🙏ਮੈਂ ਸਮਝਦਾ ਹਾਂ ਬੇਸ਼ਕ ਅੱਜ ਜਿਹੜੇ ਹਾਲਾਤ ਬਣੇ ਜਾਂ ਬਣਾਏ ਜਾ
ਰਹੇ ਹਨ, ਇਨ੍ਹਾਂ ਦੇ ਪਿੱਛੇ ਸਿੱਖੀ ਦੀ ਦੁਸ਼ਮਣ ਸਿਆਸੀ ਸੋਚ ਖੜ੍ਹੀ ਹੈ। ਮੈਂ ਬਦਲਦੇ
ਹਾਲਾਤਾਂ ਨੂੰ ਗਹੁ ਨਾਲ ਵਾਚ ਰਿਹਾ ਸੀ, ਅੱਜ ਮਸਲਾ ਗੁਰੂ ਦੀ ਬੇਅਦਬੀ ਦਾ ਬਣ ਚੁਕਾ ਹੈ,
ਇਸ ਲਈ ਬੋਲਣਾ ਪਿਆ।
☝️ ਸਭ ਨੂੰ ਪਤਾ ਕਿ ਮੈਂ 1990 'ਚ ਤੇਜਾ ਸਿੰਘ ਸਮੁੰਦਰੀ ਹਾਲ
ਵਿੱਚ ਸ਼੍ਰੋਮਣੀ ਕਮੇਟੀ ਦੇ ਚੱਲ ਰਹੇ ਇਜਲਾਸ ਸਮੇਂ ਆਪਸੀ ਟਕਰਾਓ ਦੇ ਹਾਲਤ ਵਿੱਚ ਗੁਰੂ ਦੀ
ਬੇਅਦਬੀ ਨਾ ਬਰਦਾਸ਼ਤ ਹੋਈ। ਉਦੋਂ ਹੀ ਮੈਂ ਇਹ ਭੀ ਆਖਿਆ ਅੱਜ ਸਾਡੇ ਵਿੱਚ ਧੜੇਬੰਦੀ ਕਾਰਨ
ਟਕਰਾਓ ਤਲਖੀ ਬਣ ਜਾਂਦੀ ਹੈ, ਗੁਰੂ ਦਾ ਅਦਬ ਨਹੀਂ ਰਹਿੰਦਾ। ❗ ਕਿਸੇ ਇਜਲਾਸ ਜਾਂ ਮੀਟਿੰਗ
ਵਿੱਚ ਸਤਿਗੁਰੂ ਦਾ ਪ੍ਰਕਾਸ਼ ਕਰਨਾ ਬੰਦ ਕਰੋ।❗ ਵਖਤ ਦੇ ਪ੍ਰਧਾਨ ਗੁਰਚਰਣ ਸਿੰਘ ਟੌਹੜਾ
ਨਾਲ ਇਸ ਟਕਰਾਓ ਵਿੱਚ ਮੈਂ ਅਕਾਲ ਤਖ਼ਤ ਸਾਹਿਬ ਦੇ ਸੇਵਾਦਾਰ ਦੀ ਪਦਵੀ ਤੋਂ ਅਸਤੀਫਾ ਦੇ
ਦਿੱਤਾ ਸੀ।
👉 ਇਹ ਸਾਰੀ ਆਪ ਬੀਤੀ ਮੇਰੀ ਕਿਤਾਬ "ਬੋਲਹਿ ਸਾਚੇ ਮਿਥਿਆ ਨਹੀ
ਰਾਈ" ਵਿੱਚ ਪੰਨਾਂ 144 'ਤੇ ਅੰਕਿਤ ਹੈ, ਪਰ ਅੱਜ ਅਸੀਂ ਆਏ ਦਿਨ ਗੁਰੂ ਦੇ ਅਦਬ ਨੂੰ ਭੀ
ਦਾਅ 'ਤੇ ਲਾ ਰਹੇ ਦੇਖ ਰਹੇ ਹਾਂ ਜੋ ਬਦਕਿਸਮਤੀ ਹੈ।