੰਗਤ ਸਿੰਘ ਹੋਰਾਂ ਨਾਲ ਗਲਬਾਤ ਕਰਦਿਆ ਦਾਸ ਨੇ ਉਨਾਂ ਅਗੇ ਅਪਣੇ ਵੀਚਾਰ ਸਾਂਝੇ ਕਰਦਿਆ ਅਪਣੇ ਇਹ ਵੀਚਾਰ ਰਖੇ ਕੇ- ਇਸ ਤਰ੍ਹਾਂ ਦੇ ਸੇਮੀਨਾਰ ਅਪਣੇ ਅਮੀਰ ਵਿਰਸੇ ਨੂੰ ਇਤਿਹਾਸਕ ਪਖੋ ਪੇਸ਼ ਕਰਕੇ ਇਨਾਂ ਪ੍ਰਬੰਧਕਾਂ ਨੇ ਬਹੁਤ ਸਲਾਘਾਂ ਯੋਗ ਕਮ ਕੀਤਾ ਹੈ। ਲੇਕਿਨ 'ਸਰਹਿੰਦ ਫਤਿਹ ਦਿਵਸ' ਮਨਾਉਣਾਂ ਤੇ ਇਸ ਲੜੀ ਦੀ ਪਹਿਲੀ ਕੜੀ ਹੈ। ਨਵੀਂ ਸਿੱਖ ਪਨੀਰੀ ਨੂੰ ਅਪਣੇ ਵਿਰਸੇ ਤੇ ਇਤਿਹਾਸ ਨਾਲ ਜੋੜਨ ਲਈ ਸਾਨੂੰ "ਖਾਲਸਾ ਰਾਜ ਫਤਿਹ ਦਿਵਸ" ਵਰਗੇ ਦਿਹਾੜੇ ਜੋ ਕੌਮ ਲਈ ਬਹੁਤ ਅਹਿਮ "ਈਵੇਂਟ" ਹਨ, ਵੀ ਮਣਾਏ ਜਾਣੇਂ ਚਾਹੀਦੇ ਹਨ।ਉਸ ਸਵੈਮਾਨ ਤੇ ਗੌਰਵ ਮਈ ਦਿਹਾੜੇ ਨੂੰ ਕੌਮ ਨੇ ਉਕਾ ਹੀ ਭੁਲਾ ਦਿਤਾ ਹੈ।

ਇਸ ਦਿਨ ਜਥੇਦਾਰ ਜੱਸਾ ਸਿੰਘ ਆਲਹੂਵਾਲੀਆ ਤੇ ਖਾਲਸਾ ਫੌਜ ਦੇ ਜਰਨੈਲ ਭਾਈ ਭਗੇਲ ਸਿੰਘ ਨੇ ਤੀਹ ਹਜਾਰੀ ਫੋਜ ਲੈ ਕੇ ਦਿੱਲੀ ਨੂੰ ਫਤਿਹ ਕੀਤਾ ਤੇ ਲਾਲ ਕਿਲੇ ਤੇ "ਕੇਸਰੀ ਨਿਸ਼ਾਨ" ਫਹਿਰਾ ਕੇ ਹਿੰਦੁਸਤਾਨ ਦੇ ਤਖਤ ਤੇ "ਖਾਲਸਾ ਰਾਜ" ਕਾਇਮ ਕੀਤਾ। ਜੇ ਇਹੋ ਜਹਿਆ ਗੌਰਵ ਮਈ ਦਿਹਾੜਾ ਭਾਰਤ ਦੀ ਕਿਸੇ ਹੋਰ ਕੌਮ ਕੋਲ ਹੁੰਦਾ ਤੇ ਉਹ ਇਸ ਨੂੰ ਬਹੁਤ ਵੱਡੇ ਪੱਧਰ ਤੇ ਇਸ ਦਾ ਪ੍ਰਚਾਰ ਕਰਦੀ ਤੇ ਦੁਣੀਆ ਨੂੰ ਇਸ ਬਾਰੇ ਦਸਦੀ। ਲੇਕਿਨ ਇਹ ਬਹੁਤ ਹੀ ਦੁਖ ਦੀ ਗਲ ਹੈ ਕੇ ਸਿੱਖ ਇਤਿਹਾਸ ਵਿਚ ਉਸ ਬਹੁਤ ਹੀ "ਅਹਿਮ ਦਿਹਾੜੇ" ਨੂੰ ਕੌਮ ਦੇ ਆਗੂ ਤੇ ਵਿਦਵਾਨਾਂ ਨੇ ਮੂਡੋਂ ਹਿ ਭੁਲਾ ਦਿਤਾ ਹੈ। ਅਸੀਂ ਗੁਰਪੁਰਬ ਤੇ ਬਹੁਤ ਵਡੇ ਪਧਰ ਤੇ ਮਨਾਉਂਦੇ ਹਾਂ, ਇਸ ਵਿਚ ਰਾਗੀਆਂ ਨੂੰ 51000 ਤੋਂ ਲੈ ਕੇ 150000 ਤਕ ਫੀਸ ਦਿੰਦੇ ਹਾਂ, ਤੇ ਉਹ ਅਠ ਦਸ ਸ਼ਬਦ ਸੁਣਾ ਕੇ ਅਪਣੇ ਬੋਝੇ ਭਰਦੇ ਤੇ ਸੰਗਤਾਂ ਲੰਗਰ ਛਕ ਕੇ ਘਰ ਨੂੰ ਤੁਰ ਜਾਂਦੀਆਂ ਹਨ। ਇਨਾਂ ਵਿਚੋਂ ਬਹੁਤੇ ਰਾਗੀ ਤੇ ਪ੍ਰਚਾਰਕ ਇਨਾਂ ਦਿਹਾੜਿਆਂ ਪ੍ਰਤੀ ਆਪ ਹੀ ਅਨਜਾਣ ਹੁੰਦੇ ਨੇ। ਇਹੋ ਜਹੇ ਸੈਮੀਨਾਰ ਤੇ ਵਿਦਵਾਨਾਂ ਦੀਆਂ ਤਕਰੀਰਾਂ ਅਪਣੇ "ਅਮੀਰ ਵਿਰਸੇ" ਦੀ ਜਾਣਕਾਰੀ ਤੇ ਜਾਗਰੂਕਤਾ ਪੈਦਾ ਕਰਨ ਵਿਚ ਸਹਾਇਕ ਹੁੰਦੇ ਨੇ। ਮੇਰੀ ਪ੍ਰਬੰਧਕਾਂ ਨੂੰ ਬਿਨਤੀ ਹੈ ਕੇ ਉਹ ਇਸ ਸੇਮੀਨਾਰ ਵਾਂਗ ਅਗਲੀ ਵਾਰ "ਖਾਲਸਾ ਰਾਜ ਫਤਿਹ ਦਿਵਸ" ਵੀ ਮਨਾਂਉਣ ਦਾ ਉਪਰਾਲਾ ਜਰੂਰ ਕਰਣ।ਦਾਸ ਦੇ ਇਸ ਸੁਝਾਵ ਨੂੰ ਫੋਰਨ ਹੀ ਕਾਨਪੁਰ ਸਿੱਖ ਵੇਲਫਅਰ ਸੋਸਾਈਟੀ ਦੇ ਪ੍ਰਬੰਧਕਾਂ ਨੇ ਇਸ ਤੇ ਵੀਚਾਰ ਕਰਨ ਤੇ ਉਸ ਤੇ ਅਮਲ ਕਰਨ ਲਈ ਸਵੀਕਾਰ ਕਰ ਲਿਆ।

ਇੰਦਰਜੀਤ ਸਿੰਘ, ਕਾਨਪੁਰ