ਗੁਰਦੁਆਰਾ
ਸਿਸਟਮ ਨੂੰ ਸ਼ੋ-ਬਿਜਨੈੱਸ ਬਣਾਉਣ ਵਿੱਚ ਕੋਈ ਕਸਰ ਨਹੀਂ ਰਹਿਣੀ ਚਾਹੀਦੀ ! ਗੁਰਮਤ
ਭਾਵੇਂ ਮਰ ਜਾਵੇ ਪਰ "ਮਨਮਤ ਸ਼ੋ ਮਸ਼ਟ ਗੋ ਆਨ" ! ਗੁਰਦੁਆਰਾ ਸਾਹਿਬ ਨੂੰ ਪਿਕਨਿਕ
ਸਪਾਟ ਜਾਂ ਪਬਲਿਕ ਸਪੇਸ ਬਣਾ ਰਹੇ ਨੇ ਸ਼ਾਇਦ ! (ਅਖਬਾਰ ਪੜ੍ਹਦੇ ਹੋਏ ਕਰਮਜੀਤ ਸਿੰਘ
ਬੁੜਬੁੜਾ ਰਿਹਾ ਸੀ)
ਕੀ ਹੋਇਆ ਵੀਰ ? ਕਿਉਂ ਭੁੜਕ ਰਿਹਾ ਹੈਂ ? (ਕਰਮਹੀਣ ਸਿੰਘ ਨੇ
ਪੁਛਿਆ)
ਕਮੇਟੀ ਸੋਚ ਰਹੀ ਹੈ ਕੀ ਗੁਰਦੁਆਰਾ ਸਾਹਿਬ ਕੰਪਲੈਕਸ ਵਿੱਚ
ਵਾਈ-ਫਾਈ ਹੋਣਾ ਚਾਹੀਦਾ ਹੈ ਤਾਂਕਿ ਸੰਗਤਾਂ ਉਥੇ ਆ ਕੇ ਇੰਟਰਨੈੱਟ ਤੋਂ ਪਾਠ ਪੜ੍ਹ
ਸਕਣ ਅਤੇ ਕੀਰਤਨ ਸਰਵਣ ਕਰ ਸੱਕਣ! ਆਫ਼ ਟਾਈਮ (ਜਦੋਂ ਸੰਗਤ ਘੱਟ ਹੁੰਦੀ ਹੈ) ਵਿੱਚ
ਲੋਕ ਇਸਦਾ ਫਾਇਦਾ ਚੁੱਕ ਸੱਕਣ ! (ਅਖਬਾਰ ਪੜ੍ਹਦੇ ਹੋਏ ਕਰਮਜੀਤ ਸਿੰਘ ਨੇ ਦਸਿਆ)
ਕਰਮਹੀਣ ਸਿੰਘ : ਆਫ਼-ਟਾਈਮ
ਨੂੰ ਆਮ ਬੋਲਚਾਲ ਦੀ ਭਾਸ਼ਾ ਵਿੱਚ ਹੈਪੀ ਆਵਰ ਕਹਿੰਦੇ ਨੇ ! ਵਾਹ ! ਫਿਰ ਤਾਂ ਮਜ਼ਾ ਹੀ
ਆ ਜਾਵੇਗਾ ! ਘਰ ਭੱਜਣ ਦੀ ਜਲਦੀ ਨਹੀਂ ਹੋਵੇਗੀ ਕਿਓਂਕਿ ਮੁਫ਼ਤ ਵਾਈ-ਫਾਈ ! ਕਮਾਲ ਹੈ
... ਕਮਾਲ ਹੈ ! ਫ੍ਰੀ-ਫ੍ਰੀ-ਫ੍ਰੀ ਆਫ਼ਰ ਕਮਾਲ ਦੀ ਹੈ ! ਵੈਸੇ ਇੱਕ ਗੱਲ ਕਹਾਂ ਤਾਂ
ਤੁਹਾਡੀ ਬਹੁਤ ਭੈੜੀ ਆਦਤ ਹੈ ਹਰ ਗੱਲ ਤੇ ਟੰਗ ਖਿਚਣ ਦੀ ! ਜੇਕਰ ਤੁਹਾਨੂੰ ਕੋਈ
ਦਿੱਕਤ ਹੈ ਤਾਂ ਤੁਸੀਂ ਆਪਣਾ ਮੋਬਾਈਲ ਜੋੜਾ ਘਰ ਵਿੱਚ ਜਮਾ ਕਰਵਾ ਕੇ ਜਾਣਾ !
ਕਰਮਜੀਤ
ਸਿੰਘ : ਸ਼ਾਇਦ ਪ੍ਰਬੰਧਕਾਂ ਨੂੰ ਪਤਾ ਨਹੀਂ ਹੈ ਕੀ ਮੋਬਾਈਲ ਰਾਹੀਂ ਗੁਰਬਾਣੀ
ਪੜ੍ਹਨ ਲਈ ਇੰਟਰਨੈੱਟ ਦੀ ਜ਼ਰੂਰਤ ਨਹੀਂ ਹੈ, ਕਿਉਂਕਿ ਸੈਕੜੇ ਐਪ੍ਸ ਹਨ ਜਿਨ੍ਹਾਂ ਤੋਂ
ਆਫ਼-ਲਾਈਨ ਮੋਡ ਤੇ ਗੁਰਬਾਣੀ ਪੜੀ-ਵਿਚਾਰੀ ਜਾ ਸਕਦੀ ਹੈ ! ਲੋੜ ਤਾਂ ਮੋਬਾਈਲ ਜੈਮਰ
ਲਾਉਣ ਦੀ ਸੀ ... ਇਨ੍ਹਾਂ ਨੇ ਤਾਂ ਵਾਈ-ਫਾਈ ਦੀ ਗੱਲ ਸ਼ੁਰੂ ਕਰ ਦਿੱਤੀ ! ਗੁਰਬਾਣੀ
ਦਾ ਗਿਆਨ ਸਕਰੀਨਾਂ ਰਾਹੀਂ ਦਿੱਤਾ ਜਾ ਸਕਦਾ ਹੈ ! ਇੱਕ ਵਖਰੇ ਕਮਰੇ ਵਿੱਚ ਕੀਓਸਕ
ਲਗਾਏ ਜਾ ਸਕਦੇ ਹਨ ਜਿਹ੍ਹਾਂ ਰਾਹੀਂ ਕੋਈ ਵੀ ਵੱਖ ਵੱਖ ਭਾਸ਼ਾਵਾਂ ਵਿੱਚ ਗੁਰੂ ਗ੍ਰੰਥ
ਸਾਹਿਬ ਜੀ ਦਾ ਪਾਠ ਅੱਤੇ ਸ਼ਬਦਾਂ ਦੇ ਅਰਥ (ਟੀਕਾ) ਪੜ੍ਹ - ਸੁਣ - ਸਮਝ ਸਕਦਾ ਹੈ !
ਕੀਰਤਨ ਤਾਂ ਉਥੇ ਪੂਰਾ ਦਿਨ ਹੁੰਦਾ ਹੀ ਹੈ ! ਪਰ ਸਿੱਧਾ ਇੰਟਰਨੇਟ ਅੱਤੇ ਵਾਈ-ਫਾਈ
ਦੇਣ ਨਾਲ ਤਾਂ ਉਲਟਾ ਗੁਰਦੁਆਰਾ ਸਾਹਿਬ ਦਾ ਮਾਹੋਲ ਬਦਲ ਜਾਵੇਗਾ ਤੇ ਓਹ ਇੱਕ ਪਿਕਨਿਕ
ਸਪਾਟ ਬਣ ਜਾਣ ਦਾ ਖਦਸ਼ਾ ਹੈ !
ਕਰਮਹੀਣ ਸਿੰਘ (ਸੋਚਦਾ
ਹੋਇਆ) : ਗੱਲ ਤੇ ਤੁਹਾਡੀ ਕੁਝ ਕੁਝ ਸਹੀ ਲੱਗ ਰਹੀ ਹੈ ! ਸ਼ਾਇਦ ਮੈ ਹੀ ਕੁਝ ਜਿਆਦਾ
ਜਲਦੀ ਖੁਸ਼ ਹੋ ਗਿਆ, ਹੋਵਾਂ ਵੀ ਕਿਉਂ ਨਾ ਕਿਉਂਕਿ "ਮੁਫ਼ਤ" ਅੱਖਰ ਹੈ ਹੀ ਕਮਾਲ ਦਾ !
ਕਰਮਜੀਤ ਸਿੰਘ :
ਟੈਕਨਾਲੋਜੀ ਨਾਲ ਜੁੜਨਾ ਗਲਤ ਨਹੀਂ ਹੈ, ਪਰ ਉਸ ਦਾ ਸਹੀ ਇਸਤੀਮਾਲ ਵੇਖ ਕੇ ਹੀ ਕੋਈ
ਫੈਸਲਾ ਹੋਣਾ ਚਾਹੀਦਾ ਹੈ ! ਸ਼ੋਸ਼ੇਬਾਜ਼ੀ ਨਾਲ ਗੁਰੂ ਨਹੀਂ ਪਤੀਜਦਾ ! ਪਹਿਲਾਂ ਹੀ ਅਸੀਂ
ਗੁਰਦੁਆਰਿਆਂ ਤੋਂ ਇਤਿਹਾਸ ਖਤਮ ਕਰ ਕੇ "ਸੰਗਮਰਮਰ ਨਾਲ ਭਰ ਦਿੱਤਾ ਹੈ", ਸੋਨੇ-ਚਾਂਦੀ
ਆਦਿਕ ਨਾਲ ਮੜ੍ਹ ਦਿੱਤਾ ਹੈ ! ਅੱਜ ਪ੍ਰਬੰਧਕਾਂ ਨੂੰ ਸੰਗਤਾਂ ਵੱਲੋਂ ਆਪਣੇ ਗੁਰੂ
ਨੂੰ ਮੁੱਖ ਰੱਖ ਕੇ ਭੇਂਟ ਕੀਤੀ ਮਾਇਆ ਦੇ ਸੁਚੱਜੇ ਪ੍ਰਬੰਧ ਕਰਨ ਦੀ ਜਰੂਰਤ ਹੈ !
ਕਰਮਹੀਣ ਸਿੰਘ (ਗੱਲ ਬਦਲਦਾ
ਹੋਇਆ) : ਛੱਡੋ ਯਾਰ ! ਹੁਣ ਕੀ ਜਾਨ ਲੈਣੀ ਹੈ ਪ੍ਰਬੰਧਕਾਂ ਦੀ ! ਸੰਗਤਾਂ ਜਾਗਰੂਕ
ਹੋਣ ਤਾਂ ਇਹੋ ਜਿਹੇ ਕਦਮ ਵਾਪਿਸ ਲੈਣ ਲਈ ਪ੍ਰਬੰਧਕਾਂ ਨੂੰ ਆਪੇ ਮਜਬੂਰ ਹੋਣਾ ਪਵੇਗਾ
! ਆਓ ... ਜਰਾ "ਮੈਕਡੋਨਾਲਡ" ਵਿੱਚ ਬਰਗਰ ਖਾ ਕੇ ਆਉਂਦੇ ਹਾਂ... ਉਥੇ ਵੀ ਵੈਸੇ ਵੀ
ਅੱਧਾ ਘੰਟਾ ਵਾਈ-ਫਾਈ ਮੁਫ਼ਤ ਹੈ ! (ਜ਼ੋਰ ਦੀ ਹਸਦਾ ਹੈ)