Share on Facebook | ||
ਜਥੇਦਾਰ
ਸਹਿਬ ਦਾ ਪੱਗ ਦੇ ਮਸਲੇ ’ਤੇ ਦਿੱਤਾ ਬਿਆਨ ਸ਼ਲਾਘਾਯੋਗ: ਭਾਈ ਸਿਰਸਾ • ਬਾਕੀ ਦੇ ਪੰਥਕ ਮਸਲਿਆਂ’ਤੇ ਵੀ ਇਸੇ ਤਰ੍ਹਾਂ ਦਲੇਰੀ ਭਰਿਆ ਸਟੈਂਦ ਲੈਣ ਤਾਂ ਉਨ੍ਹਾਂ ਦੇ ਮੱਥੇ ਤੋਂ ਵੀ ਬਾਦਲ ਦੀ ਗੁਲਾਮੀ ਦਾ ਲੱਗਿਆ ਕਲੰਕ ਲਹਿ ਸਕਦਾ ਹੈ: ਭਾਈ ਸਿਰਸਾ • ਆਪ ਹੀ ਪੱਗਾਂ ਉਤਾਰ ਕੇ ਸਰਕਾਰ ਨੂੰ ਦੇਣ ਦਾ ਬਿਆਨ ਬੁਜ਼ਦਿਲੀ ਤੇ ਕਾਇਰਤਾ ਦੀ ਝਲਕ ਮਾਰਦਾ ਹੈ ਤੇ ਸਿੰਘ ਗਰਜਨਾ ਵਾਲੇ ਸਾਰੇ ਹੀ ਬਿਆਨ ਦੀ ਪੱਟੀਮੇਸ ਕਰ ਦਿੱਤੀ ਹੈ: ਸਿਮਰਨਜੋਤ ਸਿੰਘ ਖ਼ਾਲਸਾ ਬਠਿੰਡਾ, 2 ਅਪ੍ਰੈਲ (ਕਿਰਪਾਲ ਸਿੰਘ): ਲੁਧਿਆਣਾ ਵਿਖੇ ਇੱਕ ਸਿੱਖ ਨੌਜਵਾਨ ਦੀ ਧੱਕੇ ਨਾਲ ਉਤਾਰੀ ਪੱਗ ਦੀ ਅਕਾਲ ਤਖ਼ਤ ਦੇ ਮੁਖ ਸੇਵਾਦਾਰ ਗਿਆਨੀ ਗੁਰਬਚਨ ਸਿੰਘ ਅਤੇ ਤਖ਼ਤ ਸ਼੍ਰੀ ਕੇਸਗੜ੍ਹ ਸਾਹਿਬ ਦੇ ਮੁੱਖ ਸੇਵਾਦਾਰ ਗਿਆਨੀ ਤਰਲੋਚਨ ਸਿੰਘ ਵਲੋਂ ਸਖ਼ਤ ਸ਼ਬਦਾਂ ਵਿੱਚ ਕੀਤੀ ਨਿਖੇਧੀ ਵਾਲੇ ਬਿਆਨ ਦੀ ਸ਼੍ਰੋਮਣੀ ਅਕਾਲੀ ਦਲ ਪੰਚ ਪ੍ਰਧਾਨੀ ਦੇ ਵਿਸ਼ੇਸ਼ ਸਕੱਤਰ ਭਾਈ ਬਲਦੇਵ ਸਿੰਘ ਸਿਰਸਾ ਨੇ ਸ਼ਲਾਘਾ ਕਰਦੇ ਹੋਏ ਕਿਹਾ ਕਿ ਜਥੇਦਾਰ ਸਾਹਿਬ ਬਾਕੀ ਦੇ ਲਟਕਦੇ ਪੰਥਕ ਮਸਲਿਆਂ ’ਤੇ ਵੀ ਇਸੇ ਤਰ੍ਹਾਂ ਦ੍ਰਿੜਤਾ ਨਾਲ ਦਲੇਰੀ ਭਰਿਆ ਸਟੈਂਡ ਲੈਣ ਤਾਂ ਸਾਰੇ ਮਸਲੇ ਹੱਲ ਹੋ ਸਕਦੇ ਹਨ। ਇਹ ਦੱਸਣਯੋਗ ਹੈ ਕਿ ਅੱਜ ਦੇ ਪਹਿਰੇਦਾਰ ਅਖ਼ਬਾਰ ਵਿੱਚ ਅਨੰਦਪੁਰ ਸਾਹਿਬ ਤੋਂ ਦੋਵੇਂ ਜਥੇਦਾਰਾਂ ਦਾ ਇੱਕ ਬਿਆਨ ਛਪਿਆ ਹੈ ਜਿਸ ਵਿੱਚ ਉਨ੍ਹਾਂ ਕਿਹਾ ਸੀ “ਭਾਵੇਂ ਪੰਜਾਬ ਸਰਕਾਰ ਵਿਦੇਸ਼ੀ ਹਵਾਈ ਅੱਡਿਆਂ ’ਤੇ ਸਿੱਖਾਂ ਦੀ ਪੱਗ ਦੀ ਹੋ ਰਹੀ ਬੇਹੁਰਮਤੀ ਸਬੰਧੀ ਰੌਲੀ ਪਾ ਕੇ ਪੰਜਾਬੀਆਂ ਖ਼ਾਸ ਕਰਕੇ ਸਿੱਖਾਂ ਵਿੱਚ, ਪੱਗ ਦੀ ਅਸਲੀ ਪਹਿਰੇਦਾਰ ਹੋਣ ਦੀ ਟਾਹਰਾਂ ਮਾਰਦੀ ਨਹੀਂ ਥਕਦੀ, ਪ੍ਰੰਤੂ ਆਪਣੇ ਹੀ ਦੇਸ਼ ਵਿੱਚ, ਆਪਣੇ ਹੀ ਸੂਬੇ ਵਿੱਚ ਅਫ਼ਸਰਸ਼ਾਹੀ ਦੁਆਰਾ ਸਿੱਖ ਨੌਜਵਾਨਾਂ ਨੂੰ ਪੱਗ ਲਾਹੁਣ ਲਈ ਮਜ਼ਬੂਰ ਕਰਨਾ ਪੰਜਾਬ ਦੀ ਮੌਜੂਦਾ ਅਕਾਲੀ ਭਾਜਪਾ ਤੇ ਪੰਥਕ ਅਖਵਾਉਂਦੀ ਸਰਕਾਰ ਦੇ ਮੱਥੇ ’ਤੇ ਕਲੰਕ ਹੈ। ਉਨ੍ਹਾਂ ਕਿਹਾ ਸੀ ਜੇ ਆਪਣੇ ਹੀ ਘਰ ਵਿੱਚ ਲਗਾਤਾਰ ਸਾਡੀਆਂ ਪੱਗਾਂ ਉਤਾਰ ਕੇ ਉਨ੍ਹਾਂ ਨੂੰ ਪੈਰਾਂ ਵਿੱਚ ਰੋਲਿਆ ਜਾ ਰਿਹਾ ਹੈ ਤਾਂ ਬਾਹਰਲੇ ਦੇਸ਼ਾਂ ਦੀਆਂ ਅੰਬੈਸੀਆਂ ਦੇ ਬਾਹਰ ਧਰਨੇ ਦੇਣ ਦਾ ਕੀ ਫਾਇਦਾ ਹੈ। ਗਿਆਨੀ ਗੁਰਬਚਨ ਸਿੰਘ ਨੇ ਪੰਜਾਬ ਦੀ ਅਫ਼ਸਰਸ਼ਾਹੀ ’ਤੇ ਵਰਦਿਆਂ ਇੱਥੋਂ ਤੱਕ ਕਹਿ ਦਿੱਤਾ ਸੀ ਕਿ ਜੇਕਰ ਵਿਗੜੀ ਹੋਈ ਅਫ਼ਸਰਸ਼ਾਹੀ ਨੇ ਇਸੇ ਤਰ੍ਹਾਂ ਪੱਗਾਂ ਉਤਾਰ ਕੇ ਸਿੱਖਾਂ ਦੀ ਆਨ ਸ਼ਾਨ ਨੂੰ ਪੈਰਾਂ ਵਿੱਚ ਰੋਲਣਾ ਹੈ ਤਾਂ ਅਸੀਂ ਆਪ ਹੀ ਸਰਕਾਰ ਨੂ ਆਪਣੀਆਂ ਪੱਗਾ ਉਤਾਰ ਕੇ ਦੇ ਦਿੰਦੇ ਹਾਂ। ਗਿਆਨੀ ਗੁਰਬਚਨ ਸਿੰਘ ਨੇ ਸਖਤ ਲਹਿਜੇ ਵਿੱਚ ਆਖਿਆ ਕਿ ਡਰਾਇਵਿੰਗ ਲਾਇਸੰਸ
’ਤੇ ਪੱਗ ਵਾਲੀ ਫ਼ੋਟੋ ਲਾਉਣ ਦੀ ਇਜਾਜਤ ਨਾ ਦੇਣ ਵਾਲੇ ਅਫ਼ਸਰ ਦਾ ਮੂੰਹ ਕਾਲਾ ਕਰਕੇ ਛਿੱਤਰਾਂ ਨਾਲ
ਸੇਵਾ ਕਰਨ ਲਈ ਸਿੱਖ ਸੰਗਤਾਂ ਨੂੰ ਅੱਗੇ ਆ ਜਾਣਾ ਚਹੀਦਾ ਹੈ ਤਾਂ ਕਿ ਅੱਗੇ ਤੋਂ ਪੱਗ ਨੂੰ ਹੱਥ
ਪਾਉਣ ਤੋਂ ਪਹਿਲਾਂ ਅਫ਼ਸਰਸ਼ਾਹੀ ਹਜ਼ਾਰ ਵਾਰ ਸੋਚੇ। ਭਾਈ ਸਿਰਸਾ ਨੇ ਕਿਹਾ ਕਿ ਇਸ ਦਲੇਰੀ ਭਰੇ ਬਿਆਨ
ਨੂੰ ਸੁਣ ਕੇ ਜਿੱਥੇ ਉਨ੍ਹਾਂ ਨੂੰ ਖੁਸ਼ੀ ਹੋਈ, ਉੱਥੇ ਹੈਰਾਨੀ ਵੀ ਸੀ ਕਿ ਜਥੇਦਾਰ ਸਾਹਿਬਾਨ ਨੇ ਇਸ
ਤਰ੍ਹਾਂ ਦਾ ਬਿਆਨ ਕਿਵੇਂ ਦੇ ਦਿੱਤਾ? ਉਨ੍ਹਾਂ ਤਰੰਤ ਇਸ ਬਿਆਨ ਦੀ ਵਧਾਈ ਦੇਣ ਲਈ ਗਿਆਨੀ ਗੁਰਬਚਨ
ਸਿੰਘ ਨੂੰ ਫ਼ੋਨ ਮਿਲਾਇਆ ਜਿਹੜਾ ਕਿ ਉਸ ਦੇ ਪੀਏ/ਪੁੱਤਰ ਨੇ ਸੁਣਿਆ ਤੇ ਉਨ੍ਹਾਂ ਦੇ ਮੀਟਿੰਗ ਵਿੱਚ
ਬੈਠੇ ਹੋਣ ਕਰਕੇ ਸਿੱਧੀ ਗੱਲ ਨਹੀਂ ਹੋ ਸਕੀ। ਉਨ੍ਹਾ ਪੀਏ ਨੂੰ ਕਿਹਾ ਕਿ ਜਥੇਦਾਰ ਸਾਹਿਬ ਜੀ ਨੂੰ
ਮੇਰੇ ਵਲੋਂ ਵਧਾਈ ਦੇ ਕੇ ਮੇਰਾ ਸੁਨੇਹਾ ਪਹੁੰਚਾ ਦੇਵੋ ਕਿ ਬਾਕੀ ਦੇ ਪੰਥਕ ਮਸਲਿਆਂ ’ਤੇ ਵੀ ਇਸੇ
ਤਰ੍ਹਾਂ ਦਲੇਰੀ ਭਰਿਆ ਸਟੈਂਡ ਲੈਣ, ਤਾਂ ਉਨ੍ਹਾਂ ਦੇ ਮੱਥੇ ਤੋਂ ਵੀ ਬਾਦਲ ਦੀ ਗੁਲਾਮੀ ਦਾ ਲੱਗਿਆ
ਕਲੰਕ ਲਹਿ ਸਕਦਾ ਹੈ। |
||
ਸਿਰਸਾ ਜੀ, ਇਸ ਗਰਜ ਨੂੰ ਕਿਤੇ ਅਸਲੀ ਨਾ ਸਮਝ ਲੈਣਾ, ਇਹ
ਸਿਰਫ ਦਿਖਾਵਾ ਹੈ। ਬਾਦਲ ਦੇ ਵਿਰੁੱਧ ਇਹ ਸਿਰਫ ਡਰਾਮਾ ਹੋ ਰਿਹਾ ਹੈ, ਜੇ ਬਾਦਲ ਨੇ ਘੂਰੀ ਵੀ ਵੱਟ
ਦਿੱਤੀ ਤਾਂ... ਸੰਪਾਦਕ ਖਾਲਸਾ ਨਿਊਜ਼ |
|
|
Disclaimer: Khalsanews.org does not necessarily endorse the views and opinions voiced in the news / articles / audios / videos or any other contents published on www.khalsanews.org and cannot be held responsible for their views. Read full details.... |