📍 ਨੋਟ: ਇਸ ਪੋਸਟ ਦਾ ਸਿਰਲੇਖ
ਖ਼ਾਲਸਾ ਨਿਊਜ਼ ਵੱਲੋਂ ਦਿੱਤਾ ਗਿਆ ਹੈ, ਪਰ ਲੇਖ ਸ. ਜਸਵਿੰਦਰ ਸਿੰਘ ਵੱਲੋਂ ਲਿਖਿਆ ਗਿਆ
ਹੈ। ਅੰਮ੍ਰਿਤਪਾਲ ਸਿੰਘ ਦਾ ਉਹ ਹਾਲ ਕਿ ਜਿਵੇਂ ਪੰਜਾਬੀ ਦਾ ਮੁਹਾਵਰਾ ਹੈ "ਹੋਛੇ ਜੱਟ
ਕਟੋਰਾ ਲੱਭਾ ਪਾਣੀ ਪੀ ਪੀ ਆਫਰਿਆ"।
- ✍️ ਸੰਪਾਦਕ ਖ਼ਾਲਸਾ ਨਿਊਜ਼
🙏 ਬਾਬਾ ਜਰਨੈਲ ਸਿੰਘ ਚਾਹੇ ਭਿੰਡਰਾਂ ਜਥਾ ਸੰਪਰਦਾ 'ਚ ਰਹੇ ਤੇ
ਸਿੱਖਿਆ ਲਈ ਪਰ ਉਹਨਾਂ ਕਦੇ ਵੀ ਪੰਥਕ ਮਰਿਆਦਾ 'ਤੇ ਕਿੰਤੂ ਪ੍ਰੰਤੂ ਨਹੀਂ ਕੀਤਾ, ਇੱਥੋਂ
ਤੱਕ ਜੋ ਕਿਸੇ ਨੇ ਦਰਬਾਰ ਸਾਹਿਬ ਪੰਥਕ ਮਰਿਆਦਾ ਦੇ ਉਲਟ ਕੁੱਝ ਕਰਨ ਦੀ ਕੋਸ਼ਿਸ਼ ਕੀਤੀ
ਤਾਂ ਉਹਨਾਂ ਡੱਟ ਕੇ ਪੰਥਕ ਮਰਿਆਦਾ 'ਤੇ ਪਹਿਰਾ ਦਿੱਤਾ।
👉 ਫਿਰ ਉਹ ਜਾਣਦੇ ਸਨ ਕਿ ਸੁਰਿੰਦਰ ਸਿੰਘ ਸੋਢੀ ਨੂੰ ਮਾਰਨ ਵਿੱਚ
ਕਿੰਨ੍ਹਾਂ ਦਾ ਹੱਥ ਹੈ ਫਿਰ ਵੀ ਕਹਿੰਦੇ ਸਨ ਮੈਂ ਭਰਾ ਮਾਰੂ ਜੰਗ ਨਹੀਂ ਕਰਨੀ।
☝️ ਅਖੰਡ ਕੀਰਤਨੀ ਜੱਥੇ ਵਾਲੇ ਰਾਗਮਾਲਾ ਦੇ ਖਿਲਾਫ ਹਨ ਜਿੰਨੇ
ਬੱਬਰ ਸਨ ਸਭ ਅਖੰਡ ਕੀਰਤਨੀ ਜੱਥੇ ਨਾਲ ਜ਼ਿਆਦਾ ਸੰਬੰਧ ਰੱਖਦੇ ਸਨ ਤੇ ਰਾਗਮਾਲਾ ਕਰਕੇ
ਟਕਰਾਅ ਵੀ ਸੀ, ਪਰ ਫਿਰ ਵੀ ਹਮੇਸ਼ਾਂ ਇਕੱਠੇ ਰਹਿਣ ਦੀ ਕੋਸ਼ਿਸ਼ ਕੀਤੀ ਕਿ ਹੈਗੇ ਤਾਂ
ਸਿੱਖ ਭਰਾ ਹੀ।
👁️ ਭਿੰਡਰਾਂ ਜਥਾ ਸੰਪਰਦਾ ਮਾਸ ਖਾਣ ਖਿਲਾਫ ਸੀ, ਪਰ ਫਿਰ ਵੀ ਨਿਹੰਗ ਜੱਥੇਬੰਦੀਆਂ ਨੂੰ
ਨਾਲ ਜੋੜ ਕੇ ਰੱਖਿਆ। ਕਦੇ ਮਿਸ਼ਨਰੀਆਂ ਦੀ ਖਿਲਾਫਤ ਨਹੀਂ ਕੀਤੀ, ਉਲਟਾ ਚੌਤਾਂ ਕਲਾਂ ਨੂੰ
ਵਡਿਆਇਆ ਉਹਨਾਂ ਨੇ। ਵਿਦੇਸ਼ਾਂ 'ਚ ਲੰਗਰ ਤੱਪੜਾ ਜਾਂ ਟੇਬਲਾਂ 'ਤੇ ਅਤੇ ਹੁਣ ਚੌਂਕੀਆਂ
ਵਾਲਾ ਸਿਲਸਿਲਾ ਇਹ ਸਭ ਉਸ ਸਮੇਂ ਵੀ ਸਨ, ਪਰ ਕੀ ਬਾਬਾ ਜਰਨੈਲ ਸਿੰਘ ਨੂੰ ਪਤਾ ਨਹੀਂ ਸੀ
?
️🎯 ਅੰਮ੍ਰਿਤਪਾਲ ਸਿੰਘ ਨੂੰ ਮਸਾਂ ਅਜੇ ਤਾਂ ਦੋ ਕੁ ਮਹੀਨੇ ਹੀ
ਹੋਏ ਹਨ ਕਿੰਨੀਆਂ ਵੰਡੀਆਂ ਪਾ ਦਿੱਤੀਆਂ ਨੇ... ਅੱਗੇ ਅੱਗੇ ਵੇਖੋ ਹੁੰਦਾ ਕੀ ਏ !!!