Khalsanews

ਸ੍ਰੀ ਦਸਮ ਗ੍ਰੰਥ ਦੀ ਮਹਿਮਾ ਸੁਣੋ ਤੇ ਅਨੰਦ ਲਓ
-: ਸੰਪਾਦਕ ਖ਼ਾਲਸਾ ਨਿਊਜ਼

ਸਿੱਖਾਂ ਲਈ ਵਰਤਮਾਨ ਸਮਾਂ ਦੁਬਿਧਾਵਾਂ ਦਾ ਦੌਰ ਹੈ। ਸਿੱਖੀ ਦੇ ਮੁੱਢਲੇ ਸਿੱਧਾਂਤਾਂ ਤੋਂ ਲੈ ਕੇ ਹਰ ਇੱਕ ਗੱਲ 'ਤੇ ਦੁਬਿਧਾ ਖੜੀ ਕੀਤੀ ਗਈ ਹੈ, ਜਿਸ ਨਾਲ ਅਜੋਕਾ ਸਿੱਖ ਹਰ ਵੇਲੇ ਆਪਣੇ ਆਪ ਨੂੰ ਦੋਰਾਹੇ 'ਤੇ ਖੜਾ ਪਾਉਂਦਾ ਹੈ। ਪਰੰਪਰਾ ਦੇ ਨਾਮ ਹੇਠ, ਸੀਨਾ ਬਸੀਨਾ ਦੇ ਨਾਮ ਹੇਠ, ਸਾਡੇ ਮਹਾਂਪੁਰਖ ਜੀ ਨੇ ਕਿਹਾ ਹੈ ਦੇ ਨਾਮ ਹੇਠ, ਧੜੇਬੰਦੀ ਦੇ ਨਾਮ ਹੇਠ ਅਤੇ ਕਈ ਕੁੱਝ ਹੋਰ... ਕੋਈ ਵਿਰਲਾ ਹੀ ਹੈ ਜੋ ਗੁਰੂ ਦੀ ਗੱਲ ਕਰਦਾ ਹੈ ਅਤੇ ਗੁਰੂ ਦੀ ਮਤਿ ਨੂੰ ਮੰਨਦਾ ਹੈ।

ਕਿੰਨੀਆਂ ਹੀ ਦੁਬਿਧਾਵਾਂ ਹਨ ਜਿਵੇਂ ਮੂਲ ਮੰਤਰ ਦੀ, ਨਿਤਨੇਮ ਜਿਹੜਾ ਅਤੇ ਕਿੰਨਾਂ, ਪੰਜ ਬਾਣੀਆਂ ਕਿਹੜੀਆਂ, ਸਿਮਰਨ ਕਰਣ ਦੀ ਵਿਧੀ, ਰਹਿਰਾਸ ਵੱਡੀ ਕਿ ਛੋਟੀ, ਰਾਗਮਾਲਾ ਦਾ ਝਗੜਾ, ਮਾਸ ਖਾਣ ਕਿ ਨਹੀਂ, ਲਾਲ ਹਰਾ ਰੰਗ ਪਾ ਲਈਏ ਕਿ ਨਹੀਂ, ਪੱਗ ਗੋਲ ਕਿ ਨੋਕ ਵਾਲੀ, ਪੱਗ 'ਚ ਪਿੰਨ ਲਾ ਲਈ ਤਾਂ ਪੰਗਾ, ਪਿਛਲਾ ਲੱੜ ਟੰਗ ਲਿਆ ਤਾਂ ਸਿਆਪਾ, ਕਛਿਹਰਾ ਰੇਬ ਵਾਲਾ ਜਾਂ ਟਕਸਾਲੀ, ਕਿਰਪਾਨ ਟਕਾਸਾਲੀ ਜਾਂ ਕੋਈ ਹੋਰ, ਗਾਤਰਾ ਨੀਲਾ ਜਾਂ ਕੋਈ ਹੋਰ, ਪਜਾਮਾ ਪਾਉਣਾ ਕਿ ਲਾਹੁਣਾ, ਬੀਬੀਆਂ ਕੀਰਤਨ ਕਰਣ ਕਿ ਨਾ... ਅਤੇ ਹਾਲੇ ਕਿੰਨੀਆਂ ਹੀ ਹੋਰ ਦੁਬਿਧਾਵਾਂ ਹਨ, ਜਿਨ੍ਹਾਂ 'ਚ ਆਮ ਸਿੱਖ ਅਖਵਾਉਣ ਵਾਲਾ ਫਸਿਆ ਹੋਇਆ ਹੈ। ਹੋਰ ਤਾਂ ਹੋਰ ਸਿੱਖ ਨੂੰ ਹਾਲੇ ਇਸ ਗੱਲ 'ਚ ਹੀ ਦੁਬਿਧਾ ਹੈ ਕਿ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਪੂਰਾ ਹੈ ਕਿ ਨਹੀਂ... ਇਕ ਪਾਸੇ ਕਹਿੰਦਾ ਤੇ ਹੈ ਕਿ ਸਿੱਖ ਦਾ ਗੁਰੂ, ਗੁਰੂ ਗ੍ਰੰਥ ਸਾਹਿਬ ਹੈ, ਪਰ ਨਾਲ ਹੋਰ ਗ੍ਰੰਥ ਦੀਆਂ ਢੁੱਚਰਾਂ ਵੀ ਢੋਈ ਜਾਂਦਾ ਹੈ।

ਇਸੇ ਲਈ ਇਸ "ਦੁਬਿਧਾ ਗ੍ਰੰਥ" ਜੋ ਕਿ ਗੁਰੂ ਗੋਬਿੰਦ ਸਿੰਘ ਜੀ ਦੇ ਨਾਮ ਨਾਲ ਨੱਥੀ ਕਰ ਦਿੱਤਾ ਗਿਆ ਹੈ, ਦੀ ਆਡੀਓ, ਖ਼ਾਲਸਾ ਨਿਊਜ਼ 'ਤੇ ਲੜੀਵਾਰ ਪਾਈ ਜਾ ਰਹੀ ਹੈ, ਜਿਸ ਨਾਲ ਪਾਠਕ ਆਪ ਹੀ ਨਿਰਣਾ ਕਰ ਸਕਣਗੇ ਕਿ ਇਹ "ਦੁਬਿਧਾ ਗ੍ਰੰਥ" ਜਿਸ ਨੂੰ ਇਸ ਦੇ ਚਾਹੁਣ ਵਾਲੇ "ਸ੍ਰੀ ਗੁਰੂ ਦਸਮ ਗ੍ਰੰਥ" ਵੀ ਕਹਿੰਦੇ ਹਨ, ਜਿਸ ਦਾ ਲਗਭਗ 60% ਹਿੱਸਾ ਅਸ਼ਲੀਲ ਹੈ, ਇਸ ਅਸ਼ਲੀਲ ਹਿੱਸੇ ਤੋਂ ਹੀ ਸ਼ੁਰੂਆਤ ਕੀਤੀ ਜਾ ਰਹੀ ਹੈ, ਜੋ ਕਿ "ਚਰਿਤ੍ਰੋਪਾਖਿਆਨ" ਨਾਮ ਨਾਲ ਮਸ਼ਹੂਰ ਹੈ, ਜਿਸ ਨਾਲ ਇਸ ਗ੍ਰੰਥ ਦੀ ਮਹਿਮਾ (ਹਨੇਰੇ) ਬਾਰੇ ਪਾਠਕਾਂ ਨੂੰ ਕੁੱਝ ਚਾਨਣਾ ਹੋ ਸਕੇ। ਅਸੀਂ ਕਿਸੇ 'ਤੇ ਇਹ ਨਹੀਂ ਥੋਪਦੇ ਕਿ ਸਾਡੀ ਗੱਲ ਮੰਨੋ, ਆਪ ਪੜ੍ਹੋ, ਸੁਣੋ ਤੇ ਨਿਰਣਾ ਕਰੋ ਕਿ ਇਹ "ਦੁਬਿਧਾ ਗ੍ਰੰਥ" ਗੁਰੂ ਸਾਹਿਬ ਵਲੋਂ ਲਿਖਿਆ ਜਾ ਸਕਦਾ ਹੈ।

ਖ਼ਾਲਸਾ ਨਿਊਜ਼ ਨੂੰ ਇਹ ਇਲਮ ਹੈ ਕਿ ਇਸ "ਦੁਬਿਧਾ ਗ੍ਰੰਥ" ਦੇ ਆਸ਼ਕ, ਆਪਣੇ ਕੁਮੈਂਟਸ 'ਚ ਆਪਣੀ ਕਾਬੀਲੀਅਤ ਦਾ ਮੁਜ਼ਾਹਰਾ ਕਰਣਗੇ, ਪਰ ਇਸ ਨਾਲ ਸਾਡੀ ਇਸ ਕੋਸ਼ਿਸ਼ ਨੂੰ ਹੋਰ ਹੁੰਗਾਰਾ ਮਿਲੇਗਾ। ਖ਼ਾਲਸਾ ਨਿਊਜ਼ ਇਸ "ਦੁਬਿਧਾ ਗ੍ਰੰਥ" ਅਖੌਤੀ ਦਸਮ ਗ੍ਰੰਥ ਨੂੰ, ਗੁਰੂ ਲਿਖਤ ਨਹੀਂ ਮੰਨਦੀ।

ਕੀ ਅਖੌਤੀ ਦਸਮ ਗ੍ਰੰਥ, ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦੇ ਬਰਾਬਰ ਹੋ ਸਕਦਾ ਹੈ? ਜਾਨਣ ਲਈ ਪੜ੍ਹੋ "ਪੜ੍ਹੋ ਤੇ ਪਛਾਣੋ"

ਸੈਂਪਲ ਦੇ ਤੌਰ 'ਤੇ ਪੇਸ਼ ਹੈ ਚਰਿਤਰ ਨੰ: 277

ਵਾਹਿਗੁਰੂ ਜੀ ਕਾ ਖ਼ਾਲਸਾ, ਵਾਹਿਗੁਰੂ ਜੀ ਕੀ ਫ਼ਤਹਿ॥ ਖ਼ਾਲਸਾ ਨਿਊਜ਼ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ ਸਮਰਪਿਤ ਹੈ। ਅਸੀਂ ਅਖੌਤੀ ਦਸਮ ਗ੍ਰੰਥ ਅਤੇ ਹੋਰ ਅਨਮਤੀ ਗ੍ਰੰਥ, ਪੱਪੂ (ਅਖੌਤੀ ਜੱਥੇਦਾਰ), ਪਖੰਡੀ ਸਾਧ, ਬਾਬੇ, ਅਨਮਤੀ ਕਰਮਕਾਂਡਾਂ ਦੇ ਖਿਲਾਫ ਪ੍ਰਚਾਰ ਕਰਦੇ ਰਹੇ ਹਾਂ ਅਤੇ ਕਰਦੇ ਰਹਾਂਗੇ। ਅਸੀਂ ਹਰ ਉਸ ਸਿੱਖ / ਸਿੱਖ ਜਥੇਬੰਦੀ ਦਾ ਸਾਥ ਦੇਵਾਂਗੇ, ਜਿਸਦਾ ਨਿਸ਼ਚਾ ਸਿਰਫ ਸ੍ਰੀ ਗੁਰੂ ਗ੍ਰੰਥ ਸਾਹਿਬ 'ਤੇ ਹੋਵੇ, ਸੱਚ ਬੋਲਣ ਅਤੇ ਸੱਚ 'ਤੇ ਪਹਿਰਾ ਦੇਣ ਦੀ ਹਿੰਮਤ ਅਤੇ ਬਾਬਰ ਦੇ ਸਾਹਮਣੇ ਖਲੋ ਕੇ ਜਾਬਰ ਕਹਿਣ ਦੀ ਹਿੰਮਤ ਰੱਖਦਾ ਹੋਵੇ। ਕਿਸੇ ਨੂੰ ਇਹ ਸਾਈਟ ਚੰਗੀ ਨਹੀਂ ਲਗਦੀ, ਸੌਖਾ ਤਰੀਕਾ ਹੈ, ਇਸ ਸਾਈਟ ਨੂੰ ਨਾ ਦੇਖਿਆ ਕਰੋ, Visit ਨਾ ਕਰਿਆ ਕਰੋ, ਅਸੀਂ ਕਿਸੇ ਨੂੰ ਸੱਦਾ ਦੇਣ ਨਹੀਂ ਜਾਂਦੇ। ਨਾ ਤਾਂ ਅਸੀਂ ਇਸ ਸਾਈਟ ਦਾ ਨਾਮ ਬਦਲਣਾ ਹੈ, ਨਾ ਹੀ ਗੁਰਮਤਿ ਦਾ ਰਾਹ ਛਡਣਾ ਹੈ।


Disclaimer: Khalsanews.org does not necessarily endorse the views and opinions voiced in the news, articles, audios, videos or any other contents published on www.khalsanews.org and cannot be held responsible for their views. Read full details...