ਵਾਹਿਗੁਰੂ
! ਤੜਾਕ ! ਛੰਨ ! (ਰਸੋਈ ਵਿੱਚੋਂ ਜ਼ੋਰ ਦੀ ਆਵਾਜ਼ ਆਈ)
ਇਹ ਕੀ ਕੀਤਾ ਨਿੱਕ ? ਰੋਟੀ ਖਾ ਕੇ ਭਾਂਡੇ ਸਿੰਕ ਵਿੱਚ ਸੁੱਟ ਕੇ ਕਿਓਂ ਮਾਰੇ ?
ਆਰਾਮ ਨਾਲ ਰੱਖ ਦਿੰਦਾ ! ਇਹ ਕੋਈ ਚੱਜ ਹੈ ਭਾਂਡੇ ਰਖਣ ਦਾ ? ਟੇਢੇ ਵਿੰਗੇ ਭਾਂਡੇ
ਵਿੱਚ ਰੋਟੀ ਖੁਵਾਵੇਂਗਾ ਕੋਈ ਮਹਿਮਾਨ ਆਵੇਗਾ ਤਾਂ ? (ਔਖੀ ਹੋ ਕੇ ਗੁਰਮੀਤ ਕੌਰ ਨੇ
ਆਪਨੇ ਪੁੱਤਰ ਹਰਜੋਤ ਸਿੰਘ ਨੂੰ ਝਿੜਕਿਆ)
ਹਰਜੋਤ ਸਿੰਘ (ਹਸਦੇ ਹੋਏ)
: ਮੰਮੀ ! ਮੈਂ ਤੇ ਓਹੀ ਕੀਤਾ ਜੋ ਕਲ ਗੁਰੁਦੁਆਰੇ ਵੇਖ ਕੇ ਆਇਆ ਸੀ ! ਉਥੇ ਵੀ ਤਾਂ
ਲੰਗਰ ਛਕਣ ਤੋਂ ਬਾਅਦ ਸੇਵਾ ਕਰਣ ਵਾਲੇ, ਇਸੀ ਤਰੀਕੇ ਨਾਲ ਵਾਹਿਗੁਰੂ ਬੋਲ ਕੇ ਭਾਂਡੇ
ਚੁੱਕ ਚੁੱਕ ਕੇ ਸੁੱਟ ਰਹੇ ਸੀ ! ਕੀ ਉਥੇ ਭਾਂਡੇ ਵਿੰਗੇ-ਟੇਢੇ ਨਹੀਂ ਹੁੰਦੇ ? ਕੀ
ਲੰਗਰ ਛਕਣ ਆਉਣ ਵਾਲੇ ਗੁਰੂ ਘਰ ਦੇ ਮਹਿਮਾਨ ਨਹੀਂ ਹੁੰਦੇ ?
ਗੁਰਮੀਤ ਕੌਰ ਚੁੱਪ ਹੋ ਗਈ ! ਉਸਦੀਆਂ ਅੱਖਾਂ ਅੱਗੇ ਭਾਂਡਿਆਂ
ਦੀ ਸੇਵਾ ਦਾ ਦ੍ਰਿਸ਼ ਚਲਣ ਲੱਗਾ ! ਆਪਣੇ ਘਰਾਂ ਵਿੱਚ "ਚੱਜ - ਏਟੀਕੇਟਸ" ਦੀ ਗੱਲ
ਕਰਦੇ ਕਰਦੇ, ਅਸੀਂ ਗੁਰੂ ਘਰ ਦੀ ਸੇਵਾ ਵਿੱਚ ਕਦੋਂ "ਚੱਜ - ਏਟੀਕੇਟਸ" ਗੁਆ ਬੈਠੇ,
ਪਤਾ ਹੀ ਨਹੀਂ ਚਲਿਆ !
