ਸੋਹਣੀ
ਕੁੜੀ ਚਾਹੀਦੀ ਹੈ.. ਕਲੀਨ ਸ਼ੇਵਨ ਗੁਰਸਿੱਖ ਮੁੰਡੇ ਲਈ ! (ਵਿਆਹ ਦਾ ਇਸ਼ਤਿਹਾਰ ਪੜ ਕੇ
ਗੁਰਪ੍ਰੀਤ ਕੌਰ ਹੈਰਾਨ ਰਹ ਗਈ) ! ਗੁਰਪ੍ਰੀਤ ਨੇ ਮਨ ਹੀ ਮਨ ਕੁਛ ਫੈਸਲਾ ਕੀਤਾ !
ਦੋ ਦਿਨ ਬਾਅਦ ਓਹ ਲੋਗ ਮੁੰਡਾ ਵੇਖਣ ਗਏ .... ਮੁੰਡੇ ਦਵਿੰਦਰ ਨੇ ਦਾਹੜੀ
ਥੋੜੀ ਥੋੜੀ ਰਖੀ ਹੋਈ ਸੀ ਤੇ ਕੁੜੀ ਵੇਖਣ ਪੱਗ ਬੰਨ੍ਹ ਕੇ ਆਇਆ ਸੀ ! ਘਰ ਵਾਲਿਆ ਦੀ ਮਰਜੀ ਨਾਲ
ਦੋਵੇਂ ਥੋੜੀ ਦੇਰ ਲਈ ਲਾਂਭੇ ਜਾ ਕੇ ਬਹ ਗਏ !
ਗੁਰਪ੍ਰੀਤ : ਜੇਕਰ ਤੁਹਾਨੂੰ ਬੁਰਾ
ਨਾ ਲੱਗੇ ਮੈਂ ਇੱਕ ਗੱਲ ਪੁਛਾਂ ?
ਦਵਿੰਦਰ : ਹਾਂਜੀ ਪੁਛੋ !
ਗੁਰਪ੍ਰੀਤ : ਤੁਸੀਂ ਆਪਣੇ ਆਪ ਨੂੰ
ਗੁਰਸਿੱਖ ਲਿਖਿਆ ਸੀ ਇਸ਼ਤਿਹਾਰ ਵਿਚ ਪਰ ਇਹ ਕੇਸ਼ ਕਿਓਂ ਕੱਟੇ ਹੋਏ ਨੇ ?
ਦਵਿੰਦਰ : ਸਿੱਖੀ ਤੇ ਦਿਲ ਦੀ ਹੁੰਦੀ
ਹੈ ! ਬਾਕੀ ਤੇ ਸਭ ਦਿਖਾਵਾ ਹੈ ! ਮੈਂ ਦਿਲੋਂ ਸਿੱਖ ਹਾਂ ! ਨਾਲ ਦੇ ਮੁੰਡੇ ਕੁੜੀਆਂ ਕਹਿੰਦੇ
ਸੀ ਕੀ ਜਮਾਨੇ ਨਾਲ ਜੇਕਰ ਚਲਣਾ ਹੈ ਤਾਂ ਸਾਡੇ ਵਰਗਾ ਹੋ ਜਾ ! ਅੱਜ ਕਲ ਇਹੀ ਫੇਸ਼ਨ ਹੈ, ਵੇਖੋ
ਪੰਜਾਬ ਦੇ ਇਤਨੇ ਸਾਰੇ ਗਾਇਕ ਇਸੀ ਤਰਾਂਹ ਦੇ ਲੁਕ ਦੇ ਹੀ ਹਨ ! ਪੰਜਾਬੀ ਫਿਲਮਾਂ ਹੋਣ ਜਾਂ
ਹਿੰਦੀ ਫਿਲਮਾਂ ਦੇਖੋ ਅੱਜ-ਕਲ... ਸਰਦਾਰ ਹੀਰੋ ਤੇ ਉਸਦੇ ਦੋਸਤ ਇਸੀ ਲੁਕ ਵਾਲੇ ਹੁੰਦੇ ਨੇ !
ਨਾਲੇ ਜਿਸ ਸੰਗਤ ਵਿਚ ਬਹਿੰਦੇ ਹਾਂ ਓਹੋ ਜਿਹਾ ਰੂਪ ਧਰ ਲੈਂਦੇ ਹਾਂ...
ਸਰਦਾਰਾਂ ਵਿਚ ਪੱਗ ਬੰਨ ਲਈ ਤੇ ਬਾਕੀਆਂ ਵਿਚ ਫੇਸ਼ਨੇਬਲ ਲੁੱਕ ! ਓਹ ਕਿਹੜੀ ਕਹਾਵਤ ਸੀ
"ਜੈਸਾ ਦੇਸ਼ ਵੈਸਾ ਭੇਸ਼"
! (ਹਸਦਾ ਹੈ !) ਤੁਸੀਂ ਵੀ ਕਿਹੜੀਆਂ ਦਕਿਆਨੂਸੀ ਗੱਲਾਂ ਵਿਚ ਪੈ ਗਏ ਹੋ ?
ਗੁਰਪ੍ਰੀਤ : ਧਰਮ ਕੋਈ ਵੀ ਮਾੜਾ ਨਹੀਂ
ਪਰ ਉਸ ਵਿਚਲੇ ਮੁਢਲੇ ਅਸੂਲ ਹੀ ਜੇਕਰ ਕੋਈ ਮੰਨਣ ਤੋਂ ਇਨਕਾਰੀ ਹੋਵੇ ਤੇ ਫਿਰ ਤਾਂ ਓਹ ਇੱਕ
ਮੌਕਾ-ਪ੍ਰਸਤ ਅੱਤੇ ਭਗੋੜਾ ਕਿਸਮ ਦਾ ਇਨਸਾਨ ਹੋਇਆ ! ਜੋ ਆਪਣੇ ਧਰਮ ਵਿਚ ਹੀ ਪੱਕਾ ਨਹੀਂ ਤੇ
ਉਸ ਪਾਸੋ “ਵਫਾ” ਦੀ ਕੀ ਉੰਮੀਦ ਕਿੱਤੀ ਜਾਵੇ ? ਤੁਸੀਂ
ਜੇਕਰ ਇੱਕ ਪਾਸੇ ਲੱਗ ਜਾਂਦੇ ਤੇ ਗੱਲ ਕੁਛ ਸਮਝ ਵੀ ਆ ਜਾਂਦੀ ਪਰ ਤੁਹਾਨੂੰ ਤੇ ਦੋਵੇਂ ਹੱਥਾਂ
ਵਿਚ ਲੱਡੂ ਚਾਹੀਦਾ ਹੈ ! ਤੁਹਾਡਾ ਤੇ ਓਹ ਹਾਲ ਹੋ ਗਿਆ ਹੈ ਕੀ “ਨਾ ਇਧਰ ਕੇ ਰਹੇ ... ਨਾ ਉਧਰ
ਕੇ ਰਹੇ” ਤੇ ਵਿਚ੍ਲੇਆਂ ਦਾ ਹਾਲ ਤੇ ਤੁਹਾਨੂੰ ਪਤਾ ਹੀ ਹੋਣਾ ਹੈ ? ਕੇਸ਼ ਅਤੇ ਦਸਤਾਰ ਸਿੱਖੀ
ਦੀ ਨੀਂਹ ਹਨ ਤੇ ਜਿਸ ਘਰ ਦੀ ਨੀਂਹ ਪੱਕੀ ਹੋਵੇ ਓਹੀ ਘਰ ਪੱਕਾ ਹੁੰਦਾ ਹੈ !
ਦਵਿੰਦਰ : ਤੁਸੀਂ ਮੇਰੇ ਨਾਲ ਵਿਆਹ
ਦੀ ਗੱਲ ਕਰਨ ਆਏ ਹੋ ਜਾਂ “ਸਤਿਸੰਗ” ਕਰਨ ?
ਗੁਰਪ੍ਰੀਤ : ਮਿਆਂ-ਬੀਬੀ ਦਾ ਰਿਸ਼ਤਾ
ਆਪਣੇ ਆਪ ਵਿਚ ਸਤਿਸੰਗ ਹੀ ਹੁੰਦਾ ਹੈ ਜੋ ਜੀਵਨ ਭਰ ਚਲਦਾ ਹੈ ! ਝੂਠ ਦੇ ਸਿਰ ਤੇ ਇਹ ਰਿਸ਼ਤੇ
ਨਹੀਂ ਚਲਦੇ ! ਤੁਸੀਂ ਆਪਣੇ ਆਪ ਨੂੰ ਗੁਰਸਿੱਖ ਦਸਿਆ ਹੈ ਪਰ ਤੁਹਾਡੀ ਸ਼ਕਲ ਤੇ ਅਕਲ ਤੁਹਾਡੇ
ਪਿਤਾ ਗੁਰੂ ਨਾਲ ਨਹੀਂ ਰਲਦੀ ! ਜੋ ਆਪਣੇ ਪਿਤਾ ਦਾ ਨਹੀਂ ਹੋਇਆ ਓਹ ਮੇਰਾ ਕਿਵੇਂ ਹੋ ਕੇ ਰਹੇਗਾ
? ਜਿਸ ਪਤਿਤਪੁਣੇ ਵਿਚੋਂ ਤੁਸੀਂ ਖੁਸ਼ੀਆਂ ਭਾਲ ਰਹੇ ਹੋ ਓਹ ਇੱਕ ਛਲਾਵੇ ਤੋਂ ਵਧ ਕੁਛ ਵੀ ਨਹੀਂ!
ਵਿਸ਼ੇ-ਵਿਕਾਰਾਂ ਕਰਕੇ ਆਪਣੇ ਗੁਰੁ ਨੂੰ ਪਿਠ ਦੇਣੀ ਕੋਈ ਸਿਆਨਪ ਨਹੀਂ ! ਬਾਕੀ ਤੁਸੀਂ ਆਪ ਸਿਆਣੇ
ਹੋ, ਆਪਣਾ ਭਲਾ-ਬੁਰਾ ਆਪ ਸੋਚ ਸਕਦੇ ਹੋ ! ਮੇਰੇ ਵੱਲੋਂ ਨਾਂਹ ਹੀ ਸਮਝੋ ਮੈਂ ਛੋਟੀ ਖੁਸ਼ੀਆਂ
ਲਈ ਆਪਣੇ ਗੁਰੁ ਦੀ ਸਿੱਖ ਹੋਣ ਦੀ ਵੱਡੀ ਖੁਸ਼ੀ ਕੁਰਬਾਨ ਨਹੀਂ ਕਰ ਸਕਦੀ ! ਚੰਗਾ .. ਸਤ ਸ਼੍ਰੀ
ਅਕਾਲ !
ਸਤ ਸ਼੍ਰੀ ਅਕਾਲ ਦਾ ਜਵਾਬ ਬੁਝੇ ਮਨ ਨਾਲ ਦੇ ਕੇ ਦਵਿੰਦਰ ਅੰਦਰੋਂ ਸਭ
ਕੁਛ ਪਤਾ ਹੁੰਦੇ ਹੋਏ ਵੀ ਦੁਨਿਆਵੀ ਮੋਹ ਛੱਡ ਨਹੀਂ ਪਾਉਂਦਾ ! ਗੁਰਪੀਤ ਵੀ ਇਹੋ ਜਿਹੇ ਕਿਤਨੇ
ਹੀ ਦਵਿੰਦਰਾਂ ਦੀ ਦਸ਼ਾ ਸੁਧਾਰਨ ਲਈ ਗੁਰੁ ਅੱਗੇ ਅਰਦਾਸ ਕਰਦੀ ਹੈ !
