|
Share on Facebook | ||
(ਕਬਿੱਤ) ਹੂੰਝਾ ਫੇਰੂ ਜਿੱਤ ?-ਹੂੰਝਾ ਫੇਰੂ ਸਿੱਖੀ ਨੂੰ ! ਧੱਕੇ-ਸ਼ਾਹੀ, ਸੀਨਾ-ਜੋਰੀ, ਬੇਈਮਾਨੀ ਖੂਬ੍ਹ ਚੱਲੀ ਸੌਖੀ ਕਰੀ ਜਿੱਤ ਭੈੜੀ ਪੰਥ ਦੀ ਦੁਫੇੜ ਨੇ । ‘ਤੇਜਾ ਸਿੰਘ ਹਾਲ’ ਹੁਣ ਹੋਏਗਾ ਉਦਾਸ ਬੜਾ ! ‘ਤੱਤ’ ਦੇ ਹਮਾਇਤੀਆਂ ਨੇ ਅੱਖੋਂ ਹੰਝੂ ਕੇਰਨੇ !! ਹੱਡੀਆਂ ਤੋਂ ਬਿਨਾਂ, ਬਾਵੇ ਮਿੱਟੀ ਦੇ ਬਣਾ ਕੇ ਉੱਥੇ ਦਿਨ ਦੀ ਬਣਾਉਣੀ ਰਾਤ, ਪਾਏ ਹੋਏ ਨ੍ਹੇਰ ਨੇ । ਹਾਥੀ ਲੁੰਡੇ, ਕੁੰਡੇ ਬਿਨਾ ਘੁੰਮਣੇ ਮਸਤ ਹੋਏ ਮਨ-ਆਈਆਂ ਕਰਦੇ ਉਹ ਕਿਸੇ ਨਹੀਉਂ ਘੇਰਨੇ । ਕੇਸਰੀ ਨਿਸ਼ਾਨ ਨਾਲ਼ ਭਗਵਾਂ ਮੜਿੱਕਣਾ ਏਂ ਸਿੱਖ ਤਵਾਰੀਖ ਵਿੱਚ ਹੋਣੇ ਹੇਰ-ਫੇਰ ਨੇ । ਦੂਣੀ ਚੌਣੀ ਵਧਣੀ ਐਂ ‘ਬਾਬਾ-ਗਿਰੀ’ ਪਹਿਲਾਂ ਨਾਲ਼ੋਂ ਸ਼ਬਦ-ਗੁਰੂ ਦੀ ਰੋਸ਼ਨੀ ਦੇ ਬੂਹੇ ਭੇੜਨੇ । ਨਿਆਰਾ ਏ ਸਰੂਪ ਸਾਨੂੰ ‘ਤੀਸਰਾ’ ਬਣਾਇਆ ਦਾਤੇ, ਮਨਾਂ ’ਚੋਂ ਸਿਧਾਂਤ ਐਸੇ ਹੌਲ਼ੀ ਹੌਲ਼ੀ ਗੇਰਨੇ । ਹੁੱਬ ਹੁੱਬ ਆਖਦੇ ਓ ਹੂੰਝਾ ਫੇਰੂ ਜਿੱਤ ਜਿਹਨੂੰ ਦੇਖ ਲੈਣਾ ਇਹਨੇ ਹੂੰਝੇ ਸਿੱਖੀ ਤਾਂਈਂ ਫੇਰਨੇ !!! ਤਰਲੋਚਨ ਸਿੰਘ ਦੁਪਾਲਪੁਰ |
|
|
Disclaimer: Khalsanews.org does not necessarily endorse the views and opinions voiced in the news / articles / audios / videos or any other contents published on www.khalsanews.org and cannot be held responsible for their views. Read full details.... |