ਅੱਜ
ਇਤਨੇ ਪ੍ਰਚਾਰਕ ਹਨ ਪਰ ਫਿਰ ਵੀ ਪ੍ਰਚਾਰ ਦੀ ਘਾਟ ਕਿਓਂ ਮਹਿਸੂਸ ਹੋ ਰਹੀ ਹੈ ?
(ਰਾਜਿੰਦਰ ਕੌਰ ਆਪਣੀ ਸਹੇਲੀ ਗੁਰਪ੍ਰੀਤ ਕੌਰ ਨਾਲ ਵਿਚਾਰ ਸਾਂਝੇ ਕਰ ਰਹੀ ਸੀ)
ਗੁਰਪ੍ਰੀਤ ਕੌਰ (ਥੋੜਾ ਵਿਚਾਰਨ ਤੋਂ ਬਾਅਦ)
: ਕਿਓਂਕਿ ਸ਼ਾਇਦ ਓਹ ਸੰਗਤਾਂ ਦੀ ਨਬਜ਼ ਨਹੀਂ ਫੜ ਪਾ ਰਹੇ !
ਰਾਜਿੰਦਰ ਕੌਰ (ਹੈਰਾਨੀ
ਨਾਲ) : ਨਬਜ਼ ਨਹੀਂ ਫੜ ਪਾ ਰਹੇ ? ਓਹ ਕੀ ਉਪਚਾਰਕ (ਡਾਕਟਰ) ਹਨ ਜੋ ਸੰਗਤਾਂ
ਦੀਆਂ ਨਬਜ਼ ਚੈਕ ਕਰਨਗੇ ?
ਗੁਰਪ੍ਰੀਤ ਕੌਰ (ਹਸਦੇ
ਹੋਏ) : ਹਾਂ ! ਪ੍ਰਚਾਰਕ ਨੂੰ ਉਪਚਾਰਕ ਹੀ ਹੋਣਾ ਚਾਹੀਦਾ ਹੈ ! ਜੋ ਸਮਾਜ ਵਿੱਚ
ਫੈਲ ਰਹੀਆਂ ਕੁਰੀਤੀਆਂ, ਕੁਰਹਿਤਾਂ, ਮਨਮਤਾਂ, ਸਭਿਆਚਾਰਿਕ ਗਿਰਾਵਟ ਆਦਿ ਨੂੰ
ਪਛਾਣ ਕੇ ਉਸ ਮੁਤਾਬਿਕ ਸੰਗਤ ਵਿੱਚ ਪ੍ਰਚਾਰ ਕਰੇ ! ਜਿਆਦਾਤਰ ਪ੍ਰਚਾਰਕ ਇਸ ਪੱਖੋਂ
ਅਵੇਸਲਾਪਨ ਦਿਖਾਉਂਦੇ ਹਨ ! ਗਿਆਤ ਰਹੇ ਕੀ ਜਿਸ ਉਪਚਾਰਕ ਨੂੰ ਨਬਜ਼ ਵੇਖਣੀ ਆ
ਜਾਂਦੀ ਹੈ ਉਸਨੂੰ ਫਿਰ ਫਾਲਤੂ ਦੇ ਟੈਸਟ ਨਹੀਂ ਕਰਵਾਉਣੇ ਪੈਂਦੇ !
ਰਾਜਿੰਦਰ ਕੌਰ : ਜੇਕਰ ਨਬਜ਼ ਸਹੀ ਫੜੀ ਗਈ
ਤਾਂ ਫਿਰ ਉਪਚਾਰ (ਇਲਾਜ਼) ਵੀ ਸਹੀ ਹੋਵੇਗਾ ਅੱਤੇ ਜੇਕਰ ਉਪਚਾਰ ਸਹੀ ਹੋਵੇਗਾ
ਤਾਂ ਮਰੀਜ਼ ਭਲਾ-ਚੰਗਾ ਵੀ ਛੇਤੀ ਹੋਣਾ ਸ਼ੁਰੂ ਹੋ ਜਾਵੇਗਾ ਭਾਵ ਆਮ ਸੰਗਤਾਂ ਵਿੱਚ
ਗੁਰਮਤ ਉਪਚਾਰ ਮਾਫ਼ ਕਰਨਾ ਗੁਰਮਤ ਪ੍ਰਚਾਰ ਬਹੁਤ ਚੰਗੀ ਤਰਾਂ ਫੈਲੇਗਾ !
