Share on Facebook

Main News Page

ਸ਼ਤਾਬਦੀਆਂ ਦਾ ਮਨੋਰਥ ???
-: ਆਤਮਜੀਤ ਸਿੰਘ ਕਾਨੁਪੁਰ
01.09.19

ਵੇਖਿਆ ਜਾਵੇ ਤਾਂ 'ਕੁਝ ਨਾ ਕੁਝ ਵਰ੍ਹਿਆਂ ਬਾਅਦ ਕੋਈ ਨਾ ਕੋਈ ਸ਼ਤਾਬਦੀ ਆਉਂਦੀ ਰਹਿੰਦੀ ਹੈ ਪਰ ਇੰਨਾ ਸ਼ਤਾਬਦੀਆਂ ਦਾ ਮਨੋਰਥ ਕੀ ਹੈ ....?

ਵੇਖਿਆ ਜਾਵੇ ਤਾਂ ਇੰਨਾ ਸ਼ਤਾਬਦੀਆਂ ਮਨਾਉਣ ਵਾਲਿਆਂ ਦਾ ਮਨੋਰਥ ਲੱਖਾਂ ਖਰਚ ਕਰਕੇ ਕੇ ਕਰੋੜਾਂ ਇੱਕਠਾ ਕਰਨਾ ਹੁੰਦਾ ਹੈ ਅਤੇ ਇਹਨਾਂ ਸ਼ਤਾਬਦੀਆਂ ਸਮੇਂ ਬਾਬੇ ਨਾਨਕ ਦੀ ਬਾਣੀ ਦੇ ਵਿਰੁੱਧ ਕੰਮ ਕੀਤੇ ਜਾਂਦੇ ਹਨ, ਗੁਰਮਤਿ ਸਿਧਾਂਤਾਂ ਨੂੰ ਢਾਅ ਲਾਈ ਜਾਂਦੀ ਹੈ, ਊਹਨਾਂ ਪ੍ਰਚਾਰਕਾਂ ਨੂੰ ਸਦਿਆ ਜਾਂਦਾ ਹੈ ਜੋ ਸਿੱਖ ਇਤਿਹਾਸ ਨੂੰ ਤੋੜ-ਮਰੋੜ ਕੇ ਪੇਸ਼ ਕਰਦੇ ਹਨ ...।

ਜਦ ਕੀ ਇੰਨਾ ਸ਼ਤਾਬਦੀਆਂ ਦਾ ਮਨੋਰਥ ਹੋਣਾ ਚਾਹੀਦਾ ਸੀ ਕਿ ਬਾਬੇ ਨਾਨਕ ਦੀ ਬਾਣੀ ਦੀ ਸੋਚ ਤੇ ਕਿਵੇਂ ਪਹਿਰਾ ਦੇਣਾ ਹੈ ..? ਅਤੇ ਇੰਨਾ ਸ਼ਤਾਬਦੀਆਂ ਵਿਚੋਂ ਸਿੱਖੀ ਦਾ ਭੱਵਿਖ ਤਲਾਸ਼ਿਆ ਜਾਂਦਾ, ਸਿੱਖ ਧਰਮ ਦੇ ਨਿਘਾਰ ਵਿਚ ਆ ਰਹੀਆਂ ਰੁਕਾਵਟਾਂ ਸਮੱਸਿਆਵਾਂ ਨੂੰ ਕੌਮ ਦੇ ਸਨਮੁੱਖ ਰਖਿਆ ਜਾਂਦਾ, ਉਹਨਾਂ ਦੇ ਹੱਲ ਲਈ ਉਪਰਾਲੇ ਕੀਤੇ ਜਾਂਦੇ, ਅੱਜ ਸਿੱਖ ਕੌਮ ਦਾ ਸਭ ਤੋਂ ਵੱਡਾ ਮਸਲਾ ਪਤਿਤਪੁਣਾ ਅਤੇ ਕਰਮਕਾਂਡ ਹੈ .. ਅਤੇ ਗੁਰੂ ਸਾਹਿਬਾਨ ਦੇ ਬਾਰੇ ਵਿੱਚ ਲਿਖੇ ਜਾ ਰਹੇ ਉਟ-ਪਟਾਂਗ ਨਾਲ ਕਿਸ ਤਰ੍ਹਾਂ ਨਜਿੱਠਣਾ ਹੈ ..? ਸਿੱਖ ਧਰਮ ਤੇ ਹੋ ਰਹੇ ਬਾਹਰੀ ਅਤੇ ਅਦੰਰੂਨੀ ਹਮਲਿਆਂ ਨੂੰ ਕਿਵੇਂ ਰੋਕਣਾ ਹੈ ..? ਉਹਨਾਂ ਪੁਸਤਕਾਂ ਦੀ ਪੜਚੋਲ ਕਿਵੇਂ ਕਰਨੀ ਹੈ, ਜੋ ਗੁਰੂ ਸਾਹਿਬਾਨਾਂ ਅਤੇ ਸਿੱਖੀ ਸਿਧਾਂਤਾਂ ਦਾ ਖਿਲਵਾੜ ਕਰ ਰਹੀਆਂ ਹਨ ..? ਗੁਰੂ ਸਾਹਿਬਾਨਾਂ ਨਾਲ ਜੋੜੀਆਂ ਗਈਆਂ ਮਨਘੜ੍ਹਤ ਕਹਾਣੀਆਂ ਅਤੇ ਕਰਾਮਾਤਾਂ ਵਾਲੀ ਸਾਖੀਆਂ ਦੀ ਗੁਰਮਤਿ ਦੀ ਕਸਵਟੀ ਤੇ ਪੜ੍ਹਚੋਲ ਕਰਨੀ .., ਅਤੇ ਊਨਾਂ ਗ੍ਰੰਥਾਂ ਦੀ ਪੜਚੋਲ ਕਰਨੀ ਜੋ ਗੁਰਮਤਿ ਦੀ ਕਸਵਟੀ ਤੇ ਖਰੇ ਨਹੀਂ ਊਤਰਦੇ {ਅਖੌਤੀ ਦਸਮ ਗ੍ਰੰਥ, ਸੂਰਜ ਪ੍ਰਕਾਸ਼ ਗ੍ਰੰਥ, ਬਾਲੇ ਵਾਲੀ ਜਨਮ ਸਾਖੀ, ਗੁਰ ਬਿਲਾਸ ਪਾ:੬, ਰਾਗਮਾਲਾ } ....।

ਅਤੇ ਇੰਨਾ ਸ਼ਤਾਬਦੀਆਂ ਗੁਰਪੁਰਬਾਂ ਦੇ ਸਮੇਂ ਨਗਰ ਕੀਰਤਨ ਕੱਢਣੇ ਬੰਦ ਕਰਕੇ ਸਬੰਧਤ ਸ਼ਤਾਬਦੀ ਦੇ ਬਾਰੇ ਵਿੱਚ ਕਿਤਾਬਚੇ ਛਪਵਾ ਕੇ ਮੁਫ਼ਤ ਘਰ-ਘਰ ਵਿੱਚ ਪਹੁੰਚਾਉਣੇ ਚਾਹੀਦੇ ਹਨ, ਅੱਜ ਜਰੂਰਤ ਹੈ, ਨੌਜਵਾਨਾਂ ਲਈ ਅਜਿਹੇ ਵਿਦਿਅਕ ਅਦਾਰੇ ਖੋਲ੍ਹਣ ਦੀ, ਜਿਹੜੇ ਭਵਿੱਖ ਵਿੱਚ ਕੌਮ ਦੀ ਜਵਾਨੀ ਲਈ ਰਾਹ ਦਸੇਰਾ ਬਣ ਸਕਣ .. ਗੁਰੂ ਰਾਖਾ ।


ਜੇ ਕਿਸੇ ਪਾਠਕ ਨੇ ਕੁਮੈਂਟ ਕਰਨਾ ਹੋਵੇ ਤਾਂ ਇੱਥੇ ਕਲਿੱਕ ਕਰਕੇ ਕਰ ਸਕਦਾ ਹੈ।


ਵਾਹਿ ਗੁਰੂ ਜੀ ਕਾ ਖ਼ਾਲਸਾ, ਵਾਹਿ ਗੁਰੂ ਜੀ ਕੀ ਫ਼ਤਿਹ॥
ਖ਼ਾਲਸਾ ਨਿਊਜ਼ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ ਸਮਰਪਿਤ ਹੈ। ਅਸੀਂ ਅਖੌਤੀ ਅਖੌਤੀ ਦਸਮ ਗ੍ਰੰਥ ਅਤੇ ਹੋਰ ਅਨਮਤੀ ਗ੍ਰੰਥ, ਪੱਪੂ (ਅਖੌਤੀ ਜਥੇਦਾਰ), ਪਖੰਡੀ ਸਾਧ, ਸੰਤ, ਬਾਬੇ, ਅਨਮਤੀ ਕਰਮਕਾਂਡਾਂ ਦੇ ਖਿਲਾਫ ਪ੍ਰਚਾਰ ਕਰਦੇ ਰਹੇ ਹਾਂ ਅਤੇ ਕਰਦੇ ਰਹਾਂਗੇ।
ਅਸੀਂ ਹਰ ਉਸ ਸਿੱਖ / ਸਿੱਖ ਜਥੇਬੰਦੀ ਦਾ ਸਾਥ ਦੇਵਾਂਗੇ, ਜਿਸਦਾ ਨਿਸ਼ਚਾ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ 'ਤੇ ਹੋਵੇ, ਸੱਚ ਬੋਲਣ ਅਤੇ ਸੱਚ 'ਤੇ ਪਹਿਰਾ ਦੇਣ ਦੀ ਹਿੰਮਤ ਅਤੇ ਬਾਬਰ ਦੇ ਸਾਹਮਣੇ ਖਲੋ ਕੇ ਜਾਬਰ ਕਹਿਣ ਦੀ ਹਿੰਮਤ ਰੱਖਦਾ ਹੋਵੇ।



Disclaimer: Khalsanews.org does not necessarily endorse the views and opinions voiced in the news। articles। audios videos or any other contents published on www.khalsanews.org  and cannot be held responsible for their views.  Read full details....

Go to Top