Main News Page

#ਪਖੰਡੀ ਸਾਧ ਬਾਬਾ ਬਾਗੇਸ਼ਵਰ ਦਾ ਚੇਲਾ #ਇੰਦਰਜੀਤ #ਨਿੱਕੂ ਨੇ ਇੱਕ ਜਗਰਾਤੇ ਵਿੱਚ ਕਿਹਾ ਕਿ..... "ਮੈਂ ਜਦੋਂ ਜਗਰਾਤੇ ਬਾਰੇ ਸੋਚਦਾ ਸੀ ਨਾ ਤਾਂ ਮੇਰੇ ਮਨ ਵਿੱਚ ਆਇਆ ਕਿ ਲੋਕ ਇਹ ਨਾ ਕਹਿਣ ਕਿ ਸਰਦਾਰ ਬੰਦਾ ਮਾਤਾ ਦੀਆਂ ਭੇਟਾਂ ਗਾਉਂਦਾ ਹੈ। ਫਿਰ ਮੇਰੇ ਮਨ 'ਚ ਆਇਆ ਕਿ ਰੋਜ਼ ਅਰਦਾਸ ਕਰਦੇ ਹਾਂ ਅਸੀਂ "ਪ੍ਰਥਮਿ ਭਗਉਤੀ ਸਿਮਰ ਕੈ ਗੁਰੂ ਨਾਨਕ ਲਈ ਧਿਅਇ॥" #ਸਾਡੇ ਗੁਰੂ ਸਾਹਿਬਨਾਂ ਨੇ ਵੀ ਇਹੀ ਕਿਹਾ ਹੈ ਕਿ ਸਭ ਤੋਂ ਪਹਿਲਾਂ ਭਗਉਤੀ ਨੂੰ ਸਿਮਰੋ। ਜੇ ਭਗਉਤੀ ਐਡੀ ਵੱਡੀ ਤਾਕਤ ਹੈ, ਜੇ ਅਸੀਂ ਆਪਣੇ ਗੁਰੂਆਂ ਨੂੰ ਐਨਾ ਪਿਆਰ ਕਰਦੇ ਹਾਂ, ਤੇ ਉਨ੍ਹਾਂ ਨੇ ਕੀ ਕਿਹਾ "ਪ੍ਰਿਥਮ ਭਗਉਤੀ ਸਿਮਰ ਕੈ..", ਸਭ ਤੋਂ ਪਹਿਲਾਂ ਮਾਂ ਨੂੰ ਧਿਆਵੋ, ਚਾਹੇ ਆਪਣੇ ਘਰ ਦੇ ਵਿੱਚ ਹੈ, ਚਾਹੇ ਇਹ ਵਾਲੀ ਮਾਂ ਹੈ। ਜੇ ਤੁਸੀਂ ਮਾਤਾ ਲਈ ਐਥੇ ਆਏ ਹੋਂ, ਫਿਰ ਚੁੱਪ ਕਰਕੇ ਨਹੀਂ ਬਹਿਣਾ..."

#ਜਗਰਾਤੇ ਵਿੱਚ ਕਿਹੜੀ #ਮਾਂ ਹੁੰਦੀ ਹੈ ਉਸ ਬਾਰੇ ਕੋਈ ਭੁਲੇਖਾ ਨਹੀਂ ਹੋਣਾ ਚਾਹੀਦਾ। ਵੈਸੇ ਇਸ ਚਵਲ਼ ਨਿੱਕੂ ਕੋਲੋਂ ਅਕਲ ਦੀ ਆਸ ਕਰਨੀ ਬੇਵਕੂਫੀ ਹੈ, ਪਰ ਇਸ ਨੇ "ਪ੍ਰਥਮਿ ਭਗਉਤੀ ਸਿਮਰ ਕੈ ਗੁਰੂ ਨਾਨਕ ਲਈ ਧਿਅਇ॥", ਵਾਲੀ ਗੱਲ ਸਹੀ ਆਖੀ।

👉 ਜਿਹੜੀ ਗੱਲ ਸਿੱਖ ਅਖਵਾਉਣ ਵਾਲੇ, ਪ੍ਰਚਾਰਕ ਅਖਵਾਉਣ ਵਾਲੇ ਨਾ ਸਮਝ ਸਕੇ, ਤੇ ਕਈ ਸਮਝ ਚੁਕੇ ਲੋਕ ਕਿ ਜਿਹੜੀ ਅਖੌਤੀ ਦਸਮ ਗ੍ਰੰਥ (ਬਚਿਤ੍ਰ ਨਾਟਕ) ਵਾਲੀ #ਭਗਉਤੀ" ਕਥਿਤ #ਅਰਦਾਸ ਵਿੱਚ ਹਰ ਰੋਜ਼ ਸਿਮਰੀ ਜਾਂਦੀ ਹੈ ਉਹ #ਕਾਲ਼ੀ, #ਭਵਾਨੀ, #ਸ਼ਿਵਾ, #ਦੁਰਗਾ ਮਾਤਾ ਹੀ ਹੈ, ਪਰ ਲੱਤਾਂ ਭਾਰ ਨਾ ਝਲਦੀਆਂ ਹੋਣ ਕਰਕੇ ਮੱਖੀ ਨਿਗਲ਼ੀ ਜਾ ਰਹੇ ਹਨ, ਉਹ ਗੱਲ ਨਿੱਕੂ ਸਮਝ ਗਿਆ। #ਸ਼ਾਬਾਸ਼ ਨਿੱਕੂ।

💢ਹੁਣ ਤੁਸੀਂ #ਭਗਉਤੀ ਨੂੰ #ਕਿਰਪਾਨ, #ਅਕਾਲਪੁਰਖ, #ਰੱਬ, #ਵਾਹਿਗੁਰੂ ਆਦਿ ਸਮਝੀ ਜਾਓ, ਪਰ ਜਿੱਥੇ ਇਹ ਲਿਖੀ ਹੈ, ਜਿਸਦੀ ਗੱਲ ਨਿੱਕੂ ਕਰ ਰਿਹਾ ਹੈ ਉਥੇ #ਦੁਰਗਾ ਮਾਤਾ ਹੀ ਹੈ। ਪੜੋ ਚੰਡੀ ਦੀ ਵਾਰ ਦੀ ਸ਼ੁਰੂਆਤ...

👿 ਵਾਰ ਦੁਰਗਾ ਕੀ 👿
ੴ ਸਤਿਗੁਰ ਪ੍ਰਸਾਦਿ।
ਸ੍ਰੀ ਭਗਉਤੀ ਜੀ ਸਹਾਇ।
👉 ਅਥ ਵਾਰ #ਦੁਰਗਾ ਕੀ ਲਿਖਯਤੇ।👈
ਪਾਤਸਾਹੀ 10
ਪਉੜੀ
ਪ੍ਰਥਮਿ ਭਗਉਤੀ ਸਿਮਰਕੈ ਗੁਰੂ ਨਾਨਕ ਲਈ ਧਿਆਇ॥...
....ਤੇਗ ਬਹਾਦਰ ਸਿਮਰੀਐ ਘਰ ਨਉਨਿਧਿ ਆਵੈ ਧਾਇ॥ ਸਭ ਥਾਈਂ ਹੋਇ ਸਹਾਏ।॥1॥

...ਤੇ ਇਸ ਵਾਰ ਦੀ ਅਖੀਰਲੀ ਪੰਕਤੀ ਧਿਆਨ ਨਾਲ 👁️ਅੱਖਾਂ ਖੋਲ👁️ਕੇ ਪੜੋ...

ਸਿਰ ਪਰ ਛਤ੍ਰ ਫਿਰਾਇਆ ਰਾਜੇ ਇੰਦ੍ਰ ਦੈ ॥
ਚਉਦਹ ਲੋਕਾਂ ਛਾਇਆ ਜਸੁ ਜਗਮਾਤ ਦਾ ॥
🧿 #ਦੁਰਗਾ #ਪਾਠ ਬਣਾਇਆ ਸਭੇ ਪਉੜੀਆਂ ॥
ਫੇਰ ਨ ਜੂਨੀ ਆਇਆ ਜਿਨ ਇਹ ਗਾਇਆ ॥੫੫॥ ਪੰਨਾ 127

⚠️"ਰਾਜੇ ਇੰਦਰ ਦੇ ਸਿਰ 'ਤੇ (ਦੁਰਗਾ ਨੇ) ਰਾਜ ਵਾਪਸ ਦੁਆ ਕੇ ਛੱਤਰ ਝੁਲਾ ਦਿਤਾ ਹੈ। ਚੌਦਹ ਲੋਕਾਂ ਵਿਚ ਪੂਰੇ "ਜਗਮਾਤ = ਜਗਤ ਦੀ ਮਾਤਾ" ਦਾ ਜੱਸ ਛਾ ਗਿਆ ਹੈ। ਇਹ ਸਾਰੀਆਂ ਪੌੜੀਆਂ ਮੈ "ਦੁਰਗਾ ਦਾ ਪਾਠ" ਕੀਤਾ ਹੈ। ਜੋ ਇਸਨੂੰ ਗਾ ਲਵੇਗਾ, ਉਹ ਜੀਵਨ ਮੁਕਤ ਹੋ ਜਾਵੇਗਾ, ਭਾਵ ਦੋਬਾਰਾ ਜੂਨ ਵਿੱਚ ਨਹੀਂ ਪਵੇਗਾ। ਫਿਰ ਕਿਉਂ ਨਹੀਂ "ਵਾਰ ਦੁਰਗਾ ਕੀ" ਪੜ੍ਹ ਕੇ ਜੀਵਨ ਮੁਕਤ ਹੋ ਜਾਂਦੇ ? ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਬਾਣੀ ਪੜ੍ਹਨ ਦੀ ਫਿਰ ਕੀ ਲੋੜ ਹੈ ? ਜੇ ਸਾਰੇ ਜਗਤ ਦੀ ਮਾਤਾ, ਦੁਰਗਾ ਦੇਵੀ ਦੀ ਉਸਤਤਿ ਵਾਲੀ ਇਹ ਪਉੜ੍ਹੀ ਪੜ੍ਹਨ ਨਾਲ ਹੀ ਤੁਸੀਂ ਜੀਵਨ ਮੁਕਤ ਹੋ ਸਕਦੇ ਹੋ ?

☢️ ਨਿੱਕੂ ਨੂੰ ਗਾਹਲ਼ਾਂ ਕੱਢਣ ਤੋਂ ਪਹਿਲਾਂ ਸਿੱਖ ਅਖਵਾਉਣ ਵਾਲਿਓ ਥੋੜਾ ਪੜ੍ਹ ਸਮਝ ਲਵੋ, ਫਿਰ ਗਾਹਲ਼ਾਂ ਆਪਣੇ ਆਪ ਨੂੰ ਕੱਢੋਗੇ, ਕਿ ਇਸ ਦੁਰਗਾ ਦਾ ਸਿਆਪਾ ਅਸੀਂ ਆਪ ਅਪਣੇ ਗਲ਼ ਪਾਇਆ ਹੈ, ਸ਼੍ਰੋਮਣੀ ਕਮੇਟੀ ਤੇ ਸੰਪਰਦਾਈਆਂ ਨੇ ਪਾਇਆ ਹੈ। ਜੇ ਤੁਹਾਨੂੰ ਸਮਝ ਹੁੰਦੀ ਤਾਂ ਨਿੱਕੂ ਵਰਗੇ ਚਵਲ਼ ਇਹ ਹੀਆ ਨਾ ਕਰਦੇ।

✅ ਇਸ ਤੋਂ ਬਾਹਰ ਨਿਕਲਣ ਦਾ ਇੱਕੋ ਤਰੀਕਾ ਹੈ ਸਿਰਫ ਗੁਰੂ ਗ੍ਰੰਥ ਸਾਹਿਬ ਦੀ ਬਾਣੀ (ੴ ਤੋਂ ਲੈ ਕੇ ਮੁੰਦਾਵਣੀ ਤੱਕ) (ਰਾਗ ਮਾਲਾ ਗੁਰਬਾਣੀ ਨਹੀਂ) ਨੂੰ ਪੜ੍ਹ ਸਮਝ ਕੇ ਆਪਣੇ ਜੀਵਨ ਵਿੱਚ ਢਾਲੋ, ਤਾਂ ਜੋ ਐਸੇ ਅਖੌਤੀ ਦਸਮ ਗ੍ਰੰਥ ਵਰਗੇ ਕੂੜ ਕਬਾੜ ਤੋਂ ਬੱਚਿਆ ਜਾ ਸਕੇ। ਗੁਰੂ ਸੁਮਤਿ ਬਖਸ਼ੇ।

#ਕਬੀਰ ਸਾਚਾ ਸਤਿਗੁਰੁ ਕਿਆ ਕਰੈ ਜਉ ਸਿਖਾ ਮਹਿ ਚੂਕ ॥
ਅੰਧੇ ਏਕ ਨ ਲਾਗਈ ਜਿਉ ਬਾਂਸੁ ਬਜਾਈਐ ਫੂਕ ॥158॥ ਪੰਨਾਂ 1372

ਜੇ ਕਿਸੇ ਪਾਠਕ ਨੇ ਕੁਮੈਂਟ ਕਰਨਾ ਹੋਵੇ ਤਾਂ ਇੱਥੇ ਕਲਿੱਕ ਕਰਕੇ ਕਰ ਸਕਦਾ ਹੈ। ਵਾਹਿ ਗੁਰੂ ਜੀ ਕਾ ਖ਼ਾਲਸਾ, ਵਾਹਿ ਗੁਰੂ ਜੀ ਕੀ ਫ਼ਤਿਹ॥ ਖ਼ਾਲਸਾ ਨਿਊਜ਼ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ ਸਮਰਪਿਤ ਹੈ। ਅਸੀਂ ਅਖੌਤੀ ਦਸਮ ਗ੍ਰੰਥ ਅਤੇ ਹੋਰ ਅਨਮਤੀ ਗ੍ਰੰਥ, ਪੱਪੂ (ਅਖੌਤੀ ਜਥੇਦਾਰ), ਪਖੰਡੀ ਸਾਧ, ਸੰਤ, ਬਾਬੇ, ਅਨਮਤੀ ਕਰਮਕਾਂਡਾਂ ਦੇ ਖਿਲਾਫ ਪ੍ਰਚਾਰ ਕਰਦੇ ਰਹੇ ਹਾਂ ਅਤੇ ਕਰਦੇ ਰਹਾਂਗੇ। ਅਸੀਂ ਹਰ ਉਸ ਸਿੱਖ / ਸਿੱਖ ਜਥੇਬੰਦੀ ਦਾ ਸਾਥ ਦੇਵਾਂਗੇ, ਜਿਸਦਾ ਨਿਸ਼ਚਾ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ 'ਤੇ ਹੋਵੇ, ਸੱਚ ਬੋਲਣ ਅਤੇ ਸੱਚ 'ਤੇ ਪਹਿਰਾ ਦੇਣ ਦੀ ਹਿੰਮਤ ਅਤੇ ਬਾਬਰ ਦੇ ਸਾਹਮਣੇ ਖਲੋ ਕੇ ਜਾਬਰ ਕਹਿਣ ਦੀ ਹਿੰਮਤ ਰੱਖਦਾ ਹੋਵੇ।

Disclaimer: Khalsanews.org does not necessarily endorse the views and opinions voiced in the news / articles / audios / videos or any other contents published on www.khalsanews.org and cannot be held responsible for their views.  Read full details....