|
ਅਮਰੀਕਾ ਦੇ ਕੈਲੀਫੋਰਨੀਆ ਸੂਬੇ ਵਿਚ
ਕੈਦੀਆਂ ਨੂੰ ਉਨ੍ਹਾਂ ਦੇ ਧਰਮ ਮੁਤਾਬਕ ਦਾੜ੍ਹੀ ਰੱਖਣ ਦੀ ਆਗਿਆ
ਵਾਸ਼ਿੰਗਟਨ, 12 ਜੂਨ: ਅਮਰੀਕਾ ਦੇ
ਕੈਲੀਫੋਰਨੀਆ ਸੂਬੇ ਵਿਚ ਕੈਦੀਆਂ ਨੂੰ ਉਨ੍ਹਾਂ ਦੇ ਧਰਮ ਮੁਤਾਬਕ ਦਾੜ੍ਹੀ ਰੱਖਣ ਦੀ ਆਗਿਆ ਦੇਣ ਬਾਰੇ
ਸਹਿਮਤੀ ਦੇ ਦਿੱਤੀ ਗਈ ਹੈ। ਸਿੱਖ ਭਾਈਚਾਰੇ ਦੇ ਇਕ ਮੈਂਬਰ ਨੇ ਸ਼ਨੀਵਾਰ ਇਥੇ ਇਹ ਜਾਣਕਾਰੀ ਦਿੱਤੀ।
ਸਿੱਖਾਂ ਵਲੋਂ ਇਕ ਸਿੱਖ ਕੈਦੀ ਸੁਖਜਿੰਦਰ ਸਿੰਘ ਬਸਰਾ ਵਲੋਂ ਕੈਲੀਫੋਰਨੀਆ ’ਚ ਸੁਧਾਰ ਅਤੇ ਮੁੜ
ਵਸੇਬਾ ਵਿਭਾਗ ਵਿਰੁੱਧ ਦਾਇਰ ਮੁਕੱਦਮੇ ਵਿਚ ਇਹ ਸਮਝੌਤਾ ਕੀਤਾ ਗਿਆ ਹੈ।
‘ਸਿੱਖ ਕੂਲੀਸ਼ਨ’ ਮੁਤਾਬਕ ਸਮਝੌਤੇ ਅਧੀਨ ਬਸਰਾ ਦੇ ਦਾੜ੍ਹੀ ਨਾ ਕੱਟਣ ਦੇ
ਅਨੁਸ਼ਾਸਨਾਮਤਕ ਰਿਕਾਰਡ ਨੂੰ ਵੇਖਦੇ ਹੋਏ ਉਸ ਨੂੰ ਅਜਿਹਾ ਕਰਨ ਦੀ ਆਗਿਆ ਦਿੱਤੀ ਜਾਏਗੀ।
ਬਸਰਾ ਨੂੰ ਇਸ ਲਈ ਕਈ ਵਾਰ ਅਨੁਸ਼ਾਸਨਾਮਤਕ ਪਾਬੰਦੀਆਂ ਦਾ ਸਾਹਮਣਾ ਕਰਨਾ ਪਿਆ।
ਸਮਝੌਤੇ ਅਧੀਨ ਦਾੜ੍ਹੀ ਰੱਖਣ ਦੀ ਆਗਿਆ ਸਿਰਫ ਸਿੱਖਾਂ ਨੂੰ ਹੀ ਨਹੀਂ ਦਿੱਤੀ ਗਈ ਸਗੋਂ ਸਭ ਕੈਦੀਆਂ
ਨੂੰ ਆਪਣੇ ਧਰਮ ਮੁਤਾਬਕ ਦਾੜ੍ਹੀ ਰੱਖਣ ਦੀ ਆਗਿਆ ਦਿੱਤੀ ਗਈ ਹੈ। |
