ਕਾਰ
ਫ਼ਰ੍ਰਾਟਾ ਭਰਦੀ ਗੁਰਦਿੱਤ ਸਿੰਘ ਕੋਲੋਂ ਦੀ ਲੰਘ ਗਈ, ਉਸਨੇ ਵੇਖਿਆ 'ਤੇ ਕਾਰ ਦੇ ਪਿਛੇ ਲਿਖਿਆ
ਸੀ "ਹਉ ਮੂਰਖੁ ਕਾਰੈ ਲਾਈਆ" ! ਉਹ ਬੜਾ ਹੈਰਾਨ ਹੋਇਆ ਤੇ ਕੁਦਰਤੀ ਅਗਲੇ ਚੌਰਾਹੇ 'ਤੇ ਉਸ ਕਾਰ
ਦੇ ਨਾਲ ਜਾ ਖਲੋਤਾ ! ਵੇਖਿਆ ਤੇ ਅੰਦਰ ਇੱਕ ਸੋਹਣਾ ਨੌਜਵਾਨ ਬੈਠਾ ਸੀ, ਉਸ ਨੇ ਪੁਛਿਆ "ਵੀਰ
ਜੀ, ਇਹ ਜੋ ਆਪ ਜੀ ਨੇ ਕਾਰ ਪਿਛੇ ਲਿਖਵਾਇਆ ਹੈ, ਉਸਦਾ ਕੀ ਮਤਲਬ ਹੈ ?
ਨੌਜਵਾਨ : ਰੱਬ ਜੀ ਨੇ ਕਿਰਪਾ ਕਰ ਕੇ ਮੇਨੂੰ ਇਹ ਕਾਰ ਬਖਸ਼ਿਸ਼ ਕਿੱਤੀ ਹੈ, ਇਸ ਲਈ ਮੈਂ ਇਹ
ਸ਼ਬਦ ਲਿਖਵਇਆ ਹੈ ! ਕੀ ਮੁਝ ਮੂਰਖ ਨੂੰ ਗੁਰੂ ਸਾਹਿਬ ਨੇ ਕਾਰ ਬਖਸ਼ਿਸ਼ ਕਿਤੀ ਹੈ !
ਗੁਰਦਿੱਤ ਸਿੰਘ ਦੇ ਰੌਂਗਟੇ ਖੜੇ ਹੋ ਗਏ ! ਉਸ ਨੇ ਪਿਆਰ ਨਾਲ ਬੇਨਤੀ ਕਰ ਕੇ ਉਸ ਨੌਜਵਾਨ ਪਾਸੋਂ
ਪੰਜ ਮਿੰਟ ਮੰਗੇ ਤੇ ਪੁਛ ਹੀ ਲਿਆ, ਕੀ ਉਸ ਨੂੰ ਪੰਜਾਬੀ ਨਹੀਂ ਆਉਂਦੀ ਸੀ, ਤੇ ਉਸਨੇ ਕੇਵਲ ਇਹ
ਸ਼ਬਦ ਕਿਧਰੇ ਸੁਣਿਆ ਸੀ ! ਗੁਰਦਿੱਤ ਸਿੰਘ ਨੇ ਨੌਜਵਾਨ ਨੂੰ ਫਿਰ ਪੂਰਾ ਸ਼ਬਦ ਸੁਣਾਇਆ ਤੇ ਉਸਦੇ
ਅਰਥ ਦੱਸੇ !
"ਗੁਰਮੁਖਿ
ਪਿਆਰੇ ਆਇ ਮਿਲੁ ਮੈ ਚਿਰੀ ਵਿਛੁੰਨੇ ਰਾਮ ਰਾਜੇ ॥ ਮੇਰਾ ਮਨੁ
ਤਨੁ ਬਹੁਤੁ ਬੈਰਾਗਿਆ ਹਰਿ ਨੈਣ ਰਸਿ ਭਿੰਨੇ ॥
ਮੈ ਹਰਿ ਪ੍ਰਭੁ ਪਿਆਰਾ ਦਸਿ ਗੁਰੁ ਮਿਲਿ ਹਰਿ ਮਨੁ ਮੰਨੇ ॥ ਹਉ
ਮੂਰਖੁ ਕਾਰੈ ਲਾਈਆ ਨਾਨਕ ਹਰਿ ਕੰਮੇ ॥੩॥"
ਨੌਜਵਾਨ ਬਹੁਤ ਸ਼ਰਮਿੰਦਾ ਹੋਇਆ ਕੀ ਉਸ ਪਾਸੋ ਅਰਥ ਦੇ ਅਨਰਥ
ਹੋ ਰਹੇ ਸਨ ! ਉਸਨੇਂ ਅੱਗੇ ਤੋਂ ਪੱਕਾ ਕਿੱਤਾ ਕੀ ਬਿਨਾ ਸੋਚੇ ਸਮਝੇ ਗੁਰਬਾਣੀ ਦੀ ਤੋੜ-ਮਰੋੜ
ਕੇ ਇਸਤੇਮਾਲ ਨਹੀਂ ਕਰੇਗਾ ! ਤੇ ਖੁਦ ਗੁਰਬਾਣੀ ਪੜ੍ਹ ਕੇ ਵਿਚਾਰਨ ਕੀ ਕੋਸ਼ਿਸ਼ ਕਰੇਗਾ !
ਗੁਰਦਿੱਤ ਸਿੰਘ : ਜਦੋਂ ਅੱਖ ਖੁੱਲੀ ਤਦੀ ਸਵੇਰਾ ! ਚੰਗਾ
ਭਾਈ .. ਸਤਿ ਸ਼੍ਰੀ ਅਕਾਲ !
