ਸਿੱਖ
ਵੀ ਕਮਾਲ ਨੇ ਝੁੱਕਣ ਜਾਂ ਦਰ ਆਏ ਦਾ ਮਤਲਬ ਹੀ ਨਹੀਂ ਸਮਝਦੇ।
ਬਘਿਆੜ ਜਦ ਲੇਲੇ ਅਗੇ ਝੁੱਕ ਰਿਹਾ ਹੋਵੇ ਤਾਂ ਅਰਥ ਹੋਰ ਨਿਕਲਦੇ
ਨੇ। ਸ਼ਿਕਾਰੀ ਜਦ ਨਿਸ਼ਾਨਾ ਲਾਓਣ ਲਈ ਝੁਕਦਾ ਤਾਂ ਮਤਲਬ ਝੁਕਣਾ ਨਹੀਂ ਹੁੰਦਾ। ਬਾਦਲ ਕੇ ਜਦ
ਪਾਵਰ ਵਿਚ ਨਹੀਂ ਹੁੰਦੇ ਓਹ ਦੂਹਰੇ ਹੋ ਹੋ ਝੁਕਦੇ, ਪਰ ਅਪਣੇ ਪਿਛਲੇ ਕੀਤੇ ਪਾਪਾਂ ਦਾ
ਪਛਚਾਤਾਪ ਕਦੇ ਨਹੀਂ ਕਰਦੇ ਕਿਓਂਕਿ ਓਨਾ ਪਤਾ ਹੁੰਦਾ ਕਿ ਓਨੀ ਹਾਲੇ ਹੋਰ ਕਰਨੇ ਨੇ।
ਅਪਰਾਧੀ ਦੂਣਾ ਨਿਵੈ ਜੋ ਹੰਤਾ ਮਿਰਗਾਹਿ ॥
ਇੰਦਰਾ ਦਾ ਪੋਤਾ ਅਤੇ ਰਜੀਵ ਦਾ ਮੁੰਡਾ
ਕਿੰਨ ਕਿਹਾ ਕਿ ਓਹ ਝੁਕਣ ਆਇਆ ਜਾਂ ਦਰ 'ਤੇ ਆਇਆ ???
ਕਾਮਾਗਾਟਾ ਮਾਰੂ ਦੀ ਕੈਨੇਡਾ ਸਰਕਾਰ ਨੇ
ਬਾਕਾਇਦਾ ਮਾਫੀ ਮੰਗੀ ਸੀ ਅਤੇ ਖੁਲੇਆਮ ਮੰਗੀ ਸੀ, ਉਨ ਇਹ ਨਹੀਂ ਕਿਹਾ ਕਿ ਇਹ
ਤਾਂ ਸਾਡੇ ਵੱਡਿਆਂ ਦਾ ਕਸੂਰ ਸੀ, ਅਸੀਂ ਤਾਂ ਹਾਲੇ ਜੰਮੇ ਵੀ ਨਾ ਸੀ।
ਰਾਹੁਲ ਦੀ ਦਾਦੀ ਅਤੇ ਇਸ ਦੇ ਪਿਓ ਨੇ 84 ਵੇਲੇ ਜਿਹੜੇ ਦੋ ਕਹਿਰ
ਸਿੱਖ ਕੌਮ ਉਪਰ ਢਾਹੇ ਸਨ, ਇਹ ਆਮ ਨਿਜੀ ਵਰਤਾਰਾ ਨਹੀਂ ਸੀ ਕਿ ਤੁਸੀਂ ਕਹਿ ਸਕੋਂ ਕਿ ਇਹ
ਤਾਂ ਓਦੋਂ ਬੱਚਾ ਸੀ। ਇਹ ਯੋਜਨਾਬੱਧ ਇਕ
ਕੌਮ ਦੀ ਨਸਲਕੁਸ਼ੀ ਹੋਈ ਸੀ।
ਦਰ 'ਤੇ ਆਓਂਣ ਵਾਲਾ ਜਾਂ ਝੁੱਕ ਕੇ ਆਓਂਣ ਵਾਲਾ
ਪਹਿਲਾਂ ਅਪਣੇ ਵੱਡਿਆਂ ਦੇ ਜ਼ੁਲਮਾਂ ਦਾ ਇਜਹਾਰ ਕਰਦਾ ਅਤੇ ਸ਼ਰੇਆਮ ਕੌਮ ਕੋਲੋਂ ਮਾਫੀ ਮੰਗਦਾ।
ਖੱਟੀ ਪੱਗ ਬੰਨੀ ਦੇਖ ਹਰੇਕ ਜਰਵਾਣੇ
ਮਗਰ ਕੌਮ ਮੇਰੀ ਝੋਲਾ ਚੁੱਕ ਲੈਂਦੀ, ਕੁੱਝ ਤਾਂ ਅੱਖ ਕੌੜੀ ਰਖਣੀ ਸਿੱਖੋ। ਬਦਲਾ
ਨਹੀਂ ਤਾਂ ਵਿਹੁ ਘੋਲਣੀ ਤਾਂ ਨਾ ਛੱਡੋ, ਤਾਂ ਕਿ ਅਗਲੀਆਂ ਨਸਲਾਂ ਤੱਕ ਅੱਗ ਬਲਦੀ ਰਹਿ ਸਕੇ
ਕਿ ਇਹ ਸਾਡੀਆਂ ਨਸਲਾਂ ਤਬਾਹ ਕਰਨ ਦੇ ਦੋਸ਼ੀ ਰਹੇ ਨੇ।