ਭਾਰੀ
ਕਤਲੇਆਮ ਦੇ ਬਾਅਦ ਇਨਸਾਫ਼ ਲਈ 30 ਸਾਲ ਦਾ ਲੰਮਾ ਇੰਤਜਾਰ ਕਰਕੇ ਵੀ ਮਿਲਿਆ ਕੀ ?
ਮੁਆਵਜ਼ੇ ਦੀ ਹੱਡੀਆਂ ਜੋ ਸਾਡੇ ਆਪਣੇ ਹੀ ਖੂਨ ਨਾਲ ਲਿਬੜੀਆਂ ਹਨ ! (ਗ਼ੁੱਸੇ ਵਿੱਚ
ਭਰੇ ਹਰਬੀਰ ਸਿੰਘ ਦਾ ਮੁੰਹ ਲਾਲ ਸੀ)
ਕਿਸੇ ਵੀ ਗੱਲ ਨੂੰ ਕਹਿਣ ਜਾਂ ਕਰਣ ਦੇ ਦੋ ਤਰੀਕੇ ਹੁੰਦੇ ਹੈ, ਇੱਕ ਉਹ ਜੋ ਦੂਜਿਆਂ
ਨੂੰ ਕਹਿਣ ਸੁਣਨ ਵਿੱਚ ਚੰਗਾ ਲੱਗਦਾ ਹੈ ਅਤੇ ਦੂਜਾ ਓਹ ਜੋ ਜੋ ਸੱਚ ਹੁੰਦਾ ਹੈ ! (ਰਣਵੀਰ
ਸਿੰਘ ਬੋਲਿਆ)
ਹਰਬੀਰ ਸਿੰਘ : ਕੀ ਮਤਲਬ ?
ਰਣਵੀਰ ਸਿੰਘ : ਇਹ ਸਿਆਸੀ ਲੋਗ ਆਮ ਜਨਤਾ ਨੂੰ
ਮੂਰਖ ਸੱਮਝਦੇ ਹਨ ਅਤੇ ਬਹੁਤ ਹੱਦ ਤੱਕ ਠੀਕ ਹੀ ਸੱਮਝਦੇ ਹਨ ! ਕੋਈ ਵੀ ਇਸ ਤਰਾਂ ਦੀ
ਘਟਨਾ ਜਾਂ ਕਤਲੇਆਮ ਬਿਨਾਂ ਕਿਸੇ ਸਿਆਸੀ ਹਿਫਾਜ਼ਤ ਦੇ ਬਿਨਾਂ ਹੋ ਹੀ ਨਹੀਂ ਸਕਦਾ ਪਰ
ਇਹ ਲੋਕ ਉਸ ਦੇ ਬਾਅਦ ਅਜਿਹੀ ਅਜਿਹੀ ਗੱਲਾਂ ਕਰਦੇ ਹਨ ਜੋ ਸਮਾਜ ਦੇ ਦੂਜੇ ਵਰਗਾਂ
ਨੂੰ ਸੁਣਨ ਵਿੱਚ ਚੰਗੀ ਲੱਗਦੀਆਂ ਹਨ ਜਿਵੇਂ ਦੀ ਅਸੀਂ ਮੁਆਵਜੇ ਦੇ ਦਿੱਤੇ ਜਾਂ
ਇਨਸਾਫ਼ ਵਿੱਚ ਢਿੱਲ ਕਨੂੰਨ ਵੱਲੋਂ ਹੈ, ਅਸੀ ਆਪਣੇ ਵੱਲੋਂ ਹਰ ਤਰਾਂ ਦੇ ਸਹਿਯੋਗ ਲਈ
ਤਿਆਰ ਹਾਂ ! ਪਰ ਉਸ ਗੱਲ ਦੀ ਅਸਲੀਅਤ ਜਾਂ ਸੱਚਾਈ ਕੁੱਝ ਹੋਰ ਹੀ ਹੁੰਦੀ ਹੈ ਕਿਉਂਕਿ
ਸੱਤਾ ਤੇ ਕਾਬਿਜ਼ ਪਾਰਟੀ ਵੱਲੋਂ ਆਪਣੀ ਹਰ ਉਸ ਹਰਕਤ ਉੱਤੇ ਪਰਦਾ ਪਾਉਣ ਅਤੇ ਕਾਨੂੰਨੀ
ਮੁਕੱਦਮੇ ਨੂੰ ਲਟਕਾਉਣ ਕੀ ਕੋਝੀ ਹਰਕਤ ਕੀਤੀ ਜਾਂਦੀ ਹੈ ਤਾਂਕਿ ਇਨਸਾਫ਼ ਮੰਗਣ ਵਾਲੇ
ਦੁਖੀ ਹੋ ਕੇ ਹਿੰਮਤ ਛੱਡ ਦੇਣ ਜਾਂ ਗਰੀਬੀ ਵਿੱਚ ਹੀ ਘਿਸੀਆਂ ਕੱਟ ਕੇ ਮਰ ਜਾਣ !
ਹਰਬੀਰ ਸਿੰਘ (ਹੰਝੂ ਕੇਰਦੇ ਹੋਏ) : ਇਨਸਾਫ਼ ਦਾ
ਵਿਖਾਵਾ ਕਰਣ ਲਈ ਕਿਤਨੇ ਹੀ ਕਮੀਸ਼ਨ ਬਣਾਏ ਗਏ ਅਤੇ ਰਿਪੋਰਟ ਪੇਸ਼ ਕਰਣ ਤੋਂ ਪਹਿਲਾਂ
ਹੀ ਤੋੜ ਦਿੱਤੇ ਗਏ ! ਕਿਤਨੀਆਂ ਹੀ ਪੁਲਿਸ ਰਿਪੋਰਟ ਗੁੰਮ ਹੋ ਚੁੱਕੀਆਂ ਹਨ ਅਤੇ
ਕਿਤਨੇ ਹੀ ਸਬੂਤ ਖੁਰਦਬੁਰਦ ਜਾਂ ਭ੍ਰਿਸ਼ਟ ਕਰ ਦਿੱਤੇ ਗਏ ! ਕੋੜ੍ਹ ਵਿੱਚ ਖਾਜ ਦੀ
ਤਰ੍ਹਾਂ ਸਾਡੇ ਆਪਣੇ ਆਗੂ ਵੀ ਪੈਸੇ ਦੇ ਲਿਸ਼ਕਾਰੇ ਵਿੱਚ ਇਸ ਪੂਰੇ ਕਤਲੇਆਮ ਨੂੰ ਕੇਵਲ
ਸਿਆਸੀ ਫਾਇਦੇ ਦਾ ਸੌਦਾ ਸੱਮਝਣ ਲੱਗੇ ਹਨ ਅਤੇ ਸ਼ਾਇਦ ਉਹ ਵੀ ਇਨਸਾਫ਼ ਨਹੀਂ ਚਾਹੁੰਦੇ
ਤਾਂਕਿ ਉਨ੍ਹਾਂ ਦੀ ਸਿਆਸਤ ਨੂੰ "ਨਫ਼ਰਤ ਦਾ ਕੱਚਾ ਮਾਲ" ਮਿਲਦਾ ਰਹੇ ! ਉਪਰੋਂ ਸੁਆਮੀ
ਭਗਤ ਜਾਨਵਰ ਨਜ਼ਰ ਆਉਣ ਵਾਲੇ ਇਹ ਸਿਆਸੀ ਅੰਦਰੋਂ ਜੰਗਲੀ ਭੇੜੀਏ ਹੀ ਹਨ !
ਰਣਵੀਰ ਸਿੰਘ : ਯਾਦ ਰਹੇ ਦੀ "ਹਰ ਤਥ ਸੱਚ ਨਹੀਂ
ਹੁੰਦਾ" ! ਇਸ ਪੂਰੇ ਕੇਸ ਵਿੱਚ ਇਨ੍ਹਾਂ ਸਿਆਸੀਆਂ ਨੇ ਨਵੇਂ ਨਵੇਂ ਤਥ ਪੈਦਾ ਕੀਤੇ !
ਪਰ ਉਹ ਤਥ ਸੱਚ ਨਹੀਂ ਹਨ ਸਗੋਂ ਇਨਸਾਫ਼ ਨੂੰ ਗੁੰਮਰਾਹ ਕਰਣ ਵਾਲੇ ਹਨ ! ਆਖਰੀ ਇਨਸਾਫ਼
ਉਦੋਂ ਮਿਲੇਗਾ ਜਦੋਂ ਸਾਡੇ ਆਪਣੇ ਆਗੂਆਂ ਵਿੱਚ ਸਿਆਸੀ ਇੱਛਾਸ਼ਕਤੀ ਪੈਦਾ ਹੋਵੇਗੀ ਅਤੇ
ਉਹ ਆਪਣੇ ਹਲਵੇ - ਮਾਂਡੇ ਨੂੰ ਭੁੱਲ ਕੇ ਇਸਨੂੰ ਇੱਕ ਕੌਮੀ ਨਿਸ਼ਾਨੇ ਦੀ ਤਰ੍ਹਾਂ
ਲੈਣਗੇ ਵਰਨਾ ਦੂਸਰਿਆਂ ਵਲੋਂ ਇਨਸਾਫ਼ ਦੀ ਭਾਲ ਕਰਨਾ ਉਸੀ ਤਰਾਂ ਹੈ ਜਿਵੇਂ ਸੂਰਜ ਦਾ
ਪੱਛਮ ਵਲੋਂ ਉਗਣਾ !
ਸ਼ਾਇਦ ਤੂੰ ਠੀਕ ਕਹਿੰਦਾ ਹੈਂ ! ਕਸਮੇਂ, ਵਾਦੇ, ਪਿਆਰ, ਵਫ਼ਾ - ਸਭ ਬਾਤੇਂ ਹੈਂ, ਬਾਤੋਂ
ਕਾ ਕਿਆ ? (ਠੰਡੀ ਸਾਹ ਭਰਦੇ ਹੋਏ ਹਰਬੀਰ ਸਿੰਘ ਨੇ ਕਿਹਾ)