⚠️ ਅੱਜ ਅਸੀਂ ਗੁਰੂ ਦੀ ਸਿੱਖਿਆਵਾਂ 'ਤੇ ਪਹਿਰਾ ਦੇਣ ਦੀ ਥਾਂ 'ਤੇ #ਕਰਮਕਾਂਡ ਕਰਨ ਨੂੰ ਪਹਿਲ ਦੇ ਰਹੇ ਹਾਂ। ਜਦ ਕਿ ਹੋਣਾ ਇਸ ਤੋਂ ਉੱਲਟ ਚਾਹੀਦਾ ਸੀ ਗੁਰੂ ਦੀ ਸਿੱਖਿਆਵਾਂ 'ਤੇ ਪਹਿਰਾ ਦਿੰਦੇ ਹੋਏ ਅਸੀਂ ਕਰਮਕਾਂਡਾ ਵਿਚੋਂ ਬਾਹਰ ਨਿਕਲਣਾ ਸੀ, ਪਰ ਅਸੀਂ ਕਰਮਕਾਂਡ ਕਰਨ ਨੂੰ ਹੀ ਆਪਣੀ ਸਿਆਣਪ ਸਮਝ ਲਿਆ ਹੈ। ਨਹੀਂ?

📛 ਕੀ #ਸਾਹਿਬਜ਼ਾਦਿਆਂ ਦੀ #ਸ਼ਹਾਦਤ ਨੂੰ ਯਾਦ ਕਰਨ ਦਾ ਇਹ ਹੀ ਤਰੀਕਾ ਰਹਿ ਗਿਆ ਹੈ?
▪️ ਬਰਫ਼ਾਂ 'ਚ ਤੇ ਬਰਫ਼ਾਂ ਵਾਲੇ ਪਾਣੀ 'ਚ ਨਹਾਉਣਾ ਕਿੰਨੀ ਕੂ ਸਿਆਣਪ ਹੈ ?
▪️ ਸਰਸਾ ਨਦੀ ਵਿਚ ਜਲੂਸ ਕੱਢਣਾ ਤੇ ਉਸ ਵਿਚੋਂ ਨੰਗੇ ਪੈਰੀ ਲੰਘਣਾ ਕਿੰਨੀ ਕੁ ਸਿਆਣਪ ਹੈ ?

‼️ ਭਲਿਓ ਜੇ ਸਹਿਬਜ਼ਾਦਿਆਂ ਦੀ ਸ਼ਹਾਦਤ ਨੂੰ ਯਾਦ ਕਰਨ ਦਾ ਤੁਹਾਡੇ ਕੋਲ ਇਹ ਹੀ ਤਰੀਕਾ ਰਹਿ ਗਿਆ ਹੈ ਤਾਂ ਫਿਰ...
▪️ ਭਾਈ #ਦਿਆਲਾ ਜੀ ਨੂੰ ਕਿਵੇਂ ਯਾਦ ਕਰੋਗੇ, ਦੇਗ ਵਿਚ ਉਬਲ ਕੇ ?
▪️ ਗੁਰੂ ਅਰਜਨ ਸਾਹਿਬ ਜੀ ਦੀ ਸ਼ਹਾਦਤ ਨੂੰ ਕਿਵੇਂ ਯਾਦ ਕਰੋਗੇ, ਤੱਤੀ ਤਵੀ ਤੇ ਬਹਿ ਕੇ, ਸਿਰ ਵਿਚ ਗਰਮ ਰੇਤਾ ਪਵਾ ਕੇ ?
▪️ ਭਾਈ #ਮਨੀ #ਸਿੰਘ ਜੀ ਨੂੰ ਕਿਵੇਂ ਯਾਦ ਕਰੋਗੇ ?
▪️ ਭਾਈ #ਤਾਰੂ ਸਿੰਘ ਜੀ ਨੂੰ ਕਿਵੇਂ ਯਾਦ ਕਰੋਗੇ ?

☢️ ਭਲਿਓ ਇਹ ਸ਼ਹਾਦਤ ਦਿਹਾੜੇ ਸਾਨੂੰ #ਚੜ੍ਹਦੀਕਲਾ ਵਿਚ ਰਹਿਣਾ ਸਿਖਾਉਂਦੇ, ਨਾ ਕਿ ਕਰਮਕਾਂਡ ਕਰਨੇ, ਇਹਨਾਂ ਦਿਹਾੜਿਆਂ ਵਿਚ ਇਹੋ ਜਿਹੇ ਕਰਮਕਾਂਡ ਕਰਨਾ ਛੱਡ ਕੇ ਗੁਰਬਾਣੀ ਦੀ ਸਿਖਿਆ 'ਤੇ ਪਹਿਰਾ ਦੇਵੋ ਨਾ ਕਿ ਇਹ ਸਭ ਕਰਨ ਵਿਚ ਰੁਝੋ।

🙏 #ਗੁਰਬਾਣੀ ਦਾ ਫੁਰਮਾਨ ਹੈ ....

▪️ ਹਰਿ ਬਿਨੁ ਅਵਰ ਕ੍ਰਿਆ ਬਿਰਥੇ॥ ਜਪ ਤਪ ਸੰਜਮ ਕਰਮ ਕਮਾਣੇ ਇਹਿ ਓਰੈ ਮੂਸੇ॥ (ਅੰਕ: ੨੧੬)

ਗੁਰੂ ਰਾਖਾ
---------
#ਟਿੱਪਣੀ: ਸੰਪਾਦਕ ਖ਼ਾਲਸਾ ਨਿਊਜ਼
😡 ਇਹ #ਕੌਮੀ #ਦੁਰਦਸ਼ਾ ਹੈ ਤੇ ਸਾਡੇ ਲੋਕਾਂ ਦੀ ਅਕਲ #ਜਨਾਜ਼ਾ ਜੋ #ਜਲੂਸ ਦੇ ਰੂਪ 'ਚ ਕੱਢਿਆ ਜਾ ਰਿਹਾ ਹੈ। ਐਸੇ ਕਰਤਬ ਦਿਖਾਉਣੇ ਹਨ, ਤਾਂ ਦੁਨੀਆਂ ਪਰੇ ਤੋਂ ਪਰੇ ਹੈ, ਜੋ ਐਸੇ ਕਰਤਬ ਇਸ ਤੋਂ ਵੀ ਵਧੀਆ ਤੇ ਹੈਰਾਨੀਜਨਕ ਕਰਦੀ ਹੈ। 👉 ਕੀ #ਸ਼ਹਾਦਤਾਂ ਕੋਈ #ਨਾਟਕੀ #ਕਰਤਬ ਸੀ ਜਾਂ ਸਿੱਖੀ ਸਿਧਾਂਤਾਂ 'ਤੇ ਦ੍ਰਿੜਤਾ ਤੇ ਜ਼ੁਲਮ ਜ਼ਬਰ ਦੇ ਸਾਹਮਣੇ ਖਲੋਣ ਦੀ ਦਲੇਰੀ ਹੈ?

👳 ਧੰਨ ਗੁਰੂ ਕੇ ਸਿੱਖ ਅਕਲ ਦੇ ਪੱਕੇ ਵੈਰੀ ਕੀ ਐਸੇ ਵਰਤਾਰਿਆਂ ਨੂੰ ਸਮਝ ਸਕਣ ਦੇ ਕਾਬਲ ਹਨ? ਇਹ ਅਕਲੋਂ ਪੈਦਲ ਭੀੜ ਗੁਰਬਾਣੀ ਤੋਂ ਸੱਖਣੀ ਤੇ ਸਿੱਖੀ ਸਿਧਾਂਤਾਂ ਤੋਂ ਕੋਰੀ ਹੈ। ਇਨ੍ਹਾਂ ਤੋਂ ਅਕਲ ਦੀ ਆਸ ਕਰਨੀ ਹੀ ਮੂਰਖਤਾ ਹੈ। ਇਹ ਗੱਲ ਕਿਸੇ ਦੇ ਗੋਡੇ ਲੱਗੇ ਭਾਂਵੇਂ ਗਿੱਟੇ ਲੱਗੇ ਸਾਨੂੰ ਪਰਵਾਹ ਨਹੀਂ।

💥 ਪਰਵਾਹ ਨਾਹੀ ਕਿਸੈ ਕੇਰੀ ਬਾਝੁ ਸਚੇ ਨਾਹ ॥

Disclaimer: Khalsanews.org does not necessarily endorse the views and opinions voiced in the news / articles / audios / videos or any other contents published on www.khalsanews.org and cannot be held responsible for their views.  Read full details....