ਭਾਰਤ
- ਸਾਊਥ ਅਫਰੀਕਾ ਦਾ ਕ੍ਰਿਕੇਟ ਮੈਚ ਚਲ ਰਿਹਾ ਸੀ ! ਅਚਾਨਕ ਨਿੱਕਾ
ਪ੍ਰਭਜੋਤ ਬੋਲਿਆ ! ਪਾਪਾ, ਇਹ ਸਾਰੇ ਖਿਡਾਰੀਆਂ ਵਿਚੋਂ ਇਹ ਇੱਕ ਨੇ ਆਪਣੀ ਦਾੜੀ ਪੂਰੀ ਰੱਖੀ
ਹੈ ? ਬਾਕੀਆਂ ਨੇ ਕਿਓਂ ਨਹੀਂ ?
ਪਿਤਾ ਕੁਲਬੀਰ ਸਿੰਘ : ਬੇਟਾ, ਇਹ ਖਿਲਾੜੀ ਹਾਜ਼ੀ ਹੈ ! ਜੋ
ਲੋਕ ਹਜ਼ ਕਰ ਕੇ ਆਉਂਦੇ ਨੇ ਜਾਂ ਫਿਰ ਆਮ ਜਿੰਦਗੀ ਵਿਚ “ਸਵਾਬ ਵਿਚ ਰਹਿਣਾ” ਚਾਹੁੰਦੇ ਨੇ ਭਾਵ
ਰੱਬ ਦੀ ਰਜ਼ਾ (ਹੁਕਮ ਵਿਚ) ਰਹਿਣਾ ਚਾਹੁੰਦੇ ਨੇ ਓਹ ਕੇਸ਼ ਨਹੀਂ ਕਟਦੇ !
ਪ੍ਰਭਜੋਤ : ਅਛਾ ਪਾਪਾ ! ਇਹ ਜੋ ਦਾੜੀ-ਕਟਿਆ ਸਿੱਖ ਖਿਲਾੜੀ
ਭਾਰਤ ਵੱਲੋਂ ਖੇਡ ਰਿਹਾ ਹੈ ਕੀ ਇਹ ਕਦੀ ਦਰਬਾਰ ਸਾਹਿਬ ਨਹੀਂ ਗਿਆ ? ਸਾਡਾ ਮੱਕਾ ਤੇ ਓਹੀ ਹੈ
ਨਾ ? (ਮਤਲਬ ਸਾਡਾ ਸਭ ਤੋਂ ਵੱਡਾ ਧਰਮ ਅਸਥਾਨ) !
ਕੁਲਬੀਰ ਸਿੰਘ : ਪੁੱਤਰ ਜੀ, ਗੁਰੂ ਸਾਹਿਬ ਦੇ ਆਸ਼ੇ
ਮੁਤਾਬਿਕ ਤੇ ਸਾਰੇ ਗੁਰਦੁਆਰੇ ਇੱਕੋ ਜਿਹੇ ਹੀ ਹਨ ਤੇ ਸਿੱਖੀ ਕਦਰਾਂ-ਕੀਮਤਾਂ ਤੇ ਜੀਵਨ ਜਾਚ
ਸਿਖਾਉਣ ਦੇ ਕੇਂਦਰ ਹਨ ! ਪਰ ਹਾਂ, ਪਿਛਲੇ ਕੁਛ ਕੁ ਸਾਲਾਂ ਤੋਂ ਧਰਮ ਦਾ ਸੋਮਾ ਕਿਹਾ ਜਾਂਦਾ
ਹੈ ਦਰਬਾਰ ਸਾਹਿਬ ਨੂੰ, ਕਿਓਂਕਿ ਉਥੇ ਨਿਰੋਲ ਗੁਰਬਾਣੀ ਕੀਰਤਨ ਦਾ ਪਰਵਾਹ ਚਲਦਾ ਹੈ ! ਬਾਕੀ
ਗੁਰਮਤ ਅਨੁਸਾਰ ਹਰ ਸਿੱਖ ਅਪਨੇ ਆਪ ਵਿਚ ਹੀ ਇੱਕ ਗੁਰੂਦੁਆਰਾ ਹੈ (ਪਰਚਾਰ ਦਾ ਕੇਂਦਰ ਹੈ),
ਬਸ਼ਰਤੇ ਉਸਦਾ ਜੀਵਨ ਗੁਰਸਿੱਖ ਵਾਲਾ ਹੋਵੇ ! ... ਪਰ ਤੇਰੇ ਕਹਿਣ ਦਾ ਕੀ ਭਾਵ ਹੈ ਕੀ ਇਹ
ਖਿਲਾੜੀ ਕਦੀ ਦਰਬਾਰ ਸਾਹਿਬ ਨਹੀਂ ਗਿਆ ?
ਪ੍ਰਭਜੋਤ : ਮੇਰਾ ਮਤਲਬ ਸੀ ਪਾਪਾ ਕੀ ਜਿਵੇਂ ਕੋਈ ਹਜ਼ ਕਰਕੇ
ਆਉਂਦਾ ਹੈ ਜਾਂ ਸਵਾਬ ਵਿਚ (ਹੁਕਮ ਵਿਚ) ਰਹਿਣਾ ਚਾਹੁੰਦਾ ਹੈ ਤੇ ਓਹ ਕੇਸ਼ ਨਹੀਂ ਕੱਟਦਾ !
ਮਤਲਬ ਕੀ ਕੇਸ਼ ਰੱਬੀ ਹੁਕਮ ਦਾ ਪ੍ਰਗਟਾਵਾ ਹਨ ਤੇ ਸਾਡੇ ਵਾਸਤੇ ਤੇ ਗੁਰੂ ਕੀ ਮੋਹਰ ਹਨ ! ਤੇ
ਕਿਓਂ ਨਹੀਂ ਅਸੀਂ ਵੀ ਕੁਛ ਇਸ ਤਰਾਂ ਸੋਚਿਏ ਕੀ ਕੋਈ ਭੁੱਲੜ ਸਿੱਖ ਜਦੋਂ ਦਰਬਾਰ ਸਾਹਿਬ ਜਾਵੇ
ਤੇ ਫਿਰ ਘੱਟੋਘਟ ਉਸ ਤੋਂ ਬਾਅਦ ਤੇ ਸਵਾਬ ਵਿਚ ਭਾਵ ਹੁਕਮ ਵਿਚ ਆ ਕੇ ਕੇਸ਼ ਕਟਣ ਤੋਂ ਬਾਜ਼ ਆ
ਜਾਵੇ !
(ਕੁਲਬੀਰ ਸਿੰਘ ਹਉਕਾ ਭਰ ਕੇ ਪੁੱਤਰ ਨੂੰ ਗੱਲ ਨਾਲ ਲਾ ਲੈਂਦਾ ਹੈ ! ਉਸਨੂੰ ਚੁੰਮਦਾ ਹੈ,
ਪਿਆਰ ਕਰਦਾ ਹੈ !)
ਕੁਲਬੀਰ ਸਿੰਘ : ਪੁੱਤਰ ਜੀ ! ਹੈ ਤੇ ਤੁਸੀਂ ਛੋਟੇ ਹੋ ਪਰ
ਗੱਲ ਬਹੁਤ ਵੱਡੀ ਕਿੱਤੀ ਹੈ ! ਜਿਸ ਪੰਜਾਬ ਵਿਚ ਸਿੱਖੀ ਨੂੰ ਇਤਨੀ ਵੱਡੀ ਢਾਹ ਲੱਗੀ ਹੈ ਕੀ
ਅੱਜ ਗੁਰੂ ਕੀ ਨਗਰੀ ਵਿਚ ਹੀ ਗੁਰੂ ਕੇ ਸਿੰਘ ਦਿਸਣੇ ਘਟ ਗਏ ਹਨ ! ਕਿਤਨਾ ਚੰਗਾ ਹੋਵੇ ਕੀ ਇਸੀ
ਬਹਾਨੇ ਹੀ ਸਹੀ ਪਰ ਸਾਰੇ ਭੁੱਲੜ ਵੀਰ ਵਾਪਿਸ ਮੁਖ-ਧਾਰਾ ਵਿਚ ਵਾਪਿਸ ਆ ਸੱਕਣ ਤੇ ਸਿਆਸੀ ਅਜਗਰ
ਦੀ ਕੈਦ ਤੋਂ ਅਜਾਦ ਹੋ ਜਾਣ ! ਇਸ ਸਿਆਸਤ ਦੇ ਅਜਗਰ ਨੇ ਆਪਣੀ ਮਨਮਤ ਨਾਲ ਵੱਡਾ ਸਾਰਾ ਪੰਜਾਬ
ਖਾ ਲਿੱਤਾ ਹੈ ਤੇ ਹੁਣ ਅੱਗੇ ਵਧਣ ਨੂੰ ਫਿਰਦਾ ਹੈ !
ਸ਼ੇਰਾਂ ਨੂੰ ਨਾ ਕੋਈ ਮੁੰਨਦਾ, ਭੇੜਾਂ ਨੂੰ ਤਾਂ ਹਰ ਕੋਈ ਮੁੰਨਦਾ
!
ਨਾ ਬਣੋ ਭੇੜ, ਵੀਰ ਤੁਸੀਂ ਹੋ ਸ਼ੇਰ ! ਇਹ ਕੋਈ ਕੋਈ ਸੁਣਦਾ !
ਹਾਸ਼ਿਮ ਆਮਲਾ
ਅਤੇ ਹਰਭਜਨ ਸਿੰਘ
* To relate this picture with the story, we changed
"Pakistan" to "South Africa" from the original story