ੴ ਸਤਿਗੁਰ ਪ੍ਰਸਾਦਿ ॥
ਤੱਤ ਗੁਰਮਤਿ ਪਰਿਵਾਰ
ਸਾਚਾ ਸਤਿਗੁਰ ਕੌਣ?
ਰਾਮਕਲੀ ਮਹਲਾ 1 ਸਿਧ ਗੋਸਟਿ - ਪੰਨਾ 943 ॥ ਸਬਦੁ ਗੁਰੂ
ਸੁਰਤਿ ਧੁਨਿ ਚੇਲਾ ॥
ਤੱਤ ਗੁਰਮਤਿ ਪਰਿਵਾਰ ਨੇ ਆਪਣੀ ਕਿਤਾਬ: “ਮਨਮਤਿ ਤੋਂ
ਗੁਰਮਤਿ ਵੱਲ ਵਾਪਸੀ ਦਾ ਸਫ਼ਰ” (ਭਾਗ-1) ਵਿਚ ਇਸ ਬਾਰੇ ਬਹੁਤ ਜਾਣਕਾਰੀ ਦਿੱਤੀ ਹੈ । ਸਿਵਾਏ ਕੁਝ
ਜਥ ੇਬੰਦੀਆਂ ਅਤੇ ਡੇਰੇਦਾਰਾਂ ਦੇ, ਸਿੱਖ “ਸ਼ਬਦ ਗੁਰੂ, ਗੁਰੂ ਗਰੰਥ ਸਾਹਿਬ ਵਿਚ ਅੰਕਤਿ ਬਾਣੀ”
ਨੂੰ ਹੀ ਆਪਣਾ ਗੁਰੂ ਸਮਝਦੇ ਹਨ।
ਗੁਰੂ ਨਾਨਕ ਸਾਹਿਬ ਸਮੇਂ (1469-1539), ਭਾਈ ਲਹਿਣਾ
ਜੀ (1504), ਬਾਬਾ ਅਮਰਦਾਸ ਜੀ (1479) ਅਤੇ ਭਾਈ ਜੇਠਾ ਜੀ (1534) ਸੰਸਾਰ ਵਿਖੇ ਵਿਚਰ ਰਹੇ ਸਨ,
ਪਰ ਉਨ੍ਹਾਂ ਨੂੰ ਉਸ ਸਮੇਂ ਕੋਈ ਗੁਰੂ ਨਹੀਂ ਸੀ ਕਹਿੰਦਾ। ਜਿਵੇਂ ਅਸੀਂ “ਗੁਰੂ ਗਰੰਥ ਸਾਹਿਬ”
ਨੂੰ ਗੁਰੂ ਕਹਿੰਦੇ ਹਾਂ, ਇਵੇਂ ਹੀ ਗੁਰੂ ਨਾਨਕ ਸਾਹਿਬ ਨੂੰ ਕਿਉਂਕਿ ਉਹ ਆਪਣੇ ਸਰੀਰ ਦੁਆਰਾ ਹੀ
ਇਲਾਹੀ ਗਿਆਨ ਦਾ ਉਪਦੇਸ਼ ਦਿੰਦੇ ਸੀ । ਫ਼ਰਕ ਸਿਰਫ ਇਹੀ ਹੈ ਕਿ ਉਸ ਸਮੇਂ ਸਰੀਰ ਸਾਧਨ ਸੀ ਅਤੇ ਹੁਣ
ਗਰੰਥ ! ਹਾਂ, ਸਾਨੂੰ ਇਹ ਨਹੀਂ ਕਹਿਣਾ ਚਾਹੀਦਾ ਕਿ ਸਾਡੇ ਦੱਸ ਗੁਰੂ ਸਨ/ਹਨ, ਗੁਰੂ ਤਾਂ ਇਕ ਹੀ
ਰਿਹਾ । ਦੇਖੋ, ਹਰੇਕ ਕਾਲਜ ਵਿਖੇ ਪ੍ਰਿੰਸੀਪਲ ਬਦਲਦੇ ਰਹਿੰਦੇ ਹਨ, ਪਰ ਇਹ ਕੋਈ ਨਹੀਂ ਆਖਦਾ ਕਿ
ਹੁਣ ਇਹ ਸਾਡਾ ਗਿਆਰਵਾਂ ਪ੍ਰਿੰਸੀਪਲ ਹੈ ! {ਇਸ ਪ੍ਰਥਾਏ ਇਕ ਹੋਰ ਕਿਤਾਬ ਹੈ : “ਸੱਚਾ ਗੁਰੂ”
ਲੇਖਕ ਗਿਆਨੀ ਊਧਮ ਸਿੰਘ,
ਸਿੰਘ ਬ੍ਰਦਰਜ਼ ਤੋਂ ਪਰਾਪਤ ਹੋ ਸਕਦੀ ਹੈ, ਦਾਸਰਾ ਭੀ ਇਸ ਨੂੰ ਪੜ੍ਹਣ ਦਾ ਓਪਰਾਲਾ ਕਰੇਗਾ}
ਇਸ ਲਈ ਬਾਬਾ, ਪਾਤਸ਼ਾਹ, ਜਾਮਾ ਕਹਿਣ ਦੇ ਬਜਾਏ, ਗੁਰੂ
ਕਹਿਣ ਵਿਚ ਕੋਈ ਹਰਜ਼ ਨਹੀਂ ਜਿਵੇ :
1469-1539 ਗੁਰੂ ਨਾਨਕ ਸਾਹਿਬ 1539-1552 ਗੁਰੂ ਅੰਗਦ
ਸਾਹਿਬ
1552-1574 ਗੁਰੂ ਅਮਰਦਾਸ ਸਾਹਿਬ 1574-1581 ਗੁਰੂ ਰਾਮਦਾਸ ਸਾਹਿਬ
1581-1606 ਗੁਰੂ ਅਰਜਨ ਸਾਹਿਬ 1606-1644 ਗੁਰੂ ਹਰਿਗੋਬਿੰਦ ਸਾਹਿਬ
1644-1661 ਗੁਰੂ ਹਰਿਰਾਏ ਸਾਹਿਬ 1661-1664 ਗੁਰੂ ਹਰਿਕਿਸ਼ਨ ਸਾਹਿਬ
1664-1675 ਗੁਰੂ ਤੇਗ਼ ਬਹਾਦਰ ਸਾਹਿਬ 1675-1708 ਗੁਰੂ ਗੋਬਿੰਦ ਸਿੰਘ ਸਾਹਿਬ
07-10-1708 ਗੁਰੂ ਗਰੰਥ ਸਾਹਿਬ
ਸਿੱਖ ਰਹਤ ਮਰਿਆਦਾ ਦੀ ਪੁਨਰ ਪੜਚੋਲ ਕਿਉਂ ਜ਼ਰੂਰੀ?
ਪਿਛਲੇ ਸਾਲ, ਡਾਕਟਰ ਹਰਜਿੰਦਰ ਸਿੰਘ ਜੀ ਦਿਲਗੀਰ ਨੇ
ਰਿਵਾਈਜ਼ਡ ਡਰਾਫਟ ਭੇਜਿਆ ਸੀ ਅਤੇ ਦਾਸਰੇ ਨੇ ਕੁਝ ਹੋਰ ਅਦਲਾ-ਬਦਲੀ ਕਰਕੇ ਕਈ ਹੋਰ ਸ਼ੁੱਭ-ਚਿੰਤਕਾਂ
ਨੂੰ ਭੇਜਿਆ ਸੀ ਤਾਂ ਜੋ ਉਸ ਵਿਚ ਹੋਰ ਸੁਧਾਰ ਹੋ ਸਕੇ । ਪਰ, 5-6 ਮਹੀਨਿਆਂ ਤੋਂ ਪ੍ਰੋਫੈਸਰ
ਦਰਸ਼ਨ ਸਿੰਘ ਜੀ ਬਾਰੇ ਬਾਦ-ਬਿਵਾਦ ਹੋਣ ਕਰਕੇ, ਕਿਸੇ ਨੇ ਕੋਈ ਖ਼ਾਸ ਗੌਰ ਨਹੀਂ ਕੀਤੀ ਜਾਪਦੀ । ਇਸ
ਲਈ, ਬੇਨਤੀ ਹੈ ਕਿ ਤੱਤ ਗੁਰਮਤਿ ਪਰਿਵਾਰ ਦੇ ਮੈਂਬਰ ਜ਼ਰੂਰ ਵਿਚਾਰ ਕਰਨ ਅਤੇ ਉਸ ਡਰਾਫਟ ਨੂੰ ਫਿਰ
ਦੇਖਣ ਦੀ ਕ੍ਰਿਪਾਲਤਾ ਕਰਨ।
ਬੇਨਤੀ: ਈਮੇਲ ਭੇਜਣ ਸਮੇਂ ਲਿਖਣ/ਭੇਜਣ ਵਾਲੇ ਦਾ ਨਾਮ
ਅਤੇ ਪਲੇਸ ਆਫ ਰੈਜ਼ੀਡਿੰਸ ਜ਼ਰੂਰ ਲਿਖਣਾ ਬਣਦਾ ਹੈ ਜਿਵੇਂ ਆਪਜੀ ਦੇ ਮੈਂਬਰ ਕਈ ਸ਼ਹਿਰਾਂ ਵਿਖੇ
ਰਹਿੰਦੇ ਹਨ ।
