(ਅਦਾਰਾ
ਖ਼ਬਰਦਾਰ:
ਗੁਰਦੇਵ ਸਿੰਘ ਸੱਧੇਵਾਲੀਆ)
ਖ਼ਬਰਦਾਰ ਸਾਲ ਦੀ ਦਹਿਲੀਜ਼ 'ਤੇ ਹੈ। ਪਿੱਛਲ਼ੇ
ਸਾਲ ਜੁਲਾਈ 2014 ਵਿੱਚ ਇਹ ਸ਼ੁਰੂ ਹੋਇਆ ਸੀ। ਅਸੀਂ ਇੱਕ ਛੋਟਾ ਜਿਹਾ ਸਮਾਗਮ ਰੱਖਿਆ।
ਮੇਰਾ ਇੱਕ ਮਿੱਤਰ ਕਹਿੰਦਾ ਖ਼ਬਰਦਾਰ ਦੀ ਬਰਸੀ ਮਨਾਉਂਣੀ?
ਉਂਝ ਜੋ ਸਾਡੇ ਹਲਾਤ ਰਹੇ, ਹੈਨ ਤਾਂ ਬਰਸੀ ਮਨਾਉਂਣ ਵਾਲੇ ਹੀ ਸਨ, ਪਰ ਸਾਡੇ ਕੁਝ ਕੁ 'ਕਮਿਟਿਡ'
ਸੱਜਣਾਂ ਦੀ ਮਿਹਰਬਾਨੀ ਸਦਕਾ ਖਿੱਚ-ਧੂਹ ਕੇ ਸਾਲ ਬੰਨੇ ਲਾ ਹੀ ਮਾਰਿਆ। ਬਹੁਤੇ ਪੈਸੇ
ਵਾਲੀਆਂ ਸਾਮੀਆਂ ਨਾਲ ਖ਼ਬਰਦਾਰ ਦੀ ਬਣੀ ਨਹੀਂ, ਇਸ ਲਈ ਇਸ ਦਾ ਪੈਸੇ ਵਾਲਾ ਦਾਇਰਾ ਕੋਈ
ਬਹੁਤਾ ਵਿਸ਼ਾਲ ਨਹੀਂ, ਪਰ ਅਸੀਂ ਉਨ੍ਹਾ ਸੱਜਣਾਂ ਨੂੰ ਵੀ ਕਦੇ ਨਹੀਂ ਭੁੱਲ ਸਕਦੇ ਜਿਹੜੇ
ਕਦੇ ਸਾਨੂੰ ਜਾਣਦੇ ਵੀ ਨਹੀਂ ਸਨ, ਪਰ ਖ਼ਬਰਦਾਰ ਪੜਕੇ ਘਰੀਂ ਸੱਦਕੇ ਪੈਸੇ ਦਿੰਦੇ ਰਹੇ! ਅਤੇ
ਉਹ ਐਡਜ਼ ਵਾਲੇ ਮਿੱਤਰ? ਜਦ ਮਰਜੀ ਚਲੇ ਜਾਉ, ਇਹ ਉਨ੍ਹਾਂ ਸੱਜਣਾਂ ਦਾ ਵਿਸਵਾਸ਼ ਸੀ ਕਿ ਅਸੀਂ
ਕੁਝ ਸ਼ਾਇਦ ਕਰ ਰਹੇ ਹਾਂ।
ਉਂਝ ਜਦ ਅਸੀਂ ਖ਼ਬਰਦਾਰ ਸ਼ੁਰੂ ਕੀਤਾ ਸੀ
ਤਾਂ ਕਈ ਇੱਕ 'ਜਾਗਰੁਕਾਂ' ਨੂੰ ਜਾਪਿਆ ਸੀ ਕਿ ਸੱਧੇਵਾਲੀਆ ਨੇ ਵਪਾਰ ਸ਼ੁਰੂ ਕਰ ਲਿਆ ਹੈ।
ਪਰ ਮੈਂ ਕਹਿੰਨਾ ਇਹ 'ਚਲਦਾ ਵਪਾਰ' ਸਮੇਤ ਕੋਰਟ ਕੇਸਾਂ Court
cases ਦੇ, ਜੇ ਕਿਸੇ ਸੱਜਣ ਨੇ ਲੈਣਾ ਹੈ, ਤਾਂ ਲੈ ਸਕਦਾ !
9 ਅਗੱਸਤ 2015 ਦਿਨ ਐਤਵਾਰ
ਨੈਸ਼ਨਲ ਬੈਂਕੁਟ ਹਾਲ
7355 Torbram Rd, Mississauga, ON L4T 3W3 ਵਿਖੇ
ਦੁਪਹਿਰ 1 ਤੋਂ 4 ਵੱਜੇ ਤੱਕ ਸਮਾਗਮ ਹੈ। ਸਾਰੇ ਰਲ ਕੇ ਚਾਹ-ਪਾਣੀ ਪੀਵਾਂਗੇ, ਇਕੱਠੇ
ਹੋਵਾਂਗੇ ਕੋਈ ਤੁਹਾਡਾ ਮਸ਼ਵਰਾ ਹੋਇਆ ਤਾਂ ਦੱਸਣਾ ਤੇ ਬੱਅਸ!
ਅਮਰੀਕਾ ਤੋਂ ਦਲਿਤ ਭਾਈਚਾਰੇ ਨਾਲ ਸਬੰਧਤ ਮਿਸਟਰ ਐਮ.ਆਰ.ਪਾਲ ਹੁਰੀਂ
ਖਾਸ ਤੌਰ 'ਤੇ ਇਸ ਪ੍ਰੋਗਰਾਮ ਵਿਚ ਸ਼ਿਕਰਤ ਕਰ ਰਹੇ ਹਨ। ਸਾਨੂੰ ਖੁਸ਼ੀਂ ਹੋਵੇਗੀ ਕਿ ਅਸੀਂ
ਜੱਟ ਚੂਹੜਾ, ਚਮਾਰ ਦੀਆਂ ਵਲਗਣਾ ਵਿਚੋਂ ਬਾਹਰ ਆ ਕੇ, ਅਪਣੇ ਸਾਂਝੇ ਦੁਸ਼ਮਣ ਬਾਰੇ ਸੋਚਣ
ਲਗੀਏ, ਜਿਹੜਾ ਦੋਵਾਂ ਦੇ ਗਲ ਗੂਠ ਦਈ ਤੁਰਿਆ ਆ ਰਿਹਾ ਹੈ ਤੇ ਜਿਹੜਾ ਕਿਸੇ ਦਾ ਵੀ ਸਕਾ
ਨਹੀਂ।
ਸਭ ਮਿੱਤਰਾਂ-ਦੋਸਤਾਂ ਅਤੇ ਖ਼ਬਰਦਾਰ ਦੇ ਹਮਦਰਦਾਂ ਨੂੰ ਅਰਜ਼ ਹੈ ਕਿ
ਉਥੇ ਪਹੁੰਚਣ। ਆਪਣੇ ਵਿਚਾਰ ਦੇਣ। ਅਸੀਂ ਨਹੀਂ ਕਹਿੰਦੇ ਕਿ ਅਸੀਂ ਬਹੁਤ ਕੁਝ ਵਧੀਆ ਕਰਦੇ
ਹਾਂ, ਪਰ ਜੇ ਇਸ ਵਿਚਲੀ ਗੱਲ ਕਿਸੇ ਨੂੰ ਚੰਗੀ ਲੱਗੀ ਹੋਵੇ, ਤਾਂ ਉਹ ਆਪਣਾ ਸਹਿਯੋਗ ਜ਼ਰੂਰ
ਦੇਵੇ। ਤੁਹਾਡੀ ਹਾਜ਼ਰੀ ਵੀ ਸਾਨੂੰ ਸਹਿਯੋਗ ਹੈ।