Main News Page

ਨਵੀਂ ਦਿੱਲੀ (26 ਮਈ,ਪੀ.ਐਸ.ਐਨ): ਭਾਰਤ ਦੀ ਰਾਸ਼ਟਰਪਤੀ ਪ੍ਰਤਿਭਾ ਦੇਵੀ ਪਾਟਿਲ ਨੇ ਪ੍ਰੋ:ਦਵਿੰਦਰਪਾਲ ਸਿੰਘ ਭੁਲਰ ਹੋਰਾ ਦੀ ਫਾਸੀ ਦੀ ਮਾਫੀ ਬਾਰੇ ਰਹਿਮ ਦੀ ਅਪੀਲ ਨੂੰ ਖਾਰਜ ਕਰ ਦਿੱਤਾ ਹੈ। ਰਾਸ਼ਟਰਪਤੀ ਭਵਨ ਦੇ ਸੂਤਰਾਂ ਨੇ ਇਸ ਬਾਰੇ ਜਨਤਕ ਤੌਰ ਉਪਰ ਕੋਈ ਜਾਣਕਾਰੀ ਨਹੀਂ ਦਿੱਤੀ। ਜ਼ਿਕਰਯੋਗ ਹੈ ਕਿ ਪ੍ਰੋ: ਭੁਲਰ ਹੋਰਾਂ ਨੂੰ 25 ਅਗਸਤ 2001 ਵਿੱਚ ਭਾਰਤੀ ਅਦਾਲਤ ਵਲੋਂ ਪੰਜਾਬ ਪੁਲਿਸ ਦੇ ਜਿਲ੍ਹਾ ਮੁਖੀ ਸੁਮੇਧ ਸੈਣੀ ਉਪਰ 1991 ਅਤੇ ਮਨਿੰਦਰ ਬਿੱਟੇ ਉਪਰ 1993 ਵਿੱਚ ਜਾਨਲੇਵਾ ਬੰਬ ਧਮਾਕਾ ਕਰਨ ਦੇ ਜੁਰਮ ਵਿੱਚ ਮੌਤ ਦੀ ਸਜਾ ਸੁਣਾਈ ਸੀਪਿਛਲੇ 8 ਸਾਲਾਂ ਤੋਂ ਰਾਸ਼ਟਰਪਤੀ ਕੋਲ ਪਈ ਪ੍ਰੋ: ਦਵਿੰਦਰਪਾਲ ਸਿੰਘ ਭੁੱਲਰ ਦੀ ਫਾਂਸੀ ਦੀ ਸਜ਼ਾ ਤੇ ਰਹਿਮ ਲਈ ਕੀਤੀ ਅਪੀਲ ਦੀ ਅਰਜ਼ੀ ਨੂੰ ਆਖਰ ਅੱਜ ਰਾਸ਼ਟਰਪਤੀ ਨੇ ਰੱਦ ਕਰਦਿਆਂ ਹੋਇਆ, ਪ੍ਰੋ: ਭੁੱਲਰ ਦੀ ਫਾਂਸੀ ਤੇ ਆਪਣੀ ਮੋਹਰ ਲਾ ਦਿੱਤੀ ਹੈ। ਭਾਵੇਂ ਕਿ ਦੂਜੇ ਪਾਸੇ ਸੁਪਰੀਮ ਕੋਰਟ 'ਚ ਪ੍ਰੋ: ਭੁੱਲਰ ਦੀ ਫਾਂਸੀ ਨੂੰ ਉਮਰ ਕੈਦ 'ਚ ਬਦਲਣ ਸਬੰਧੀ ਅਰਜ਼ੀ ਤੇ ਅਦਾਲਤ ਵਲੋਂ ਦਿੱਲੀ ਸਰਕਾਰ ਨੂੰ ਛੇ ਹਫਤਿਆਂ 'ਚ ਜਵਾਬ ਦੇਣ ਲਈ ਆਖਿਆ ਗਿਆ ਸੀ।

ਇਥੇ ਵਰਣਨਯੋਗ ਹੈ ਕਿ ਕਾਂਗਰਸੀ ਆਗੂ ਮਨਿੰਦਰਜੀਤ ਬਿੱਟਾ ਤੇ 1993 'ਚ ਮਾਰੂ ਹਮਲੇ ਦੇ ਦੋਸ਼ 'ਚ ਮੌਤ ਦੀ ਸਜ਼ਾ ਜਾ ਸਾਹਮਣਾ ਕਰ ਰਹੇ ਦਵਿੰਦਰਪਾਲ ਸਿੰਘ ਭੁੱਲਰ ਵਲੋਂ ਆਪਣੀ ਮੌਤ ਦੀ ਸਜ਼ਾ ਨੂੰ ਉਮਰ ਕੈਦ 'ਚ ਤਬਦੀਲ ਕਰਨ ਦੀ ਅਪੀਲ ਪਾਈ ਗਈ ਸੀ, ਜਿਸ ਤੇ ਜਸਟਿਸ ਜੇ ਐਸ ਸਿੰਘਵੀ ਅਤੇ ਸੀ ਕੇ ਪ੍ਰਸਾਦ ਤੇ ਅਧਾਰਿਤ ਬੈਂਚ ਨੇ ਦਿੱਲੀ ਸਰਕਾਰ ਨੂੰ ਛੇ ਹਫਤਿਆਂ 'ਚ ਜਵਾਬ ਦੇਣ ਲਈ ਆਖਿਆ ਸੀ ਅਤੇ 8 ਸਾਲ ਤੋਂ ਭੁੱਲਰ ਦੀ ਰਹਿਮ ਦੀ ਅਪੀਲ ਤੇ ਫੈਸਲਾ ਲੈਣ ਦੀ ਹੋ ਰਹੀ ਦੇਰੀ ਦੇ ਕਾਰਣ ਵੀ ਪੁੱਛੇ ਸਨ। ਭੁੱਲਰ ਵਲੋਂ ਪੇਸ਼ ਹੁੰਦਿਆਂ ਸੀਨੀਅਰ ਵਕੀਲ ਕੇ ਐਸ ਤੁਲਸੀ ਨੇ ਇਸ ਸਮੇਂ ਦਲੀਲਾਂ ਦਿੱਤੀਆਂ ਸੀ ਕਿ ਭੁੱਲਰ ਨੂੰ ਜਦੋਂ ਤੋਂ ਦੋਸ਼ੀ ਕਰਾਰ ਦਿੱਤਾ ਗਿਆ ਉਦੋਂ ਤੋਂ ਹੀ ਉਸਨੂੰ ਕਾਲ ਕੋਠੜੀ 'ਚ ਰੱਖਿਆ ਜਾ ਰਿਹਾ ਹੈ ਜਿਸ ਕਾਰਣ ਉਸਦਾ ਮਾਨਸਿਕ ਸੰਤੁਲਨ ਵਿਗੜਣ ਤੋਂ ਇਲਾਵਾ ਉਸਨੂੰ ਕਈ ਬਿਮਾਰੀਆਂ ਨੇ ਵੀ ਘੇਰ ਲਿਆ ਹੈ। ਇਸ ਲਈ ਜੇਕਰ ਉਸਨੂੰ ਫਾਂਸੀ ਲਾਉਣ 'ਚ ਐਨੀ ਦੇਰੀ ਹੋਣੀ ਤਾਂ ਉਸਦੀ ਮੌਤ ਦੀ ਸਜ਼ਾ ਉਮਰ ਕੈਦ 'ਚ ਤਬਦੀਲ ਕਰ ਦੇਣੀ ਚਾਹੀਦੀ ਹੈ। ਉਨਾਂ ਇਹ ਵੀ ਦਲੀਲ ਦਿੱਤੀ ਸੀ ਕਿ ਕਿਸੇ ਨੂੰ ਮੌਤ ਦੀ ਸਜ਼ਾ ਦੇ ਨਾਲ ਨਾਲ ਉਮਰ ਕੈਦ ਨਹੀਂ ਦਿੱਤੀ ਜਾ ਸਕਦੀ।