Share on Facebook

Main News Page

ਚਿੱਟਾ-ਕਾਲਾ ਦਾਨ ! (ਨਿੱਕੀ ਕਹਾਣੀ)
-: ਬਲਵਿੰਦਰ ਸਿੰਘ ਬਾਈਸਨ

"ਫਲਾਣੀ ਮਸ਼ੀਨ" ਲਗਾਉਣੀ ਹੈ ਗੁਰੂਦੁਆਰਾ ਸਾਹਿਬ ਵਿੱਚ ! ਫਿਰ ਸੰਗਤਾਂ ਨੂੰ ਬਹੁਤ ਸੁੱਖ ਹੋ ਜਾਵੇਗਾ ! (ਕੁਲਬੀਰ ਸਿੰਘ ਨੇ ਦਸਿਆ)

ਵਾਹ ! ਵਾਕਈ ਬਹੁਤ ਚੰਗਾ ਉੱਦਮ ਹੈ ਤੁਹਾਡੀ ਕਮੇਟੀ ਦਾ ! ਮੇਰੇ ਲਈ ਕੀ ਹੁਕਮ ਹੈ ਭਾਈ ਸਾਹਿਬ ਜੀ ? (ਹਰਮਨ ਸਿੰਘ ਨੇ ਪੁਛਿਆ)

ਕੁਲਬੀਰ ਸਿੰਘ : ਪੰਦਰਾਂ ਲੱਖ ਦੇ ਗੇੜ ਦੀ ਮਸ਼ੀਨ ਆਉਣੀ ਹੈ ! ਤੁਹਾਡੇ ਨਾਮ ਪੰਜ ਲੱਖ ਦੀ ਪਰਚੀ ਕੱਟਣੀ ਹੈ !

ਹਰਮਨ ਸਿੰਘ (ਕੁਛ ਸੋਚਦਾ ਹੋਇਆ) : ਪੰਜ ਲੱਖ ਤੇ ਜਿਆਦਾ ਹੋ ਜਾਣਗੇ ! ਇੱਕ ਕੰਮ ਕਰਦਾ ਹਾਂ ਕੀ ਦੋ ਲੱਖ ਦੇ ਦਿੰਦਾ ਹਾਂ ! ਕਿਸ ਦੇ ਨਾਮ ਚੈਕ ਕੱਟਾਂ ?

ਕੁਲਬੀਰ ਸਿੰਘ : ਤੁਸੀਂ ਚੈਕ ਰਹਿਣ ਦੇਵੋ ਤੇ ਨਕਦ ਹੀ ਦੇ ਦਿਓ ਮਾਇਆ ! ਸੰਗਤ ਦਾ ਕੀਮਤੀ ਪੈਸਾ ਅਸੀਂ ਕਿਓਂ ਚੈਕ ਲੈ ਕੇ ਸਰਕਾਰ ਦੇ ਟੈਕ੍ਸ ਵਿੱਚ ਰੋਲੀਏ ? ਨਕਦ ਦੇਵੋਗੇ ਤਾਂ ਅੱਗੋ ਕੰਪਨੀ ਕੋਲੋਂ ਚੰਗਾ ਰੇਟ ਲਗਵਾ ਲਵਾਂਗੇ, ਨਾਲੇ ਟੈਕ੍ਸ ਵੀ ਬਚੇਗਾ ! (ਬਾਰ ਬਾਰ ਨਕਦ ਤੇ ਹੀ ਜੋਰ ਪਾਉਂਦਾ ਹੈ)

ਹਰਮਨ ਸਿੰਘ (ਜੋਰ ਪਾਉਂਦੇ ਹੋਏ) : ਤੁਸੀਂ ਪਰਚੀ ਕੱਟੋ ! ਮੈ ਚੈਕ ਹੀ ਦੇਣਾ ਹੈ ਤਾਂਕਿ ਮੇਰੇ ਖਾਤੇ ਵਿੱਚ ਵੀ ਇਹ ਰਕਮ ਆ ਜਾਵੇ ਤੇ ਤੁਹਾਡੇ ਖਾਤੇ ਵਿੱਚ ਵੀ ! ਦਿੱਕਤ ਕੀ ਹੈ ?

ਕੁਲਬੀਰ ਸਿੰਘ (ਪਰੇਸ਼ਾਨ ਹੁੰਦਾ ਹੋਇਆ) : ਛੱਡੋ ਤੁਸੀਂ, ਰੱਖੋ ਚੈਕ ਆਪਣੇ ਕੋਲ ! ਸਾਨੂੰ ਬਥੇਰੇ ਦੇਣ ਵਾਲੇ ਬੈਠੇ ਨੇ ! ਤੁਸੀਂ ਰੱਖੋ ਆਪਣਾ ਚਿੱਟਾ ਆਪਣੇ ਕੋਲ, ਫਿਰ ਕਦੀ ਲੈ ਲਵਾਂਗੇ ! (ਗੁੱਸਾ ਕਰ ਕੇ ਉਥੋਂ ਚਲਾ ਜਾਂਦਾ ਹੈ)

(ਇਤਨੀ ਹੀ ਦੇਰ ਵਿੱਚ ਰਣਜੋਧ ਸਿੰਘ ਆ ਹਰਮਨ ਸਿੰਘ ਨੂੰ ਸਤ ਸ਼੍ਰੀ ਅਕਾਲ ਬੁਲਾਉਂਦਾ ਹੈ ਤੇ ਕੁਲਬੀਰ ਸਿੰਘ ਦੇ ਗੁੱਸੇ ਵਿੱਚ ਉਥੋਂ ਜਾਣ ਦਾ ਕਾਰਣ ਪੁਛਦਾ ਹੈ ! ਕੁਲਬੀਰ ਸਿੰਘ ਸਾਰੀ ਗੱਲ ਬਾਤ ਸੁਣਾਂਦਾ ਹੈ)

ਰਣਜੋਧ ਸਿੰਘ (ਗੱਲ ਸੁਣਨ ਤੋਂ ਬਾਅਦ) : ਪਰ ਉਸ ਮਸ਼ੀਨ ਨੂੰ ਲਗੇਆਂ ਤੇ ਅੱਜ ਤਿੰਨ ਹਫਤੇ ਹੋਣ ਆਏ ਅਤੇ ਉਸ ਮਸ਼ੀਨ ਦੀ ਤਾਂ ਪੂਰੀ ਪੇਮੈਂਟ ਵੀ ਏਡਵਾੰਸ ਹੋ ਚੁੱਕੀ ਹੈ !

ਕੁਲਬੀਰ ਸਿੰਘ ਦੀਆਂ ਅੱਖਾਂ ਅੱਗੇ ਉਸ ਓਹਦੇਦਾਰ ਦੀ ਸ਼ਕਲ ਘੁਮਣ ਲੱਗ ਜਾਂਦੀ ਹੈ ਜੋ ਚਿੱਟੇ-ਕਾਲੇ ਦੀਆਂ ਕਹਾਣੀਆਂ ਸੁਣਾ ਕੇ ਗਿਆ ਸੀ ! ਕੀ ਕਰਦਾ ਓਹ ਉਸ ਕੈਸ਼ ਨਾਲ ? ਕੀ ਸੰਗਤ ਵੱਲੋਂ "ਨਿਮਰਤਾ ਵੱਸ" ਹੋ ਕੇ "ਗੁਪਤ ਦਾਨ ਦੇ ਨਾਮ ਤੇ ਕੈਸ਼" ਦਿੱਤੇ ਜਾਂਦੇ ਪੈਸੇ ਨੂੰ ਓਹ ਖਾ ਜਾਂਦਾ ? ਜੇ ਨਹੀਂ ਤੇ ਫਿਰ ਕਿਓਂ ਉਸਨੇ ਚੈਕ ਲੈਣ ਤੋਂ ਮਨਾ ਕੀਤਾ ? (ਸੋਚਦਾ ਸੋਚਦਾ ਆਪਣੀ ਸੋਚ ਨੂੰ ਡੂੰਘਾ ਲੈ ਜਾਂਦਾ ਹੈ)

(ਫੈਸਲਾ ਕਰਦਾ ਹੈ ਕੀ ਜੋ ਮਰਜ਼ੀ ਹੋ ਜਾਵੇ ਮੈਂ ਅੱਜ ਤੋਂ ਕੋਈ ਵੀ ਪੈਸਾ ਜਾਂ ਵਸਤੂ ਬਗੈਰ ਰਸੀਦ ਕਟਾਏ ਨਹੀ ਦੇਵਾਂਗਾ ! (ਬੁੜ-ਬੁੜ ਕਰਦਾ ਹੈ ) ਚੈਕ ਮਤਲਬ "ਚਿੱਟਾ ਦਾਨ" ਤੇ ਬਿਨਾ ਰਸੀਦ ਤੋਂ ਕੈਸ਼ ਮਤਲਬ "ਕਾਲਾ ਦਾਨ" !!!


<< ਸ੍ਰ. ਬਲਵਿੰਦਰ ਸਿੰਘ ਬਾਈਸਨ ਦੀਆਂ ਨਿੱਕੀਆਂ ਕਹਾਣੀਆਂ >>
http://nikkikahani.com/ Now you can Download & Install NIKKI KAHANI on your ANDROID MOBILE, just go to PLAY STORE and search for NIKKI KAHANI


Disclaimer: Khalsanews.org does not necessarily endorse the views and opinions voiced in the news। articles। audios videos or any other contents published on www.khalsanews.org and cannot be held responsible for their views.  Read full details....

Go to Top