Main News Page

🕉️ ਉੱਤਰ ਪ੍ਰਦੇਸ਼ 'ਚ ਯੋਗੀ ਆਦਿਤਿਆ ਨਾਥ ਵੱਲੋਂ "ਏਕ ਤਿਥਿ ਏਕ ਤਿਓਹਾਰ" ਪੰਚਾਂਗ (ਕੈਲੰਡਰ) 2026 ਤੋਂ ਲਾਗੂ ਹੋਵੇਗਾ। ਕਾਸ਼ੀ ਹਿੰਦੂ ਵਿਸ਼ਵਵਿਦਿਆਲਾ, ਕਾਸ਼ੀ ਵਿਦਵਤ ਪਰਿਸ਼ਦ ਅਤੇ ਕਾਸ਼ੀ ਦੇ ਪੰਚਾਂਗਕਾਰਾਂ ਦੇ ਸਹਿਯੋਗ ਨਾਲ ਕਾਸ਼ੀ ਤੇ ਵੱਖ ਵੱਖ ਪੰਚਾਂਗਾਂ (ਜੰਤਰੀਆਂ) 'ਚ ਵੱਖਰੇਵੇਂ ਦੂਰ ਕੀਤੇ ਗਏ ਹਨ। ਤਿੰਨ ਸਾਲ ਦੀ ਮਿਹਨਤ ਨਾਲ ਕਾਸ਼ੀ ਦੇ ਬਾਕੀ ਪੰਚਾਂਗਾਂ 'ਚ ਇੱਕਸਾਰਤਾ ਆਈ ਹੈ।

⭕ ਯੂਨੀਫਾਈਡ ਕੈਲੰਡਰ ਦੇ ਲਾਗੂ ਹੋਣ ਦੇ ਨਾਲ, ਤਿਉਹਾਰ ਦੀਆਂ ਤਰੀਕਾਂ ਵਿੱਚ ਵੱਖਰੇਵਿਆਂ ਦਾ ਹੱਲ ਹੋ ਜਾਵੇਗਾ ਜਿਵੇਂ... ਚੈਤ੍ਰ ਸ਼ੁਕਲਾ, ਗੰਗਾ ਦੁਸ਼ਹਿਰਾ, ਰਾਮਨਵਮੀ, ਰਖਸ਼ਾ ਬੰਧਨ, ਸ਼੍ਰਾਵਣ, ਜਨਮਾਸ਼ਟਮੀ, ਵਿਜਯਦਸ਼ਮੀ, ਦੀਵਾਲੀ, ਭਾਈ ਦੂਜ, ਹੋਲੀ ਆਦਿ ਹੋਰਨਾਂ ਤਿਓਹਾਰਾਂ ਦੀਆਂ ਤਰੀਕਾਂ 'ਚ ਇੱਕਸਾਰਤਾ ਆਵੇਗੀ। ਜੋਤਿਸ਼ ਵਿਭਾਗ ਦੇ ਜੋਤ ਸ਼ਾਸਤਰ ਵਿਭਾਗ ਦੇ ਪ੍ਰੋ. ਵਿਨੈ ਪਾਂਡੇ ਨੇ ਜ਼ੋਰ ਦਿੱਤਾ ਕਿ ਤਿਉਹਾਰ ਦੀਆਂ ਤਰੀਕਾਂ ਵਿੱਚ ਇਹ ਇਕਸਾਰਤਾਦੇ ਲੋਕਾਂ 'ਚ ਉਲਝਣ ਨੂੰ ਖਤਮ ਕਰੇਗੀ।

👁️ ਦੇਖ ਲਿਓ ਇੱਕ ਵਾਰੀ ਇਹ ਉੱਤਰ ਪ੍ਰਦੇਸ਼ 'ਚ ਲਾਗੂ ਹੋ ਗਿਆ, ਬਾਕੀ ਦੇਸ਼ 'ਚ ਲਾਗੂ ਹੋਣ 'ਤੇ ਬਹੁਤਾ ਚਿਰ ਨਹੀਂ ਲੱਗਣਾ। ਯੋਗੀ ਜੋ ਕਰਦਾ, ਉਹ ਮੋਦੀ ਨਾਂਹ ਨਹੀਂ ਕਰ ਸਕਦਾ, ਤੇ ਜਿਹੜੇ ਚਾਲ ਨਾਲ ਆਰ.ਐਸ.ਐਸ.-ਭਾਜਪਾ ਚੱਲ ਰਹੀ ਹੈ, ਇਹ ਹੋ ਕੇ ਰਹੇਗਾ। ਬਾਅਦ ਵਿੱਚ "ਇੱਕ ਦੇਸ਼ ਇੱਕ ਭਾਸ਼ਾ" ਵੀ ਲਾਗੂ ਹੋਵੇਗਾ।

❎ ਸ਼੍ਰੋਮਣੀ ਕਮੇਟੀ ਤੇ ਧੁੰਮੇ ਸਮੇਤ ਇਨ੍ਹਾਂ ਲੂਣਹਰਾਮੀਆਂ ਪਿੱਛੇ ਲੱਗਣ ਵਾਲੇ ਲੋਕੋ ਤੁਸੀਂ ਨੱਕ ਡੋਬ ਲਵੋ, ਜਿਨ੍ਹਾਂ ਕਰਕੇ ਤੁਸੀਂ ਮੂਲ ਨਾਨਕਸ਼ਾਹੀ ਕੈਲੰਡਰ ਦਾ ਕਤਲ ਕੀਤਾ, ਉਹ ਆਪਣਾ ਕੈਲੰਡਰ ਬਦਲ ਰਹੇ ਹਨ, ਇੱਕ ਤਰੀਕ - ਇੱਕ ਤਿਓਹਾਰ ਤੁਸੀਂ ਮਨਾਈ ਚੱਲੋ ਵੱਖ ਵੱਖ ਤਰੀਕਾਂ ‘ਤੇ ਗੁਰਪੁਰਬ। ਲੱਖ ਲਾਹਨਤ ਹੈ ਤੁਹਾਡੇ ਉੱਤੇ।

ਜੇ ਕਿਸੇ ਪਾਠਕ ਨੇ ਕੁਮੈਂਟ ਕਰਨਾ ਹੋਵੇ ਤਾਂ ਇੱਥੇ ਕਲਿੱਕ ਕਰਕੇ ਕਰ ਸਕਦਾ ਹੈ। ਵਾਹਿ ਗੁਰੂ ਜੀ ਕਾ ਖ਼ਾਲਸਾ, ਵਾਹਿ ਗੁਰੂ ਜੀ ਕੀ ਫ਼ਤਿਹ॥ ਖ਼ਾਲਸਾ ਨਿਊਜ਼ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ ਸਮਰਪਿਤ ਹੈ। ਅਸੀਂ ਅਖੌਤੀ ਦਸਮ ਗ੍ਰੰਥ ਅਤੇ ਹੋਰ ਅਨਮਤੀ ਗ੍ਰੰਥ, ਪੱਪੂ (ਅਖੌਤੀ ਜਥੇਦਾਰ), ਪਖੰਡੀ ਸਾਧ, ਸੰਤ, ਬਾਬੇ, ਅਨਮਤੀ ਕਰਮਕਾਂਡਾਂ ਦੇ ਖਿਲਾਫ ਪ੍ਰਚਾਰ ਕਰਦੇ ਰਹੇ ਹਾਂ ਅਤੇ ਕਰਦੇ ਰਹਾਂਗੇ। ਅਸੀਂ ਹਰ ਉਸ ਸਿੱਖ / ਸਿੱਖ ਜਥੇਬੰਦੀ ਦਾ ਸਾਥ ਦੇਵਾਂਗੇ, ਜਿਸਦਾ ਨਿਸ਼ਚਾ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ 'ਤੇ ਹੋਵੇ, ਸੱਚ ਬੋਲਣ ਅਤੇ ਸੱਚ 'ਤੇ ਪਹਿਰਾ ਦੇਣ ਦੀ ਹਿੰਮਤ ਅਤੇ ਬਾਬਰ ਦੇ ਸਾਹਮਣੇ ਖਲੋ ਕੇ ਜਾਬਰ ਕਹਿਣ ਦੀ ਹਿੰਮਤ ਰੱਖਦਾ ਹੋਵੇ।

Disclaimer: Khalsanews.org does not necessarily endorse the views and opinions voiced in the news / articles / audios / videos or any other contents published on www.khalsanews.org and cannot be held responsible for their views.  Read full details....