Share on Facebook | ||
ੴ ਮੁਰ ਮਿਤ ਪੂਰਬ ਕੀਯਸਿ ਪਯਾਨਾ॥
ਭਾਂਤਿ ਭਾਂਤਿ ਕੇ ਤੀਰਥਿ ਨਾਨਾ॥ ਜਬ ਹੀ ਜਾਤ ਤ੍ਰਿਬੇਣੀ
ਭਏ॥ ਪੁੰਨ ਦਾਨ ਦਿਨ ਕਰਤ ਬਿਤਏ॥1॥ ਇਨ੍ਹਾਂ ਪਂਕਤਿਆਂ ਦੇ ਤੁਕਾਰਥ ਕਰਦੇ ਹੋਏ ਜੇ.ਪੀ. ਸੰਗਤ ਸਿੰਘ ਜੀ ਲਿਖਦੇ ਹਨ,
“ਮੇਰੇ ਪਿਤਾ ਜੀ ਨੇ ਪੁਰਬ ਦਿਸ਼ਾ ਵੱਲ ਪ੍ਰਚਾਰ ਹਿਤ ਜਾਣ ਦੀ ਤਿਆਰੀ ਕਰ
ਲਈ।ਰਸਤੇ ਵਿਚ ਕਰੀ ਤੀਰਥਾਂ ਦੇ ਇਸ਼ਨਾਨ ਕਰਦੇ ਹੋਏ ਜਦੋਂ ਉਹ ਤ੍ਰਿਬੇਣੀ ਵਿਖੇ ਪੁੱਜੇ ਤਾਂ ਦਾਨ
ਪੁੰਨ ਕਰਦੇ ਹੋਏ ਕਈ ਦਿਨ ਬਿਤਾ ਦਿਤੇ।1। ਉਥੇਂ ਤ੍ਰਿਬੇਣੀ ਵਿਖੇ ਹੀ ਅਸੀਂ ਮਾਤ ਗਰਭ ਵਿਚ ਆਏ ਅਤੇ
ਪਟਨਾ ਸ਼ਹਿਰ ਵਿਚ ਪੁੱਜ ਕੇ ਸਾਡਾ ਜਨਮ ਹੋਇਆ। ਉਥੋਂ ਸਾਨੂੰ ਪੰਜਾਬ ਵਿਚ ਲੈ ਆਏ, ਜਿੱਥੇ ਕਈ ਕਈ
ਦਾਈਆਂ ਖਿਡਾਵਿਆਂ ਨੇ ਸਾਡੀ ਪਿਆਰ ਦੁਲਾਰ ਨਾਲ ਪਾਲਣਾ ਕੀਤੀ।2। ਇਹ ਸਾਰੀ ਵਿਚਾਰ ਗੁਰਮਤਿ ਮੁਤਾਬਿਕ ਹੈ ਕਿ ਨਹੀਂ ਇਸ ਲਈ ਤੀਰਥ ਦੇ ਸਬੰਧ ਵਿਚ ਗੁਰੁ ਗ੍ਰੰਥ ਸਾਹਿਬ ਦੀ ਬਾਣੀ ਨੂੰ ਵਿਚਾਰਨਾ ਅਤਿ ਦਾ ਜਰੂਰੀ ਹੋ ਜਾੰਦਾ ਹੈ।ਗੁਰਮਤਿ ਮਾਰਤੰਡ ਵਿਚ ਭਾਈ ਕਾਹਨ ਸਿੰਘ ਜੀ ਨਾਭਾ ਲਿਖਦੇ ਹਨ, “ਲੋਕ ਨੂੰ ਹਿੱਤ ਦਾ ਉਪਦੇਸ਼ ਦੇਣ, ਕੁਕਰਮਾਂ ਦੇ ਬੰਧਨਾਂ ਤੋਂ ਮੁਕਤ ਕਰਨ ਅਤੇ ਆਮਿਲ ਅਤੇ ਆਮਿਲ ਸੱਜਣਾਂ ਦੀ ਸੰਗਤਿ ਤੋ ਲਾਭ ਪ੍ਰਾਪਤ ਕਰਨ ਅਤੇ ਵਾਕਫੀਯਤ ਵਧਾਉਣ ਲਈ ਤੀਰਥਾਂ ਤੇ ਜਾਣਾ ਲਾਭਦਾਯਕ ਹੈ, ਪਰ ਕੇਵਲ ਤੀਰਥ ਸਨਾਨ ਅਤੇ ਦਰਸ਼ਨ ਤੋਂ ਹੀ ਗਤਿ ਮੰਨਣੀ ਅਵਿਦਯਾ ਹੈ।” ਗੁਰਬਾਣੀ ਮੁਤਾਬਿਕ ਸਾਰੇ ਗੁਰੂ ਸਾਹਿਬਾਨ ਹਿੰਦੂ ਤੀਰਥਾਂ ਦੇ ਗੁਰਮਤਿ ਦੇ ਫਲਸਫੇ ਦੇ ਪ੍ਰਚਾਰ ਹਿੱਤ ਹੀ ਗਏ ਸਨ, ਉਥੇਂ ਜਾਣ ਦਾ ਪ੍ਰਯੋਜਨ ਕੋਈ ਤੀਰਥ ਸਥਾਨਾਂ ਤੇ ਜਾ ਕੇ ਪੁੰਨ ਦਾਨ ਕਰਕੇ ਆਪਣੇ ਪਾਪ ਦਾ ਨਾਸ ਕਰਨਾ ਨਹੀਂ ਸੀ। ਤੀਰਥ ਉਦਮੁ ਸਤਿਗੁਰੂ ਕੀਆ ਸਭ ਲੋਕ ਉਧਰਣ ਅਰਥਾ ॥ ਪੰਨਾ 1116 ਇਸੇਂ ਪ੍ਰਥਾਇ ਭਾਈ ਗੁਰਦਾਸ ਜੀ ਵੀ ਆਪਣਿਆ ਵਾਰਾਂ ਵਿਚ ਫਰਮਾਉਂਦੇ ਹਨ: ਬਾਬਾ ਆਇਆ ਤੀਰਥੀਂ ਤੀਰਥ ਪੁਰਬ ਸਭੇ
ਫਿਰ ਦੇਖੈ॥ ਪੂਰਬ ਧਰਮ ਬਹੁ ਕਰਮ ਕਰ ਭਾਉ ਭਗਤਿ ਬਿਨ ਕਿਤੇ ਨ ਲੇਖੈ॥ ਗੁਰਮਤਿ ਮੁਤਾਬਿਕ ਤੀਰਥਾਂ ਤੇ ਜਾਣ ਮਾਤਰ ਜਾਂ ਦਾਨ, ਪੁੰਨ, ਇਸ਼ਨਾਨ ਨਾਲ ਕੀਸੀ ਵੀ ਤਰ੍ਹਾਂ ਨਾਲ ਮੋਖ ਪ੍ਰਾਪਤ ਨਹੀਂ ਹੋਣਾ ਤੇ ਨਾ ਹੀ ਕੀਸੀ ਤਰ੍ਹਾਂ ਮੱਨੁਖ ਧਾਰਮਕ ਬਣ ਜਾਂਦਾ ਹੈ। ਇਸ ਸਬੰਧ ਵਿਚ ਭਗਤ ਕਬੀਰ ਸਾਹਿਬ ਦਾ ਇਹ ਸ਼ਬਦ ਬੜਾ ਹੀ ਮਹੱਤਵਪੂਰਣ ਹੈ: ਆਸਾ ॥
ਅੰਤਰਿ ਮੈਲੁ ਜੇ ਤੀਰਥ ਨਾਵੈ ਤਿਸੁ ਬੈਕੁੰਠ ਨ ਜਾਨਾਂ ॥
ਲੋਕ ਪਤੀਣੇ ਕਛੂ ਨ ਹੋਵੈ ਨਾਹੀ ਰਾਮੁ ਅਯਾਨਾ ॥1॥ ਇਸ ਦੇ ਨਾਲ ਹੀ ਗੁਰਬਾਣੀ ਵਿਚ ਗੁਰੂ ਨਾਨਕ ਸਾਹਿਬ ਦਾ ਇਹ ਪ੍ਰਮਾਣ ਬੜਾ ਹੀ ਮਹੱਤਵਪੂਰਣ ਹੈ: ਤੀਰਥਿ ਨਾਵਣ ਜਾਉ ਤੀਰਥੁ ਨਾਮੁ
ਹੈ ॥ ਤੀਰਥੁ ਸਬਦ ਬੀਚਾਰੁ ਅੰਤਰਿ ਗਿਆਨੁ ਹੈ ॥ ਗੁਰੂ ਨਾਨਕ ਸਾਹਿਬ ਉਪਰ ਦਿੱਤਿਆ ਪੰਕਤਿਆ ਵਿਚ ਇਹ ਭਾਵ ਹੈ, ਤੀਰਥ ਨਾਲ ਪਰਮਾਤਮਾ ਦੇ ਮਿਲਨ ਦੀ ਵਿਚਾਰ ਗੁਰੂ ਨਾਨਕ ਸਾਹਿਬ ਖਾਰਿਜ ਕਰ ਰਹੇ ਹਨੇ ਤੇ ਨਾਲ ਹੀ ਉਪਦੇਸ਼ ਦੇ ਰਹੇ ਨੇ ਕਿ ਸ਼ਬਦ ਨਾਲ ਜੁੜ ਕੇ ਮੱਨੁਖ ਪਰਮਾਤਮਾ ਨੂੰ ਪ੍ਰਾਪਤ ਕਰਣ ਲਈ ਆਪਣੇ ਰੋਗ ਗਵਾਂ ਦੇਂਦਾ ਹੈ। ਇਸੇ ਵਿਚਾਰਧਾਰਾ ਤੇ ਹੀ ਗੁਰੂ ਤੇਗ ਬਹਾਦਰ ਸਾਹਿਬ ਬਿਲਾਵਲ ਰਾਗ ਵਿਚ ਇਹ ਉਪਦੇਸ਼ ਦੇ ਰਹੇ ਹਨ: ਬਿਲਾਵਲੁ ਮਹਲਾ 9 ॥ ਗੁਰੂ ਨਾਨਕ ਸਾਹਿਬ ਦੀ ਵਿਚਾਰਧਾਰਾ ਦੀ ਹੀ ਪ੍ਰੋੜਤਾ ਕਰਦੇ ਹੋਏ ਗੁਰੂ ਤੇਗ ਬਹਾਦਰ ਸਾਹਿਬ ਨੇ ਆਪਣੇ ਸਿੱਖਾਂ ਨੂੰ ਉਪਦੇਸ਼ ਕੀਤਾ ਹੈ। ਇਨ ਉਪਦੇਸ਼ਾਂ ਦੀ ਰੋਸ਼ਨੀ ਵਿਚ ਇਹ ਵਿਚਾਰ ਤੇ ਕੇਵਲ ਮਨੋਕਲਪਿਤ ਹੀ ਲਗਦੇ ਹਨ ਕਿ ਗੁਰੂ ਤੇਗ ਬਹਾਦਰ ਸਾਗਿਬ ਤੀਰਥ ਦੇ ਫਲਸਫੇ ਨਾਲ ਪ੍ਰਯਾਗ ਗਏ ਤੇ ਉਥੇਂ ਪੁੰਨ ਦਾਨ ਕੀਤਾ ਤੇ ਉਨ੍ਹਾਂ ਦੇ ਕਰਕੇ ਗੁਰੂ ਗੋਬਿੰਧ ਸਿੰਘ ਸਾਹਿਬ ਦਾ ਜਨਮ ਹੋਇਆ। ਗੁਰੂ ਤੇਗ ਬਹਾਦਰ ਸਾਹਿਬ ਦੇ ਘਰ ਮਾਤਾ ਗੁਜਰੀ ਜੀ ਕੂੱਖ ਤੋਂ ਗੁਰੂ ਗੋਬਿੰਦ ਸਿੰਘ ਸਾਹਿਬ ਦਾ ਪ੍ਰਕਾਸ਼ ਅਕਾਲ ਪੂਰਖ ਜੀ ਦੇ ਹੁਕਮ ਵਿਚ ਹੀ ਹੋਇਆ ਤੇ ਉਸ ਗੁਰੂ ਨੂੰ ਕੀਸੀ ਤੀਰਥ ਤੇ ਜਾ ਕੇ ਸਪੁਤਰ ਦੀ ਦਾਤ ਨਹੀਂ ਲੈਣੀ ਪਈ, ਉਹ ਦਾਤਾ ਤੇ ਸਤਿਗੁਰੂ ਆਪ ਹੀ ਹਨ ਜੋ ਸੰਗਤਾਂ ਦੀ ਝੋਲੀ ਸਦਾ ਭਰਦੇ ਰਹੇ ਹਨ ਤੇ ਸਦਾ ਹੀ ਭਰਦੇ ਰਹਿਣਗੇਂ। ਮਨਮੀਤ ਸਿੰਘ, ਕਾਨਪੁਰ |
|
|
Disclaimer: Khalsanews.org does not necessarily endorse the views and opinions voiced in the news / articles / audios / videos or any other contents published on www.khalsanews.org and cannot be held responsible for their views. Read full details.... |