Share on Facebook

Main News Page

ਭੀੜ ਗੁਣਵੱਤਾ ਦਾ ਮਾਪਦੰਡ ਨਹੀਂ ਹੁੰਦੀ
-: ਆਤਮਜੀਤ ਸਿੰਘ ਕਾਨੁਪੁਰ
13.09.19

ਅਜੋਕੇ ਸਮੇਂ ਵਿੱਚ ਜੇ ਅਪਣੇ ਵੇੜ੍ਹੇ ਵਿੱਚ ਝਾਤ ਮਾਰੀਏ ਤਾਂ ਲੋਕ ਭੀੜ ਨੂੰ ਮਾਪਦੰਡ ਬਣਾਈ ਬੈਠੇ ਹਨ, ਜੇ ਭੀੜ ਹੀ ਮਾਪਦੰਡ ਹੈ ਤਾਂ ਭੀੜ ਰਾਧਾ ਸੁਆਮੀਆਂ ਦੇ ਸਮਾਗਮ ਵਿੱਚ ਵੀ ਹੁੰਦੀ, ਨਾਮਧਾਰੀ, ਨੀਲਧਾਰੀ, ਪਿਪਲੀ ਵਾਲੇ ਸਾਧ ਅਤੇ ਹੋਰ ਸਾਧਾਂ ਦੇ ਸਮਾਗਮਾਂ ਵਿੱਚ ਵੀ ਬਹੁਤ ਭੀੜ ਹੁੰਦੀ ਹੈ .... ਭੀੜ ਕੋਈ ਮਾਪਦੰਡ ਨਹੀਂ, ਜੇ ਭੀੜ ਹੀ ਮਾਪਦੰਡ ਹੁੰਦੀ ਤੇ ਬਾਬਾ ਕਬੀਰ ਜੀ ਨੂੰ ਇਹ ਨਾ ਕਹਿਣਾ ਪੈਂਦਾ ....

ਕਬੀਰ ਜਿਹ ਮਾਰਗਿ ਪੰਡਿਤ ਗਏ ਪਾਛੈ ਪਰੀ ਬਹੀਰ ॥
ਇਕ ਅਵਘਟ ਘਾਟੀ ਰਾਮ ਕੀ ਤਿਹ ਚੜਿ ਰਹਿਓ ਕਬੀਰ ॥165॥
(ਪੰਨਾ 1373)

ਸੱਚ ਦੇ ਮਾਰਗ 'ਤੇ ਚਲਣ ਲਈ ਭੀੜ ਦੀ ਲੋੜ ਨਹੀਂ ਹੁੰਦੀ, ਗੁਰੂ ਨਾਨਕ ਸਾਹਿਬ ਨੇ ਗੁਰਮਤਿ ਆਧਾਰਿਤ ਖਰਾ ਸੱਚ ਪੇਸ਼ ਕਰਨ ਵੇਲੇ ਇਸ ਗੱਲ ਦੀ ਕਦੇ ਪ੍ਰਵਾਹ ਨਹੀਂ ਕੀਤੀ ਕਿ ਇਸ ਨਾਲ ਕਿੰਨੇ ਲੋਕ ਹਨ ਜਾਂ ਭੀੜ ਹੈ, ਜੇ ਭੀੜ ਹੀ ਇੱਕਠੀ ਕਰਨੀ ਹੁੰਦੀ ਤੇ ਗੁਰੂ ਨਾਨਕ ਸਾਹਿਬ ਵੀ ਕਰਮਕਾਂਡੀ ਰਸਮਾਂ ਨੂੰ ਅਪਣਾ ਸਕਦੇ ਸੀ ਪਰ ਗੁਰੂ ਸਾਹਿਬ ਨੇ ਭੀੜ ਦੀ ਥਾਂ ਸਿਧਾਂਤ ਨੂੰ ਤਰਜੀਹ ਦਿੱਤੀ .... ਪਰ ਅਜੋਕੇ ਸਮਯ ਵਿੱਚ ਸੱਚ ਨਾਲੋਂ ਵੱਧ ਭੀੜਾਂ ਨੂੰ ਤਰਜੀਹ ਦਿੱਤੀ ਜਾਂਦੀ ਹੈ ....

ਅਸੀਂ ਉਸ ਨਾਨਕ ਜੀ ਦੇ ਪੈਰੋਕਾਰ ਕਹਾਉਂਦੇ ਹਾਂ, ਜਿਨ੍ਹਾਂ ਨੇ ਜਗਨਨਾਥ ਪੁਰੀ, ਮੱਕੇ ਜਾ ਕੇ ਉੱਥੇ ਹੁੰਦੀ ਮਨਮੱਤ ਬਾਰੇ ਪਹਿਲਾਂ ਗੱਲ ਕੀਤੀ, ਪਰ ਵਿਵਹਾਰ ਵਿੱਚ ਤਾਂ ਅਸੀਂ ਬਾਬਾ ਨਾਨਕ ਜੀ ਦੀ ਪ੍ਰਚਾਰ ਸੇਧ ਨੂੰ ਸਟੇਜ ਤੇ ਜਾਣ ਤੋਂ ਪਹਿਲਾਂ ਤਾਲੇ ਵਿੱਚ ਬੰਦ ਕਰ ਆਉਂਦੇ ਹਾਂ ....

ਅਤੇ ਯਾਦ ਰੱਖੋ ਗੁਰੂ ਨਾਨਕ ਸਾਹਿਬ ਜੀ ਵਲੋਂ ਖਰਾ ਸੱਚ ਪੇਸ਼ ਕਰਨ ਦੀ ਸੇਧ ਨੂੰ ਵਿਸਾਰ ਕੇ ਡੇਰੇਦਾਰਾਂ ਦੀ ਤਰਜ਼ ਤੇ ਸਟੇਜਾਂ ਅਤੇ ਭੀੜਾਂ ਦੀ ਲਾਲਸਾ ਨਾਲ ਗੁਰਮਤਿ ਇਨਕਲਾਬ ਦੇ ਸੱਚੇ ਪਾਂਧੀ ਨਹੀਂ ਬਣਿਆ ਜਾ ਸਕਦਾ ਅਤੇ ਨਾ ਹੀ ਹਮਸਫਰਾਂ ਨਾਲ ਸਹੀ ਏਕਤਾ ਹੋ ਸਕਦੀ ਹੈ ....

ਅਸਲ ਵਿੱਚ ਸਾਨੂੰ ਭੀੜ ਦੇ ਮਗਰ ਨਾ ਲੱਗ ਕੇ ਸੱਚ ਨੂੰ ਪਛਾਨਣਾ ਚਾਹੀਦਾ ਹੈ, ਚਾਹੇ ਉਹ ਗੱਲ ਇੱਕਲਾ ਬੰਦਾ ਹੀ ਕਿਉਂ ਨਾ ਕਰ ਰਿਹਾ ਹੋਵੇ .. ਗੁਰੂ ਰਾਖਾ ।


ਜੇ ਕਿਸੇ ਪਾਠਕ ਨੇ ਕੁਮੈਂਟ ਕਰਨਾ ਹੋਵੇ ਤਾਂ ਇੱਥੇ ਕਲਿੱਕ ਕਰਕੇ ਕਰ ਸਕਦਾ ਹੈ।


ਵਾਹਿ ਗੁਰੂ ਜੀ ਕਾ ਖ਼ਾਲਸਾ, ਵਾਹਿ ਗੁਰੂ ਜੀ ਕੀ ਫ਼ਤਿਹ॥
ਖ਼ਾਲਸਾ ਨਿਊਜ਼ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ ਸਮਰਪਿਤ ਹੈ। ਅਸੀਂ ਅਖੌਤੀ ਅਖੌਤੀ ਦਸਮ ਗ੍ਰੰਥ ਅਤੇ ਹੋਰ ਅਨਮਤੀ ਗ੍ਰੰਥ, ਪੱਪੂ (ਅਖੌਤੀ ਜਥੇਦਾਰ), ਪਖੰਡੀ ਸਾਧ, ਸੰਤ, ਬਾਬੇ, ਅਨਮਤੀ ਕਰਮਕਾਂਡਾਂ ਦੇ ਖਿਲਾਫ ਪ੍ਰਚਾਰ ਕਰਦੇ ਰਹੇ ਹਾਂ ਅਤੇ ਕਰਦੇ ਰਹਾਂਗੇ।
ਅਸੀਂ ਹਰ ਉਸ ਸਿੱਖ / ਸਿੱਖ ਜਥੇਬੰਦੀ ਦਾ ਸਾਥ ਦੇਵਾਂਗੇ, ਜਿਸਦਾ ਨਿਸ਼ਚਾ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ 'ਤੇ ਹੋਵੇ, ਸੱਚ ਬੋਲਣ ਅਤੇ ਸੱਚ 'ਤੇ ਪਹਿਰਾ ਦੇਣ ਦੀ ਹਿੰਮਤ ਅਤੇ ਬਾਬਰ ਦੇ ਸਾਹਮਣੇ ਖਲੋ ਕੇ ਜਾਬਰ ਕਹਿਣ ਦੀ ਹਿੰਮਤ ਰੱਖਦਾ ਹੋਵੇ।



Disclaimer: Khalsanews.org does not necessarily endorse the views and opinions voiced in the news। articles। audios videos or any other contents published on www.khalsanews.org  and cannot be held responsible for their views.  Read full details....

Go to Top