ਸਿੱਖਾਂ ਦੇ ਭਰੇ ਇਕੱਠ ਵਿਚ ਇੱਕ ਵਾਰ ਸ੍ਰ. ਕਪੂਰ ਸਿੰਘ ਸਾਹਵੇਂ
ਬੈਠੀ ਸੰਗਤ ਨੂੰ ਸੰਬੋਧਨ ਹੋ ਕੇ ਕਹਿਣ ਲੱਗੇ ਕਿ "ਆਹ ਜਿਹੜੇ
ਮੇਰੇ ਸਾਹਵੇਂ ਬੈਠੇ ਨੇ ਇਨ੍ਹਾਂ ਦਾ ਜਵਾਬ ਕੋਈ ਨਹੀਂ, ਪਰ ਜਿਹੜੇ ਮੇਰੇ ਆਹ ਨਾਲ ਸਟੇਜ
'ਤੇ ਬੈਠੇ ਇਨਾਂ ਲਈ ਜਵਾਬ ਕੋਈ ਨਹੀਂ?"
ਸਰਬੱਤ ਖਾਲਸੇ ਵਿਚ ਇੰਝ ਜਾਪਦਾ ਸੀ, ਜਿਵੇਂ ਸ੍ਰ ਕਪੂਰ ਸਿੰਘ ਇਵੇਂ ਹੀ ਕਹਿ ਰਹੇ ਹੋਣ।
ਸਾਹਵੇਂ ਵਾਲੇ ਅਤੇ ਸਟੇਜ ਵਾਲਿਆਂ ਦਾ ਜਿੰਮੀ ਅਸਮਾਨ ਦਾ ਫਰਕ ਸਾਫ ਦਿੱਸਦਾ ਸੀ।
ਸਾਹਵੇਂ ਵਾਲੇ ਕਦੇ ਵੀ ਅਪਣੇ ਗੁਰੂ ਦੇ ਨਾਂ 'ਤੇ ਸਿਰ ਵਾਰਨ
ਲਈ ਤਿਆਰ, ਪਰ 'ਇਧਰ' ਵਾਲੇ ਕਦੇ ਵੀ ਉਨ੍ਹਾਂ ਸਿਰਾਂ ਨੂੰ ਵੇਚਣ ਲਈ ਤਿਆਰ!!
ਸਾਹਵੇਂ ਵਾਲਿਆਂ ਦੀ ਸਾਫਗੋਈ ਤੇ ਇਧਰ ਵਾਲਿਆਂ ਦੀ ਬੇਈਮਾਨੀ!
ਸਰਬੱਤ ਖਾਲਸੇ ਵਾਲਿਆਂ 4 ਤੋਂ 5 ਲੱਖ ਸਿਰ ਵੇਚਿਆ ਪਰ ਖੱਟਿਆ ਕੀ,
ਇਹ ਤਾਂ ਕਿਸੇ ਦਾ 'ਦਸਮਾ ਦੁਆਰ' ਕੰਮ ਕਰਦਾ ਹੋਵੇ ਤਾਂ ਜਾਣੇ
ਨਾ!
ਉਂਝ ਹੁਣ ਅਗਲੇ ਸਰਬੱਤ ਖਾਲਸਾ ਜੀ ਦੀ ਤਿਆਰੀ ਹੈ। ਕਹਿੰਦੇ ਰਾਜਨੀਤਕ ਬੰਦਿਆਂ ਨੂੰ ਕੋਈ
ਸ਼ਰਮ ਹਯਾ ਨਹੀਂ ਹੁੰਦੀ, ਪਰ ਇਧਰ ਤੁਹਾਡੇ 'ਧਾਰਮਿਕ'? ਇਹ ਕਹਿ ਕਿਹੜੇ ਮੂੰਹ ਨਾਲ ਰਹੇ ਨੇ
ਕਿ ਬਾਕੀ ਦੇ ਨਬੇੜੇ ਅਗਲੇ ਸਰਬਤ ਖਾਲਸਾ ਵਿੱਚ ਹੋਣਗੇ? ਇਹ ਹਾਲੇ ਇੱਕ ਹੋਰ ਸਰਬੱਤ ਖਾਲਸਾ
ਸੱਦਣ ਦੀ ਤਿਆਰੀ ਕਰ ਰਹੇ ਨੇ? ਇਸ ਪਹਿਲੇ ਹੋਏ ਸਰਬੱਤ ਖਾਲਸੇ ਦਾ ਹਿਸਾਬ ਕੌਣ ਕਰੇਗਾ? ਇਸ
ਦੇ ਹੱਕ ਵਿਚ ਟਾਹਰਾਂ ਮਾਰਨ ਵਾਲੇ ਦੱਸਣ ਤਾਂ ਸਹੀ, ਕਿ ਇਸ ਸਰਬੱਤ ਖਾਸਲੇ ਵਿਚੋਂ ਕੀ
ਹਾਸਲ ਕਰਕੇ ਦਿੱਤਾ ਸਿੱਖ ਕੌਮ ਨੂੰ? ਤਿੰਨ ਜਥੇਦਾਰ? ਕਿਹੜੇ? ਅਜਨਾਲਾ, ਦਾਦੂਵਾਲ ਤੇ ਮੰਡ?
5 ਲੱਖ ਬੰਦਾ ਇੱਕਠਾ ਕੀਤਾ ਤੇ ਵਿਚੋਂ ਲੈ ਕੀ ਦਿੱਤਾ? ਤੇ ਉਨ੍ਹਾਂ ਨੂੰ ਵੀ ਮੱਕੜ ਵਰਗੇ
ਟੁੱਕੜ-ਬੋਚ ਥੜੇ ਨਹੀਂ ਚੜਨ ਦਿੰਦੇ? ਇੱਕ ਪਾਸੇ ਪੰਜ ਲੱਖ ਦੇ ਇਕੱਠ ਵਿੱਚ ਚੁਣੇ ਹੋਏ ਤੇ
ਦੂਜੇ ਪਾਸੇ ਮੱਕੜ ਦੇ ਜਥੇਦਾਰ? ਇਕੱਲਾ ਮੱਕੜ ਪੰਜ ਲੱਖ 'ਤੇ ਭਾਰੂ? ਸਰਬੱਤ ਖਾਲਸਾ ਦੀ
ਬੇਇੱਜਤੀ ਨਹੀਂ ਕਰਵਾਈ ਇਨ੍ਹਾਂ ਨੇ?
ਪਾਠਕਾਂ ਨੂੰ ਯਾਦ ਹੋਵੇਗਾ, ਕਿ ਇੱਕ ਮਤਾ ਪਾਇਆ ਸੀ ਕਿ ਜਾਤਾਂ
ਦੇ ਨਾਂ 'ਤੇ ਗੁਰਦੁਆਰੇ ਜਾਂ ਮੜੀਆਂ ਨਾ ਬਣਾਈਆਂ ਜਾਣ! ਪਰ ਇਨ੍ਹਾਂ ਮਤਿਆਂ ਦੇ
ਇੱਕ ਜਥੇਦਾਰ ਦੀ ਸੁਣ ਲਓ, ਯਾਣੀ ਅਜਨਾਲੇ ਦੀ।
ਕਿਸੇ ਕਬਰ 'ਤੇ ਜਦ ਇਹ 'ਸਤਿਕਾਰ' ਕਾਇਮ ਕਰਨ ਗਏ, ਤਾਂ ਉਥੇ ਪਾਠੀ
ਨੂੰ ਪੁੱਛਦਾ ਤੇਰੀ ਜਾਤ ਕੀ ਉਏ?
ਉਹ ਕਹਿੰਦਾ ਜੀ ਮਰਾਸੀ ਹਾਂ, ਤਾਂ ਇਹ ਮਰਿਯਾਦਾ ਪ੍ਰਸ਼ੋਤਮ ਪਤਾ ਕੀ ਕਹਿੰਦਾ ਨਾਲ ਵਾਲਿਆਂ
ਨੂੰ?
ਉਏ ਹੱਥ ਨਾ ਲਾਇਓ ਇਸ ਨੂੰ?
ਸਿੱਧੀ ਡਾਂਗ ਵਾਹੀ ਉਸਦੇ, ਕਿਉਂਕਿ ਮਰਾਸੀ ਸੀ ਨਾ ਹੱਥ ਜੂ ਨਹੀਂ
ਸੀ ਲਾਉਂਣਾ?
ਤੇ ਹਾਲੇ ਆਹ ਕੱਲ ਦੀ ਗੱਲ ਹੈ, ਜਦ ਇੱਕ ਸਿੰਘ ਕਹਿ ਰਿਹਾ ਸੀ ਕਿ
ਉਸ ਦੇ ਕੱਟੇ ਗੰਡਿਆਂ ਦੀ ਸਬਜ਼ੀ ਨਹੀਂ ਖਾਧੀ ਇਸ ਸਿੰਘ ਸਾਹਿਬ
ਨੇ, ਕਿਉਂਕਿ ਇਸ ਮੁਤਾਬਕ ਉਹ ਚੂਹੜਾ ਸੀ?
ਮਤੇ ਰੱਖਣ ਵਾਲਿਆਂ ਬੜੇ ਵੱਡੇ ਮਖੌਲ
ਕੀਤੇ ਕੌਮ ਨਾਲ। ਕੇ.ਪੀ. ਗਿੱਲ ਕਾਤਲ ਹੈ ਸਿੱਖਾਂ ਦਾ, ਤੇ ਉਸ ਕਾਤਲ ਹੀ ਰਹਿਣਾ।
ਇਹ ਕੌਣ ਹੁੰਦੇ ਉਸ ਨੂੰ ਅਕਾਲ ਤਖਤ 'ਤੇ ਸੱਦਣ ਵਾਲੇ? ਜੇ ਉਹ ਆ ਜਾਏ ਤਾਂ ਉਸ ਦੇ ਗੁਨਾਹ
ਮਾਫ ਨਹੀਂ ਕਰਨੇ ਪੈਣਗੇ? ਮਰਿਯਾਦਾ ਤਾਂ ਇਹੀ ਹੈ ਨਾ! ਤੁਹਾਨੂੰ ਜਾਪਦਾ ਨਹੀਂ, ਜਿਵੇਂ ਇਹ
ਸੌਦੇ ਵਾਂਗ ਗਿੱਲ ਨੂੰ ਮਾਫ ਕਰਨਾ ਚਾਹੁੰਦੇ ਨੇ? ਇਹ ਮਤਾ ਬਣਦਾ
ਹੀ ਕਿਵੇਂ ਸੀ?
ਕੇ.ਪੀ. ਗਿਲ ਸਿੱਖਾਂ ਦਾ ਕਾਤਲ ਹੈ, ਪਰ ਦੂਜੇ ਕਿਉਂ ਨਹੀਂ
ਸੱਦੇ? ਬਾਦਲ-ਮਜੀਠੀਏ ਨੇ ਥੋੜੇ ਬੰਦੇ ਮਾਰੇ? ਗਿੱਲ ਵੇਲੇ ਦੀ ਤੇ ਮਜੀਠੀਆਂ ਬਾਦਲਾਂ
ਵੇਲੇ ਦੀ ਗਿਣਤੀ ਤਾਂ ਕਰ ਵੇਖੋ? ਦੋ ਪੀਹੀੜਆਂ ਖਾ ਗਏ ਇਹ ਨਸ਼ਿਆਂ ਦੇ ਵਪਾਰੀ! ਜਿਹੜਾ ਪੰਜ
ਲੱਖ ਬੰਦਾ ਉਥੇ ਆਇਆ ਸੀ ਉਨ੍ਹਾਂ ਦੇ ਬੱਚਿਆਂ ਦਾ ਤੁਸੀਂ ਕੀ ਸੋਚਿਆ?
ਤੇ ਉਨ੍ਹਾਂ ਨੂੰ ਨਸ਼ਿਆਂ ਨਾਲ ਮਾਰਨ ਵਾਲੇ ਕਾਤਲਾਂ ਦਾ?