ਉੱਘੇ
ਸਿੱਖ ਚਿੰਤਕ ਅਤੇ ਇਤਿਹਾਸਕਾਰ ਸ ਅਜਮੇਰ ਸਿੰਘ ਨੇ ਇੱਕ ਵਾਰੀ ਕਿਹਾ ਸੀ:
The rule in Animal Kingdom is Eat or Be Eaten.
The rule in Human Kingdom is Define or Be Defined.
ਇਹ ਇੱਕ ਅਜਿਹਾ ਸੱਚ ਹੈ ਜਿਹੜਾ ਸਾਨੂੰ ਬਾਰ ਬਾਰ ਹਲੂਣਾ ਦੇ ਕਿ ਆਪ
ਵੀ ਸਮਝੋ ਤੇ ਆਪਣੇ ਬੱਚਿਆਂ ਨੂੰ ਵੀ ਗੁਰਮਤਿ ਦਾ ਗਿਆਨ ਤਾਂ ਕੇ ਉਹ ਆਪਣੇ ਧਰਮ ਤੇ ਵਿਰਸੇ
ਤੇ ਮਾਣ ਵੀ ਕਰ ਸਕਣ ਅਤੇ ਸਾਰੇ ਸੰਸਾਰ ਨੂੰ ਵੀ ਦੱਸ ਸਕਣ।
ਅਜਿਹੇ ਹੀ ਮੰਤਵ ਨੂੰ ਸਾਮ੍ਹਣੇ ਰੱਖ ਕੇ ਪਿੱਛਲੇ 30 ਕੁ ਸਾਲਾਂ
ਤੋਂ ਸਿੱਖ ਯੂਥ ਅਲਾਇੰਸ ਵੱਲੋਂ ਸਪੀਚ ਸਿੰਪੋਜ਼ੀਅਮ
ਕਰਵਾਏ ਜਾ ਰਹੇ ਹਨ। ਇਸ ਸਾਲ 3-5 ਅਗਸਤ ਤੱਕ ਸਿਆਟਲ ਦੇ ਖ਼ਾਲਸਾ ਗੁਰਮਤਿ ਸੈਂਟਰ ਵਿਖੇ
ਕਰਵਾਇਆ ਗਿਆ।
ਇਸ ਭਾਸ਼ਣ ਮੁਕਾਬਲੇ ਵਿੱਚ ਭਾਗ ਲੈ ਰਹੇ
ਬੱਚਿਆਂ ਤੋਂ ਜਿੱਥੇ ਸਾਨੂੰ ਆਪਣਾ ਰੌਸ਼ਨ ਭਵਿੱਖ ਨਜ਼ਰ ਆਇਆ, ਉੱਥੇ ਗਰੁੱਪ 5 ਦੀ ਡੀਬੇਟ
ਵਿੱਚ ਕੁੱਝ ਅਜਿਹੇ ਟੌਪਿਕ ਛੋਹੇ ਗਏ ਜਿਹਨਾਂ ਨੂੰ ਵਿਸਥਾਰ ਨਾਲ ਵਿਚਾਰਨਾ ਜ਼ਰੂਰੀ ਹੋ ਗਿਆ।
ਜੇਕਰ ਅਸੀਂ ਇਹਨਾਂ ਨੂੰ ਚਲ ਰਹੀਆਂ ਧਾਰਨਾਵਾਂ ਤੋਂ ਹੱਟ ਕੇ ਗੁਰਮਤਿ ਦੀ ਰੌਸ਼ਨੀ ਵਿੱਚ
ਸਮਝ ਸਕੀਏ, ਤਾਂ ਸਾਨੂੰ ਕਹਿਣਾ ਨਹੀਂ ਪਏਗਾ ਕਿ ਖ਼ਾਲਸਾ ਨਿਆਰਾ ਹੈ, ਸਿੱਖ ਇੱਕ ਵੱਖਰੀ
ਕੌਮ ਹਨ, ਬਲਕਿ ਸਾਡੇ ਕੰਮ ਹੀ ਦੱਸ ਦੇਣਗੇ।
ਇਹ ਸਭ ਨੂੰ ਧਿਆਨ ਵਿੱਚ ਰੱਖਕੇ ਹੀ ਅਸੀਂ ਉਹਨਾਂ ਸਵਾਲਾਂ ਦੇ
ਗੁਰਮਤਿ ਦੀ ਰੌਸ਼ਨੀ ਵਿੱਚ ਜਵਾਬ, ਆਪ ਪਾਠਕਾਂ ਨਾਂਲ ਸਾਂਝੇ ਕਰਨ ਦਾ ਉਪਰਾਲਾ ਕੀਤਾ ਹੈ ਜੋ
ਲੜੀਵਾਰ ਆਪ ਦੀ ਸੇਵਾ ਵਿੱਚ ਰੱਖੇ ਜਾਣਗੇ।