Share on Facebook

Main News Page

ਗੁਰੂ ਦੇ ਉਪਦੇਸ ਨੂੰ ਮੰਨਣਾ ਤੇ ਨਿਭਾਉਣਾ ਹੀ ਗੁਰੂ ਦੇ ਸਨਮੁਖ ਹੋਣਾ ਹੈ
-: ਆਤਮਜੀਤ ਸਿੰਘ, ਕਾਨਪੁਰ
210319

ਅੱਜ ਸਰੀਰ ਕਰਕੇ ਹਰ ਕੋਈ ਸਤਿਗੁਰ ਦੇ ਸਨਮੁਖ ਹੋ ਕੇ ਬੈਠਾ ਹੈ, ਪਰ ਉਨਾਂ ਹੀ ਸਤਿਗੁਰ ਦੇ ਹੁਕਮ ਨੂੰ ਪਛਾਂਣੇ ਬਿਨਾ ਦੂਰ ਹੈ .... ਸਰੀਰ ਕਰਕੇ ਤਾਂ ਸਿਰੀ ਚੰਦ ਤੇ ਪ੍ਰਿਥੀ ਚੰਦ ਵੀ ਸਤਿਗੁਰ ਦੇ ਸਨਮੁਖ ਹੇ ਕੇ ਬੈਠੇ ਸਨ, ਪਰ ਸਾਰੀ ਜ਼ਿੰਦਗੀ ਗੁਰੂ ਪਿਤਾ ਦੇ ਹੁਕਮ ਨੂੰ ਪਹਿਛਾਣਿਆ ਹੀ ਨਹੀਂ ਅਤੇ ਮਨ ਕਰਕੇ ਸਿੱਖ ਸਿਧਾਂਤ ਦੀ ਵਿਰੋਧਤਾ ਹੀ ਕੀਤੀ ਹੈ .... ਤੁਸੀਂ ਆਪ ਵੇਖ ਸਕਦੇ ਹੋ ਬਾਬਾ ਸਿਰੀ ਚੰਦ ਵੀ ਗੁਰੂ ਨਾਨਕ ਸਾਹਿਬ ਜੀ ਦੇ ਪਾਸ ਬੈਠੇ ਹਨ ਪਰ ਆਪਣਾ ਉਦਾਸੀਆਂ ਵਾਲਾ ਵੱਖਰਾ ਧਰਮ ਚਲਾ ਲਿਆ।

ਕੋਈ ਵੀਹ, ਚਾਲੀ, ਪੰਜਾਹ, ਸੱਠ ਜਾਂ ਸੱਤਰ ਸਾਲਾਂ ਤੋਂ ਗੁਰਦੁਆਰਾ ਸਾਹਿਬ ਦੀ ਹਾਜ਼ਰੀ ਭਰ ਰਿਹਾ ਹੈ ਪਰ ਜੀਵਨ ਵਿੱਚ ਬਦਲਾ ਕੋਈ ਨਹੀਂ ਆਇਆ। ਜੁੱਤੀਆਂ ਦੇ ਥੱਲੇ ਹੱਥ ਲਾ ਕੇ ਮੂੰਹ ਨੂੰ ਲਾ ਲੈਣ ਨੂੰ ਗੁਰਦੁਆਰੇ ਦੀ ਹਾਜ਼ਰੀ ਨਹੀਂ ਭਰੀ ਕਹੀ ਜਾ ਸਕਦੀ।

ਲੰਬੇ ਸਮੇਂ ਤੋਂ ਜੁੱਤੀਆਂ ਦੀ ਅਤੇ ਲੰਗਰਾਂ ਦੀ ਸੇਵਾ ਕਰਨ ਵਾਲਿਆਂ ਨੂੰ ਦੇਖਿਆ ਹੈ ਕਿ ਜੇ ਕਰ ਉਹ ਦਾਲ਼ ਸਬਜ਼ੀ ਦੇ ਕੋਲੋਂ ਦੀ ਲੰਘ ਹੀ ਜਾਣ ਤਾਂ ਸਬਜ਼ੀ ਦਾਲ ਵਿੱਚ ਮਿਰਚਾਂ ਪਾਉਣ ਦੀ ਲੋੜ ਨਹੀਂ ਰਹਿ ਜਾਂਦੀ, ਕਿਉਂਕਿ ਸੇਵਾ ਕਰਦਿਆਂ ਕਰਦਿਆਂ ਹੰਕਾਰ ਹੀ ਇਕੱਠਾ ਕੀਤਾ ਹੈ ਨਿਮ੍ਰਤਾ ਦਾ ਨਾਮੋ ਨਿਸ਼ਾਨ ਨਹੀਂ ਹੈ। ਭਾਵ ਗੁਰੂ ਸਾਹਿਬ ਜੀ ਦੇ ਕੋਲ ਰਹਿਣ ਕਰਕੇ ਵੀ ਹਲੀਮੀ ਪਿਆਰ ਮਿਠਾਸ ਵਰਗੀ ਭਾਵਨਾ ਬਣ ਨਹੀਂ ਸਕੀ।

ਕੀ ਸਰੀਰ ਕਰਕੇ ਗੁਰੂ ਜੀ ਦੇ ਕੋਲ ਬੈਠਣਾ ਇਹ ਸਮਝਿਆ ਜਾਏ ਕਿ ਅਸੀਂ ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਪਾਸ ਬੈਠ ਗਏ ਹਾਂ? ਜੇ ਕੇਵਲ ਏਨਾ ਹੀ ਸਮਝਿਆ ਜਾਏ ਕਿ ਸਰੀਰ ਕਰਕੇ ਕੇਵਲ ਬੈਠਿਆਂ ਹੀ ਸਾਡਾ ਕਲਿਆਣ ਹੋ ਸਕਦਾ ਹੈ ਤੇ ਇਹ ਸਿਰਫ਼ ਇਕ ਗਲਤਫਹਿਮੀ ਤੋਂ ਵੱਧ ਕੁਝ ਨਹੀਂ, ਗੁਰਬਾਣੀ ਦਾ ਫੁਰਮਾਨ ਹੈ ....

"ਨਾਨਕ ਸਤਿਗੁਰੁ ਤਾਂ ਮਿਲੈ, ਜਾ ਮਨੁ ਰਹੈ ਹਦੂਰਿ" {ਪੰਨਾ ੮੪}

ਗੁਰਬਾਣੀ ਸ਼ਬਦ ਗਿਆਨ ਨੂੰ ਨਾ ਸਮਝਣ ਵਾਲਾ ਮਨੁੱਖੀ ਤਲ਼ 'ਤੇ ਨਹੀਂ ਸਗੋਂ ਪਸ਼ੂਆਂ ਵਰਗੀਆਂ ਬਿਰਤੀਆਂ ਦਾ ਮਾਲਕ ਹੋ ਨਿਬੜਦਾ ਹੈ। ਅਜੇ ਜ਼ਿਉਂਦੇ ਪਸ਼ੂ ਦਾ ਵੀ ਕੋਈ ਲਾਭ ਹੋ ਸਕਦਾ ਹੈ ਪਰ ਗੁਰੂ ਸਾਹਿਬ ਜੀ ਤਾਂ ਮਰਿਆ ਹੋਇਆ ਪੁਸ਼ੂ ਤੇ ਵੱਡਾ ਮੂਰਖ ਆਖ ਰਹੇ ਹਨ।

ਜਿਨਾ ਸਤਿਗੁਰੁ ਪੁਰਖੁ ਨ ਸੇਵਿਓ ਸਬਦਿ ਨ ਕੀਤੋ ਵੀਚਾਰੁ॥ ਓਇ ਮਾਣਸ ਜੂਨਿ ਨ ਆਖੀਅਨਿ ਪਸੂ ਢੋਰ ਗਾਵਾਰ॥ {ਪੰਨਾ ੧੪੧੮}

ਸਤਿਗੁਰ ਦੀ ਸਿੱਖਿਆ ਤੇ ਸ਼ਬਦ ਦੀ ਵਿਚਾਰ ਤੋਂ ਬਿਨਾਂ ਹਿਰਦੇ ਵਿੱਚ ਗਿਆਨ ਨਹੀਂ ਆ ਸਕਦਾ, ਅਸਲ ਵਿਚ ਸਤਿਗੁਰ ਦੇ ਸਨਮੁਖ ਹੋ ਕੇ ਬੈਠਣਾ ਤਾਂ ਹੀ ਸਫਲ ਜਦੋਂ ਅਸੀਂ ਸਤਿਗੁਰ ਦੇ ਹੁਕਮ ਨੂੰ ਪਛਾਣਾਂਗੇ ।


ਜੇ ਕਿਸੇ ਪਾਠਕ ਨੇ ਕੁਮੈਂਟ ਕਰਨਾ ਹੋਵੇ ਤਾਂ ਇੱਥੇ ਕਲਿੱਕ ਕਰਕੇ ਕਰ ਸਕਦਾ ਹੈ।


ਵਾਹਿ ਗੁਰੂ ਜੀ ਕਾ ਖ਼ਾਲਸਾ, ਵਾਹਿ ਗੁਰੂ ਜੀ ਕੀ ਫ਼ਤਿਹ॥
ਖ਼ਾਲਸਾ ਨਿਊਜ਼ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ ਸਮਰਪਿਤ ਹੈ। ਅਸੀਂ ਅਖੌਤੀ ਅਖੌਤੀ ਦਸਮ ਗ੍ਰੰਥ ਅਤੇ ਹੋਰ ਅਨਮਤੀ ਗ੍ਰੰਥ, ਪੱਪੂ (ਅਖੌਤੀ ਜਥੇਦਾਰ), ਪਖੰਡੀ ਸਾਧ, ਸੰਤ, ਬਾਬੇ, ਅਨਮਤੀ ਕਰਮਕਾਂਡਾਂ ਦੇ ਖਿਲਾਫ ਪ੍ਰਚਾਰ ਕਰਦੇ ਰਹੇ ਹਾਂ ਅਤੇ ਕਰਦੇ ਰਹਾਂਗੇ।
ਅਸੀਂ ਹਰ ਉਸ ਸਿੱਖ / ਸਿੱਖ ਜਥੇਬੰਦੀ ਦਾ ਸਾਥ ਦੇਵਾਂਗੇ, ਜਿਸਦਾ ਨਿਸ਼ਚਾ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ 'ਤੇ ਹੋਵੇ, ਸੱਚ ਬੋਲਣ ਅਤੇ ਸੱਚ 'ਤੇ ਪਹਿਰਾ ਦੇਣ ਦੀ ਹਿੰਮਤ ਅਤੇ ਬਾਬਰ ਦੇ ਸਾਹਮਣੇ ਖਲੋ ਕੇ ਜਾਬਰ ਕਹਿਣ ਦੀ ਹਿੰਮਤ ਰੱਖਦਾ ਹੋਵੇ।



Disclaimer: Khalsanews.org does not necessarily endorse the views and opinions voiced in the news। articles। audios videos or any other contents published on www.khalsanews.org  and cannot be held responsible for their views.  Read full details....

Go to Top